रङ्गराजसुप्रभातम् Shri Rangaraja Suprabhatam

॥ श्रीः ॥श्रीरङ्गभूमितलभूसुरदेशिकेन्द्रैःश्रीरङ्गवाटमिदमित्युदितैः प्रबोधैः ।श्रीभूमिपाणिकमलैश्च समाश्रिताङ्घ्रेश्रीरङ्गराज जगदीश्वर सुप्रभातम् ॥ १॥

|| śrīḥ ||śrīraṅgabhūmitalabhūsuradeśikendraiḥśrīraṅgavāṭamidamityuditaiḥ prabodhaiḥ |śrībhūmipāṇikamalaiśca samāśritāṅghreśrīraṅgarāja jagadīśvara suprabhātam || 1||

कस्तूरिकाकलिकया कलितालकस्यकन्दर्पकोटिसदृशस्य कृपाम्बुराशेः ।कल्याणभूमिधर काङ्क्षितधैर्यसिन्धोश्रीरङ्गराज जगदीश्वर सुप्रभातम् ॥ २॥

kastūrikākalikayā kalitālakasyakandarpakoṭisadṛśasya kṛpāmburāśeḥ |kalyāṇabhūmidhara kāṅkṣitadhairyasindhośrīraṅgarāja jagadīśvara suprabhātam || 2||

लीलाविशेषललिताललितेन्दिरायाःमालाकवेरतनया मणिरेव साक्षात् ।श्रीरङ्गराडिति जना निगदन्ति सर्वेश्रीरङ्गराज जगदीश्वर सुप्रभातम् ॥ ३॥

līlāviśeṣalalitālalitendirāyāḥmālākaveratanayā maṇireva sākṣāt |śrīraṅgarāḍiti janā nigadanti sarveśrīraṅgarāja jagadīśvara suprabhātam || 3||

जम्बूद्रुमादिवसतेः शशिराजमौलेःसम्भूतनिर्झरनदीहतकल्मषस्य ।उद्दीपनं वितनुते तव पादसेवाश्रीरङ्गराज विजयिन् तव सुप्रभातम् ॥ ४॥

jambūdrumādivasateḥ śaśirājamauleḥsambhūtanirjharanadīhatakalmaṣasya |uddīpanaṃ vitanute tava pādasevāśrīraṅgarāja vijayin tava suprabhātam || 4||

श्रीरङ्गराजभवने भुवनैकमान्येसीताकराम्बुरुहसेव्यतयातिधन्ये ।याने विमानशयने वरवेदशृङ्गेश्रीरङ्गराज जगदीश्वर सुप्रभातम् ॥ ५॥

śrīraṅgarājabhavane bhuvanaikamānyesītākarāmburuhasevyatayātidhanye |yāne vimānaśayane varavedaśṛṅgeśrīraṅgarāja jagadīśvara suprabhātam || 5||

श्री चन्द्रपुष्करिणिकासरसःप्रतीरेश्रीवृक्षमूल कमलाक्ष कटाक्षपूरे ।श्रीसह्यजावरविभूषण दिव्यमूर्तेश्रीरङ्गराज जगदीश्वर सुप्रभातम् ॥ ६॥

śrī candrapuṣkariṇikāsarasaḥpratīreśrīvṛkṣamūla kamalākṣa kaṭākṣapūre |śrīsahyajāvaravibhūṣaṇa divyamūrteśrīraṅgarāja jagadīśvara suprabhātam || 6||

सूर्येन्दुमण्डलमृगेन्द्र सुपर्णशेषवालाभिवर्यगजवाजिरथप्रधानैः ।दिव्यैर्विमानशयने दययात्तनाथश्रीरङ्गराज जगदीश्वर सुप्रभातम् ॥ ७॥

sūryendumaṇḍalamṛgendra suparṇaśeṣavālābhivaryagajavājirathapradhānaiḥ |divyairvimānaśayane dayayāttanāthaśrīraṅgarāja jagadīśvara suprabhātam || 7||

लक्ष्मीश केशव हरे नृहरे मुरारेशौरे रमारमण कारण दीनबन्धो ।इत्यादरेण वदतामिह वाञ्छितार्थश्रीरङ्गराज जगदीश्वर सुप्रभातम् ॥ ८॥

lakṣmīśa keśava hare nṛhare murāreśaure ramāramaṇa kāraṇa dīnabandho |ityādareṇa vadatāmiha vāñchitārthaśrīraṅgarāja jagadīśvara suprabhātam || 8||

श्रीसुप्रभातविनुतं सुकृताभिधेयंप्रातस्समाहितमतिर्य इदं पठेत्तु ।तस्मै भुजङ्गशयनो भुवि रङ्गनाथःसर्वाणि वाञ्छितफलानि सदा प्रसूते ॥ ९॥

śrīsuprabhātavinutaṃ sukṛtābhidheyaṃprātassamāhitamatirya idaṃ paṭhettu |tasmai bhujaṅgaśayano bhuvi raṅganāthaḥsarvāṇi vāñchitaphalāni sadā prasūte || 9||

इति श्रीरङ्गराजसुप्रभातं सम्पूर्णम् ।

iti śrīraṅgarājasuprabhātaṃ sampūrṇam |