विष्णुस्तवः अदितिकृतः Vishnustava by Aditi

अदितिरुवाच ।तस्मै नमस्ते कृष्णाय हरये परमात्मने ।अजाय चादितेयाय काश्यपाय नमोऽस्तुते ॥ १॥

aditiruvāca |tasmai namaste kṛṣṇāya haraye paramātmane |ajāya cāditeyāya kāśyapāya namo'stute || 1||

नमस्ते पृश्निगर्भाय कैवल्यपतये नमः ।देववन्दितपादाब्ज नमस्तुभ्यं नमो नमः ॥ २॥

namaste pṛśnigarbhāya kaivalyapataye namaḥ |devavanditapādābja namastubhyaṃ namo namaḥ || 2||

स्मृतार्त्तिनाशकानन्त देव पद्मविलोचन ।नमस्तुभ्यं नमस्तुभ्यं नमस्तुभ्यं नमो नमः ॥ ३॥

smṛtārttināśakānanta deva padmavilocana |namastubhyaṃ namastubhyaṃ namastubhyaṃ namo namaḥ || 3||

इदं ब्रह्माण्डमखिलं क्रीडागेण्डूकमेव ते ।नमस्तुभ्यं नमस्तुभ्यं नमस्तुभ्यं नमो नमः ॥ ४॥

idaṃ brahmāṇḍamakhilaṃ krīḍāgeṇḍūkameva te |namastubhyaṃ namastubhyaṃ namastubhyaṃ namo namaḥ || 4||

निक्षिप्तोत्क्षिप्तविक्षिप्तप्रतिक्षिप्ता वयन्तथा ।नमस्तुभ्यं नमस्तुभ्यं नमस्तुभ्यं नमो नमः ॥ ५॥

nikṣiptotkṣiptavikṣiptapratikṣiptā vayantathā |namastubhyaṃ namastubhyaṃ namastubhyaṃ namo namaḥ || 5||

विष्णो तव कृपा यस्य परमानन्दवर्षिणी ।नमस्तुभ्यं नमस्तुभ्यं नमस्तुभ्यं नमो नमः ॥ ६॥

viṣṇo tava kṛpā yasya paramānandavarṣiṇī |namastubhyaṃ namastubhyaṃ namastubhyaṃ namo namaḥ || 6||

तपस्ते यस्य हृदयं भक्तिस्ते यस्य दर्शन ।नमस्तुभ्यं नमस्तुभ्यं नमस्तुभ्यं नमो नमः ॥ ७॥

tapaste yasya hṛdayaṃ bhaktiste yasya darśana |namastubhyaṃ namastubhyaṃ namastubhyaṃ namo namaḥ || 7||

परमां निष्कलां सूक्ष्मां प्राप्य यश्चात्मनि स्थितः ।नमस्तुभ्यं नमस्तुभ्यं नमस्तुभ्यं नमो नमः ॥ ८॥

paramāṃ niṣkalāṃ sūkṣmāṃ prāpya yaścātmani sthitaḥ |namastubhyaṃ namastubhyaṃ namastubhyaṃ namo namaḥ || 8||

प्राणायामादिनिर्धूतकल्मषो यं समीक्षते ।नमस्तुभ्यं नमस्तुभ्यं नमस्तुभ्यं नमो नमः ॥ ९॥

prāṇāyāmādinirdhūtakalmaṣo yaṃ samīkṣate |namastubhyaṃ namastubhyaṃ namastubhyaṃ namo namaḥ || 9||

चन्द्रादित्यौ दृशौ यस्य ब्राह्मणा यस्य वै मुखम् ।नमस्तुभ्यं नमस्तुभ्यं नमस्तुभ्यं नमो नमः ॥ १०॥

candrādityau dṛśau yasya brāhmaṇā yasya vai mukham |namastubhyaṃ namastubhyaṃ namastubhyaṃ namo namaḥ || 10||

निक्षिप्तोत्क्षिप्तविक्षिप्तप्रतिक्षिप्ता वयं पुनः ।नमस्तुभ्यं नमस्तुभ्यं नमस्तुभ्यं नमो नमः ॥ ११॥

nikṣiptotkṣiptavikṣiptapratikṣiptā vayaṃ punaḥ |namastubhyaṃ namastubhyaṃ namastubhyaṃ namo namaḥ || 11||

अग्निर्यस्य मुखं चास्य कर्णौ यस्य दिशोदश ।नमस्तुभ्यं नमस्तुभ्यं नमस्तुभ्यं नमो नमः ॥ १२॥

agniryasya mukhaṃ cāsya karṇau yasya diśodaśa |namastubhyaṃ namastubhyaṃ namastubhyaṃ namo namaḥ || 12||

वायुर्यस्य स्वयं श्वासो माया हास्यञ्च यस्य वै ।नमस्तुभ्यं नमस्तुभ्यं नमस्तुभ्यं नमो नमः ॥ १३॥

vāyuryasya svayaṃ śvāso māyā hāsyañca yasya vai |namastubhyaṃ namastubhyaṃ namastubhyaṃ namo namaḥ || 13||

पृथ्वी यस्यासनं सत्यं लोको मुकुटमेव यत् ।नमस्तुभ्यं नमस्तुभ्यं नमस्तुभ्यं नमो नमः ॥ १४॥

pṛthvī yasyāsanaṃ satyaṃ loko mukuṭameva yat |namastubhyaṃ namastubhyaṃ namastubhyaṃ namo namaḥ || 14||

