किङ्गृहेशस्तुतिः Shri Kingrihesha Stutih

अयत्नसङ्कल्पितसर्वलोकसर्गापवर्गस्थितिसंविधानम् ।अनादिमध्यान्तमशेषनाथंकिङ्गेहनाथं शरणं भजामि ॥ १॥

ayatnasaṅkalpitasarvalokasargāpavargasthitisaṃvidhānam |anādimadhyāntamaśeṣanāthaṃkiṅgehanāthaṃ śaraṇaṃ bhajāmi || 1||

अकृत्रिमानां वचसामभूमिंअगोचरं ब्रह्मशिवादिवाचाम् ।अहं स्तुवे किङ्गृहनायक त्वांतथाप्यलज्जंस्तु मितं पचोक्तिः ॥ २॥

akṛtrimānāṃ vacasāmabhūmiṃagocaraṃ brahmaśivādivācām |ahaṃ stuve kiṅgṛhanāyaka tvāṃtathāpyalajjaṃstu mitaṃ pacoktiḥ || 2||

अकिञ्चनोऽनन्यगतिस्त्वदीयस्तुतिं करोमीति मतिं करोमि ।कृपानिधे किङ्गृहनायकाद्यत्वमेव मे वाचमुदीरयेथाः ॥ ३॥

akiñcano'nanyagatistvadīyastutiṃ karomīti matiṃ karomi |kṛpānidhe kiṅgṛhanāyakādyatvameva me vācamudīrayethāḥ || 3||

त्वयैव दत्तामुपलभ्य वाणींअणीयसीमप्यतुलप्रभावम् ।प्रसादये किङ्गृहनायक त्वांन चेत् कुतो मे सफलं वचस्स्यात् ॥ ४॥

tvayaiva dattāmupalabhya vāṇīṃaṇīyasīmapyatulaprabhāvam |prasādaye kiṅgṛhanāyaka tvāṃna cet kuto me saphalaṃ vacassyāt || 4||

अनेन जीवेन समस्तवस्तुप्रविश्य नामानि च रूपभेदैः ।व्याकृत्य वीक्षावनमध्यभागेविभुं शयानं सततं भजामि ॥ ५॥

anena jīvena samastavastupraviśya nāmāni ca rūpabhedaiḥ |vyākṛtya vīkṣāvanamadhyabhāgevibhuṃ śayānaṃ satataṃ bhajāmi || 5||

अशेषपुंसां हृदि सन्निविष्टंअनल्पशक्त्यादि गुणैर्विशिष्टम् ।हृत्ताप हृत्पङ्कज भृङ्गजुष्टंदेवं भजे किङ्गृहगं ममेष्टम् ॥ ६॥

aśeṣapuṃsāṃ hṛdi sanniviṣṭaṃanalpaśaktyādi guṇairviśiṣṭam |hṛttāpa hṛtpaṅkaja bhṛṅgajuṣṭaṃdevaṃ bhaje kiṅgṛhagaṃ mameṣṭam || 6||

श्रीशालिहोत्रार्पितशालिपिष्टहृष्टो भवान् देवशयिष्णुरेनम् ।किं गेहमत्रेति यदावदत् तत्किङ्गेहमासीत् तव सद्म नाम्ना ॥ ७॥

śrīśālihotrārpitaśālipiṣṭahṛṣṭo bhavān devaśayiṣṇurenam |kiṃ gehamatreti yadāvadat tatkiṅgehamāsīt tava sadma nāmnā || 7||

पद्मामहीलालितपादपद्मंपद्मासनाधिष्ठितनिम्ननाभिम् ।शयानमाक्रम्य भुजङ्गतल्पंकिङ्गेहसद्मानमहं नतोऽस्मि ॥ ८॥

padmāmahīlālitapādapadmaṃpadmāsanādhiṣṭhitanimnanābhim |śayānamākramya bhujaṅgatalpaṃkiṅgehasadmānamahaṃ nato'smi || 8||

विस्मेरमासीत् भुवनं त्वदीयंचरित्र मन्वीक्ष्य चिरप्रवृत्तम् ।किङ्गेहनाथासुरकैटभादिनिबर्हणार्थं किल सर्वशक्ते ॥ ९॥

vismeramāsīt bhuvanaṃ tvadīyaṃcaritra manvīkṣya cirapravṛttam |kiṅgehanāthāsurakaiṭabhādinibarhaṇārthaṃ kila sarvaśakte || 9||

गङ्गादितीर्थानि निषेव्यशंभुःसर्वाणि पुण्यायतनानि गत्वा ।अमुक्तपूर्वोविधिहत्यया त्वांसंसेव्य किङ्गेहपते विमुक्तः ॥ १०॥ (किं सेव्य किङ्गेहपदे)

gaṅgāditīrthāni niṣevyaśaṃbhuḥsarvāṇi puṇyāyatanāni gatvā |amuktapūrvovidhihatyayā tvāṃsaṃsevya kiṅgehapate vimuktaḥ || 10|| (kiṃ sevya kiṅgehapade)

