उज्जयिनीमहाकालमहिमा महेश्वरप्रोक्ता Ujjayini Mahakala Mahima by Maheshvara

वक्ष्यामि महिमानं ते सेतिहासं महेश्वरि ।कथां कलुषचित्तानां निश्शेषकलुषापहाम् ॥ १८॥

vakṣyāmi mahimānaṃ te setihāsaṃ maheśvari |kathāṃ kaluṣacittānāṃ niśśeṣakaluṣāpahām || 18||

उज्जयिन्यां महाकालक्षेत्रमस्त्येकमुत्तमम् ।तत्र लिङ्गं ममास्त्येकमशेषसुरपूजितम् ॥ १९॥

ujjayinyāṃ mahākālakṣetramastyekamuttamam |tatra liṅgaṃ mamāstyekamaśeṣasurapūjitam || 19||

तल्लिङ्गदर्शनादेव पापवृन्दं विनश्यति ।तल्लिङ्गदर्शनं प्रातः सर्वपुण्यफलप्रदम् ॥ २०॥

talliṅgadarśanādeva pāpavṛndaṃ vinaśyati |talliṅgadarśanaṃ prātaḥ sarvapuṇyaphalapradam || 20||

शक्रादिभिर्लोकपालैः सेवितं परया मुदा ।ब्रह्मविष्ण्वादिभिर्देवैर्मुनीन्द्रैरखिलैरपि ॥ २१॥

śakrādibhirlokapālaiḥ sevitaṃ parayā mudā |brahmaviṣṇvādibhirdevairmunīndrairakhilairapi || 21||

गणेश्वरैस्तथा रुद्रैः माघ्यैर्वसुमरुद्गणैः ।सिद्धविद्याधरैर्नागैः यक्षकिम्पुरुषरपि ॥ २२॥

gaṇeśvaraistathā rudraiḥ māghyairvasumarudgaṇaiḥ |siddhavidyādharairnāgaiḥ yakṣakimpuruṣarapi || 22||

नदीनदममुद्रैश्च पर्वतेन्द्रैश्च सेविनम् ।अप्सरोभिः किन्नरीमी रुद्रकन्याभिरादरात् ॥ २३॥

nadīnadamamudraiśca parvatendraiśca sevinam |apsarobhiḥ kinnarīmī rudrakanyābhirādarāt || 23||

वैखानसैर्वालखिल्यैद्विजेः पर्णाम्बुभोजनैः ।कामधेनुगणैश्चैव स्रवत्पश्चामृतैः सदा ॥ २४॥

vaikhānasairvālakhilyaidvijeḥ parṇāmbubhojanaiḥ |kāmadhenugaṇaiścaiva sravatpaścāmṛtaiḥ sadā || 24||

ऐरावतकुलोत्पन्नैर्नागैर्भद्रमृगैस्तथा ।उच्चैरुच्चश्रवः प्रख्यैरश्वैरश्वपतिप्रियैः ॥ २५॥

airāvatakulotpannairnāgairbhadramṛgaistathā |uccairuccaśravaḥ prakhyairaśvairaśvapatipriyaiḥ || 25||

तत्र मन्दारतरवो मरन्दसुमवृष्टयः ।तत्र बिल्वोरुतरवो मूललिङ्गोपशोभिताः ॥ २६॥

tatra mandārataravo marandasumavṛṣṭayaḥ |tatra bilvorutaravo mūlaliṅgopaśobhitāḥ || 26||

स्वच्छन्दैः छादयन्त्येते सूर्यांशु लिङ्गमस्तके ।स्वपाण्डुपत्रपतनैः पूजयन्ति महेश्वरम् ॥ २७॥

svacchandaiḥ chādayantyete sūryāṃśu liṅgamastake |svapāṇḍupatrapatanaiḥ pūjayanti maheśvaram || 27||

नानावादित्रघोषैश्च बघिरीकृतदिक्तटा ।कुर्वन्ति गणपा नित्यं श्रीमहेशस्य सन्निधौ ