हयग्रीवपञ्चकम् २ Hayagriva Panchakam (2)

लसाशय रसाशया परिसरन्तमक्षैर्हयैःकुमेधसि कुमेधसि स्थिरतया निबद्धं सदा ।खरस्वनखरस्वनैः परपुमर्थनोत्थैर्मितंमनोरथमनोरथप्रतिनिधिं बिभार्मि प्रभो ॥ १॥

lasāśaya rasāśayā parisarantamakṣairhayaiḥkumedhasi kumedhasi sthiratayā nibaddhaṃ sadā |kharasvanakharasvanaiḥ parapumarthanotthairmitaṃmanorathamanorathapratinidhiṃ bibhārmi prabho || 1||

महं बहु महं बहु प्रकटमेव कृत्वा रहःसमेत्य हि समेत्य हि त्विडुदरं पिबाम्यच्युत ।नरप्रिय नरप्रियं विरचयामि नूनं प्रभोन ते स्थिरनते स्थिरप्रियमहो कदाऽप्याचरम् ॥ २॥

mahaṃ bahu mahaṃ bahu prakaṭameva kṛtvā rahaḥsametya hi sametya hi tviḍudaraṃ pibāmyacyuta |narapriya narapriyaṃ viracayāmi nūnaṃ prabhona te sthiranate sthirapriyamaho kadā'pyācaram || 2||

नमस्तव नमस्तवप्रियपुरघ्न दीनस्य मेमनोहर मनोहराच्युतपदाम्बुजे स्थापय ।हृषीकप हृषीकपालक मुकुन्द तैस्सन्नतैःसहाखिलसहाखिलावप न मुञ्च मामाश्रितम् ॥ ३॥

namastava namastavapriyapuraghna dīnasya memanohara manoharācyutapadāmbuje sthāpaya |hṛṣīkapa hṛṣīkapālaka mukunda taissannataiḥsahākhilasahākhilāvapa na muñca māmāśritam || 3||

मतां स्तुतिमतां स्तुतिं तुरगवक्त्र तुभ्यं नमोदिशान्तर दिशान्तरस्फुरितचारुमूर्तेस्तव ।सुदामवसुदामवत्परिसरद्धियो मेऽन्वहंपदाम्बुज पदाम्बुजाभ्युदयपूतलोकत्रय ॥ ४॥

matāṃ stutimatāṃ stutiṃ turagavaktra tubhyaṃ namodiśāntara diśāntarasphuritacārumūrtestava |sudāmavasudāmavatparisaraddhiyo me'nvahaṃpadāmbuja padāmbujābhyudayapūtalokatraya || 4||

विषोपमविषोपमैर्विषयराशिभिर्वञ्चितंसदासुरसदासुरप्रियजिगघृक्षयान्धायितम् ।भवज्जनभवज्ज्नान्तरकृतार्तिमूलघ्न मांहयानन हयाननार्दन न मुञ्च भक्तं तव ॥ ५॥

viṣopamaviṣopamairviṣayarāśibhirvañcitaṃsadāsurasadāsurapriyajigaghṛkṣayāndhāyitam |bhavajjanabhavajjnāntarakṛtārtimūlaghna māṃhayānana hayānanārdana na muñca bhaktaṃ tava || 5||

हयास्य्नुतिपञ्चकं भवजवेदनावञ्चकंविरक्तिमतिशाधकं विमलवृत्तिसंशोधकम् ।दशप्रमतिसन्नतिस्तुतिरतेन कर्मन्दिनामुकून्दमननार्थिना व्यरचि वादिराजेन हि ॥ ६॥

hayāsynutipañcakaṃ bhavajavedanāvañcakaṃviraktimatiśādhakaṃ vimalavṛttisaṃśodhakam |daśapramatisannatistutiratena karmandināmukūndamananārthinā vyaraci vādirājena hi || 6||

इति श्रीमद्वादिराजपूज्यचरणविरचितंहयग्रीवपञ्चकं समाप्तम् ।भारतीरमणमुख्यप्राणान्तर्गत श्रीकृष्णार्पणमस्तु ।

iti śrīmadvādirājapūjyacaraṇaviracitaṃhayagrīvapañcakaṃ samāptam |bhāratīramaṇamukhyaprāṇāntargata śrīkṛṣṇārpaṇamastu |