अजह्नुजानोद्य महापराधंद्विजं हि हृत्तापहरं सरस्ते ।अतीतरत् कौशिकमद्भुतं त्वत्प्रभावतः किङ्गृहनाथ नैतत् ॥ ११॥

ajahnujānodya mahāparādhaṃdvijaṃ hi hṛttāpaharaṃ saraste |atītarat kauśikamadbhutaṃ tvatprabhāvataḥ kiṅgṛhanātha naitat || 11||

रघुप्रवीरस्य तवार्हमेतत्यथागतस्यैव सिपोर्जिघांसोः ।विधूय रक्षस्त्वममुष्य दिव्यंअदाः पदं किङ्गृहनायक त्वम् ॥ १२॥

raghupravīrasya tavārhametatyathāgatasyaiva siporjighāṃsoḥ |vidhūya rakṣastvamamuṣya divyaṃadāḥ padaṃ kiṅgṛhanāyaka tvam || 12||

पिष्टप्रदीपान् परिकल्प्य ये त्वांहृष्टा भजन्तेऽहनिपुष्यदर्शे ।इष्टप्रदायी वितनोषि तेषांकष्टोपभोग्यान्यपि काङ्क्षितानि ॥ १३॥

piṣṭapradīpān parikalpya ye tvāṃhṛṣṭā bhajante'hanipuṣyadarśe |iṣṭapradāyī vitanoṣi teṣāṃkaṣṭopabhogyānyapi kāṅkṣitāni || 13||

विकासयन् मानसपङ्कजानिविपश्चितां निश्चलभक्तिभाजाम् ।प्रादुर्भवन्नासुरकैटभादितमोरवेत्वं मयि सुप्रसीद ॥ १४॥

vikāsayan mānasapaṅkajānivipaścitāṃ niścalabhaktibhājām |prādurbhavannāsurakaiṭabhāditamoravetvaṃ mayi suprasīda || 14||

प्रद्युम्ननाम्ने तपसां हि धाम्नेकृपाप्रसन्ने त्वयि किङ्गृहेश ।गङ्गाधिकत्वं न किमापतीर्थंहृत्तापहं वा तनयं न वन्ध्या ॥ १५॥

pradyumnanāmne tapasāṃ hi dhāmnekṛpāprasanne tvayi kiṅgṛheśa |gaṅgādhikatvaṃ na kimāpatīrthaṃhṛttāpahaṃ vā tanayaṃ na vandhyā || 15||

त्वं सर्ववित् त्वं कमलासहायःत्वमेव वेदान्त वचोऽवसेयः ।भवन्तमेतं शरणं प्रपन्नाःवयं न यस्मात् परमस्ति दैवम् ॥ १६॥

tvaṃ sarvavit tvaṃ kamalāsahāyaḥtvameva vedānta vaco'vaseyaḥ |bhavantametaṃ śaraṇaṃ prapannāḥvayaṃ na yasmāt paramasti daivam || 16||

पुराणपुंभावमहो विगुह्य (विगृह्य)युवत्वमेवाकलयन् सुरूपम् ।उपायमस्त्वं किल धर्मसेनसुतान्नताङ्गीमिह किङ्गृहेश ॥ १७॥

purāṇapuṃbhāvamaho viguhya (vigṛhya)yuvatvamevākalayan surūpam |upāyamastvaṃ kila dharmasenasutānnatāṅgīmiha kiṅgṛheśa || 17||

श्रीभूमिलालितपदं श्रितशेषतल्पंकल्पान्तयोग्यभुवनावनयोगनिद्रम् ।श्रीशालिहोत्रशिरसाधृतहस्तपद्मंश्रीवीरराघवविभुं श्रयतां मनो मे ॥ १८॥

śrībhūmilālitapadaṃ śritaśeṣatalpaṃkalpāntayogyabhuvanāvanayoganidram |śrīśālihotraśirasādhṛtahastapadmaṃśrīvīrarāghavavibhuṃ śrayatāṃ mano me || 18||

वेङ्कटेशकविना विनिर्मितांकिङ्गृहाधिपति संस्तुतिं पठन् ।दिव्यभोगमुपभुज्य मानवोभव्यरूपमवलोकयेत् प्रभोः ॥ १९॥

veṅkaṭeśakavinā vinirmitāṃkiṅgṛhādhipati saṃstutiṃ paṭhan |divyabhogamupabhujya mānavobhavyarūpamavalokayet prabhoḥ || 19||

इति वेङ्कटेशकविना विरचिता श्रीकिङ्गृहेशस्तुतिः समाप्ता ।

iti veṅkaṭeśakavinā viracitā śrīkiṅgṛheśastutiḥ samāptā |