दक्षिणा चोत्तरा दिक् च भुजौ यस्य महाबलौ ।नमस्तुभ्यं नमस्तुभ्यं नमस्तुभ्यं नमो नमः ॥ १५॥

dakṣiṇā cottarā dik ca bhujau yasya mahābalau |namastubhyaṃ namastubhyaṃ namastubhyaṃ namo namaḥ || 15||

नासाग्रं यस्य पूर्वा दिक् पृष्ठं यस्य च पश्चिमा ।नमस्तुभ्यं नमस्तुभ्यं नमस्तुभ्यं नमो नमः ॥ १६॥

nāsāgraṃ yasya pūrvā dik pṛṣṭhaṃ yasya ca paścimā |namastubhyaṃ namastubhyaṃ namastubhyaṃ namo namaḥ || 16||

यस्याज्ञाकारिणो वायुसूर्यचन्द्रधराम्बुदाः ।नमस्तुभ्यं नमस्तुभ्यं नमस्तुभ्यं नमो नमः ॥ १७॥

yasyājñākāriṇo vāyusūryacandradharāmbudāḥ |namastubhyaṃ namastubhyaṃ namastubhyaṃ namo namaḥ || 17||

त्रैलोक्यं लङ्कितं येन दुर्लङ्घ्यशासनेन वै ।नमस्तुभ्यं नमस्तुभ्यं नमस्तुभ्यं नमो नमः ॥ १८॥

trailokyaṃ laṅkitaṃ yena durlaṅghyaśāsanena vai |namastubhyaṃ namastubhyaṃ namastubhyaṃ namo namaḥ || 18||

यस्योदरस्थं सकलं त्रैलोक्यं भूर्भुवादिकम् ।नमस्तुभ्यं नमस्तुभ्यं नमस्तुभ्यं नमो नमः ॥ १९॥

yasyodarasthaṃ sakalaṃ trailokyaṃ bhūrbhuvādikam |namastubhyaṃ namastubhyaṃ namastubhyaṃ namo namaḥ || 19||

मुखबाहूरुपादेभ्यो वर्णा यस्य बभूविरे ।नमस्तुभ्यं नमस्तुभ्यं नमस्तुभ्यं नमो नमः ॥ २०॥

mukhabāhūrupādebhyo varṇā yasya babhūvire |namastubhyaṃ namastubhyaṃ namastubhyaṃ namo namaḥ || 20||

मनश्चक्षुःश्रुतित्वग्भ्यो यस्याभूवंस्तथाश्रमाः ।नमस्तुभ्यं नमस्तुभ्यं नमस्तुभ्यं नमो नमः ॥ २१॥

manaścakṣuḥśrutitvagbhyo yasyābhūvaṃstathāśramāḥ |namastubhyaṃ namastubhyaṃ namastubhyaṃ namo namaḥ || 21||

सहस्त्रशीर्षा यः कूटः सहस्राक्षः सहस्त्रपात् ।नमस्तुभ्यं नमस्तुभ्यं नमस्तुभ्यं नमो नमः ॥ २२॥

sahastraśīrṣā yaḥ kūṭaḥ sahasrākṣaḥ sahastrapāt |namastubhyaṃ namastubhyaṃ namastubhyaṃ namo namaḥ || 22||

आदित्यकोटिवर्णो यो योऽतीतो निखिलन्तमः ।नमस्तुभ्यं नमस्तुभ्यं नमस्तुभ्यं नमो नमः ॥ २३॥

ādityakoṭivarṇo yo yo'tīto nikhilantamaḥ |namastubhyaṃ namastubhyaṃ namastubhyaṃ namo namaḥ || 23||

एक उर्वरितो यस्तु कल्पान्ते महति प्रभुः ।नमस्तुभ्यं नमस्तुभ्यं नमस्तुभ्यं नमो नमः ॥ २४॥

eka urvarito yastu kalpānte mahati prabhuḥ |namastubhyaṃ namastubhyaṃ namastubhyaṃ namo namaḥ || 24||

एतावानेव नैव त्वमनन्तगुणशक्तिमान् ।नमस्तुभ्यं नमस्तुभ्यं नमस्तुभ्यं नमो नमः ॥ २५॥

etāvāneva naiva tvamanantaguṇaśaktimān |namastubhyaṃ namastubhyaṃ namastubhyaṃ namo namaḥ || 25||

त्रिगुणानामपार्थक्यात्सृष्ट्यादि कुरुषे च यः ।नमस्तुभ्यं नमस्तुभ्यं नमस्तुभ्यं नमो नमः ॥ २६॥

triguṇānāmapārthakyātsṛṣṭyādi kuruṣe ca yaḥ |namastubhyaṃ namastubhyaṃ namastubhyaṃ namo namaḥ || 26||

इति बृहद्धर्मपुराणान्तर्गता अदितिकृतः विष्णुस्तवः सम्पूर्णः ।॥ बृहद्धर्मपुराणम् । मध्यखण्डः । अध्यायः ४६। ११३६ ॥

iti bṛhaddharmapurāṇāntargatā aditikṛtaḥ viṣṇustavaḥ sampūrṇaḥ ||| bṛhaddharmapurāṇam | madhyakhaṇḍaḥ | adhyāyaḥ 46| 1136 ||