तिरुचेन्दूरसेन्दिलाधिपन्सुप्रभातम् Tiruchendura Shri Shendiladhipan Shuprabhatam

ॐ श्रीगणेशाय नमः ।वन्दे वन्दारुमन्दारमिन्दुभूषणनन्दनंअमन्दानन्दसन्दोहबन्धुरं सिन्धुराननम् ।षड्वक्त्र कृत्तिकापुत्र षट्चक्रस्थ कृपानिधेउत्तिष्ठाभीष्टवरद कर्त्तव्यं लोकरक्षणम् ॥ १॥

oṃ śrīgaṇeśāya namaḥ |vande vandārumandāramindubhūṣaṇanandanaṃamandānandasandohabandhuraṃ sindhurānanam |ṣaḍvaktra kṛttikāputra ṣaṭcakrastha kṛpānidheuttiṣṭhābhīṣṭavarada karttavyaṃ lokarakṣaṇam || 1||

उत्तिष्ठोत्तिष्ठ गाङ्गेय उत्तिष्ठ श्रुतिसंस्तुत ।उत्तिष्ठ सर्वदेवेश त्रैलोक्यं मङ्गळं कुरु ॥ २॥

uttiṣṭhottiṣṭha gāṅgeya uttiṣṭha śrutisaṃstuta |uttiṣṭha sarvadeveśa trailokyaṃ maṅgaḷaṃ kuru || 2||

सुप्रातमस्तु शशिचूडतनूद्भवायसुप्रातमस्तु शरणागतवत्सलाय ।सुप्रातमस्तु शरदिन्दुसमाननायसुप्रातमस्तु शबरेन्द्रसुताप्रियाय ॥ ३॥

suprātamastu śaśicūḍatanūdbhavāyasuprātamastu śaraṇāgatavatsalāya |suprātamastu śaradindusamānanāyasuprātamastu śabarendrasutāpriyāya || 3||

सुप्रातमस्त्वसुरशूरकुलान्तकायसुप्रातमस्तु शमलापहदिव्यनाम्ने ।सुप्रातमस्तु शरशक्तिधनुर्धरायसुप्रातमस्तु शरसम्भव सुप्रभातम् ॥ ४॥

suprātamastvasuraśūrakulāntakāyasuprātamastu śamalāpahadivyanāmne |suprātamastu śaraśaktidhanurdharāyasuprātamastu śarasambhava suprabhātam || 4||

श्रीवेदसूक्तसकलागममन्त्ररूपश्रीकार्तिकेय कमलानन तारकारे ।श्रीसिन्धुतीरविलसत्सुगुहानिवासश्रीगन्धमादनपते तव सुप्रभातम् ॥ ५॥

śrīvedasūktasakalāgamamantrarūpaśrīkārtikeya kamalānana tārakāre |śrīsindhutīravilasatsuguhānivāsaśrīgandhamādanapate tava suprabhātam || 5||

षट्कोणमध्यविलसत्प्रणवस्वरूपषड्भावनाशक षडानन षट्किरीट ।षष्ठीव्रतप्रिय सुमङ्गळदिव्यमूर्तेश्रीगन्धमादनपते तव सुप्रभातम् ॥ ६॥

ṣaṭkoṇamadhyavilasatpraṇavasvarūpaṣaḍbhāvanāśaka ṣaḍānana ṣaṭkirīṭa |ṣaṣṭhīvratapriya sumaṅgaḷadivyamūrteśrīgandhamādanapate tava suprabhātam || 6||

श्रीस्कन्दपुष्करिणिकाशुभतोयपूताःश्रीभस्मरुद्रमणिभूषितदिव्यगात्राः ।त्वत्सन्निधौ प्रतिदिनं प्रविशन्ति भक्ताःश्रीगन्धमादनपते तव सुप्रभातम् ॥ ७॥

śrīskandapuṣkariṇikāśubhatoyapūtāḥśrībhasmarudramaṇibhūṣitadivyagātrāḥ |tvatsannidhau pratidinaṃ praviśanti bhaktāḥśrīgandhamādanapate tava suprabhātam || 7||

श्रीकुम्भसम्भवशुकप्रमुखा मुनीन्द्राःश्रीपारिजातकुसुमानि करे गृहीत्वा ।श्रीपादपद्ममुभयं च सदार्चयन्तिश्रीगन्धमादनपते तव सुप्रभातम् ॥ ८॥

śrīkumbhasambhavaśukapramukhā munīndrāḥśrīpārijātakusumāni kare gṛhītvā |śrīpādapadmamubhayaṃ ca sadārcayantiśrīgandhamādanapate tava suprabhātam || 8||

श्रीब्रह्मविष्णुसुरनायकदेवमुख्याःत्वत्पादपद्ममधुरामृतपानहेतोः ।द्वारे स्थिताः प्रतिदिनं निगमागमज्ञाःश्रीगन्धमादनपते तव सुप्रभातम् ॥ ९॥

śrībrahmaviṣṇusuranāyakadevamukhyāḥtvatpādapadmamadhurāmṛtapānahetoḥ |dvāre sthitāḥ pratidinaṃ nigamāgamajñāḥśrīgandhamādanapate tava suprabhātam || 9||

सर्वार्थसाधक जयन्तिपुरीनिवासाःविप्रेन्द्रवर्यगणभक्तगणा महान्तः ।त्वत्सन्निधौ प्रतिदिनं निवसन्ति सर्वेश्रीगन्धमादनपते तव सुप्रभातम् ॥ १०॥

sarvārthasādhaka jayantipurīnivāsāḥviprendravaryagaṇabhaktagaṇā mahāntaḥ |tvatsannidhau pratidinaṃ nivasanti sarveśrīgandhamādanapate tava suprabhātam || 10||

शरसम्भव ते करुणा प्रथिताविधिशङ्करविष्णुमुखैर्विदिता ।करुणालवभाग्यदि कश्चिदहोमनुजैस्सकलैर्नियतं विनुतः ॥ ११॥

śarasambhava te karuṇā prathitāvidhiśaṅkaraviṣṇumukhairviditā |karuṇālavabhāgyadi kaścidahomanujaissakalairniyataṃ vinutaḥ || 11||

शिवतातगिरा श्रुतितत्परताभवतस्सकलैर्विदिता हि भवान् ।सुपलाशपलाशसवे प्रथमंहुतभोजिमुखान्तमहो (?)कृतवान् ॥ १२॥

śivatātagirā śrutitatparatābhavatassakalairviditā hi bhavān |supalāśapalāśasave prathamaṃhutabhojimukhāntamaho (?)kṛtavān || 12||

कलितः कलितं कलुषं सकलंशरसम्भव हन्तुमहो भगवन् ।वरजन्म भवान् गतवान् मतिमन्शरदिन्दुसमानमुखाम्बुरुह ॥ १३॥

kalitaḥ kalitaṃ kaluṣaṃ sakalaṃśarasambhava hantumaho bhagavan |varajanma bhavān gatavān matimanśaradindusamānamukhāmburuha || 13||

शिवनिन्दनसुस्रुवतो विबुधादितिजैरघरूपधरैर्विधुताः ।त्वदुपाश्रयतः पुनरप्यमराभवता सुहिता विहिता नियतम् ॥ १४॥

śivanindanasusruvato vibudhāditijairagharūpadharairvidhutāḥ |tvadupāśrayataḥ punarapyamarābhavatā suhitā vihitā niyatam || 14||

विधिना भवतश्शिशुता विदितापरता न मता ममता जनिता ।प्रणवार्थकृते भवता तु पुनर्निजवीरवरैस्स विधिर्यमितः ॥ १५॥

vidhinā bhavataśśiśutā viditāparatā na matā mamatā janitā |praṇavārthakṛte bhavatā tu punarnijavīravaraissa vidhiryamitaḥ || 15||

मुनिभिः परिवारित भो भगवन्शबरात्मजया सुरराट्सुतया ।सहसाननया सह भाति भवान्शिखिवाहन षण्मुख सर्वगुरो ॥ १६॥

munibhiḥ parivārita bho bhagavanśabarātmajayā surarāṭsutayā |sahasānanayā saha bhāti bhavānśikhivāhana ṣaṇmukha sarvaguro || 16||

शरणागतमातुरमाधिजितंकरुणाकर कामद कामहतम् ।शरकाननसम्भव चारुरुचेपरिपालय तारकमारक माम् ॥ १७॥

śaraṇāgatamāturamādhijitaṃkaruṇākara kāmada kāmahatam |śarakānanasambhava cāruruceparipālaya tārakamāraka mām || 17||

शरदिन्दुसमानषडाननयासरसीरुहचारुविलोचनया ।निरुपाधिकया निजबालतयापरिपालय तारकमारक माम् ॥ १८॥

śaradindusamānaṣaḍānanayāsarasīruhacāruvilocanayā |nirupādhikayā nijabālatayāparipālaya tārakamāraka mām || 18||

हरसारसमुद्भव हैमवतीकरपल्लवलाळितकम्रतनो ।मुरवैरिविरिञ्चमुदम्बुनिधेपरिपालय तारकमारक माम् ॥ १९॥

harasārasamudbhava haimavatīkarapallavalāḷitakamratano |muravairiviriñcamudambunidheparipālaya tārakamāraka mām || 19||

गिरिजासुत सायकभिन्नगिरेसुरसिन्धुतनूज सुवर्णरुचे ।शिखिवाह शिखावलदेव नमोपरिपालय तारकमारक माम् ॥ २०॥

girijāsuta sāyakabhinnagiresurasindhutanūja suvarṇaruce |śikhivāha śikhāvaladeva namoparipālaya tārakamāraka mām || 20||

परितो भव मे पुरतो भव मेपथि मे सततं गुह रक्ष च माम् ।वितराजिषु मे विजयं परितःपरिपालय तारकमारक माम् ॥ २१॥

parito bhava me purato bhava mepathi me satataṃ guha rakṣa ca mām |vitarājiṣu me vijayaṃ paritaḥparipālaya tārakamāraka mām || 21||

जय विप्रजनप्रिय वीर नमोजय भक्तपरायण भद्र नमो ।जय शाख विशाख कुमार नमोपरिपालय तारकमारक माम् ॥ २२॥

jaya viprajanapriya vīra namojaya bhaktaparāyaṇa bhadra namo |jaya śākha viśākha kumāra namoparipālaya tārakamāraka mām || 22||

एकं पक्षद्वयं साक्षात् त्रिमूर्तिञ्च चतुष्फलम् ।पञ्चस्कन्धं च षट्शाखं सप्तत्वक्परिपूरितम् ॥ २३॥

ekaṃ pakṣadvayaṃ sākṣāt trimūrtiñca catuṣphalam |pañcaskandhaṃ ca ṣaṭśākhaṃ saptatvakparipūritam || 23||

अष्टपुष्पं नवाक्षं च दशव्याप्तं महाद्भुतम् ।एवमादिमहावृक्षं पालयन्तं गुहं भजे ॥ २४॥

aṣṭapuṣpaṃ navākṣaṃ ca daśavyāptaṃ mahādbhutam |evamādimahāvṛkṣaṃ pālayantaṃ guhaṃ bhaje || 24||

इत्थं श्रीसुप्रभातं च ये पठन्तीह मानवाः ।ते सर्वे सर्वकामार्थाः प्रयान्ति गुहसन्निधौ ॥ २५॥

itthaṃ śrīsuprabhātaṃ ca ye paṭhantīha mānavāḥ |te sarve sarvakāmārthāḥ prayānti guhasannidhau || 25||

इति शुभम् ।इति तिरुचेन्दूर श्री सेन्दिलाधिपन् सुप्रभातं सम्पूर्णम् ।

iti śubham |iti tirucendūra śrī sendilādhipan suprabhātaṃ sampūrṇam |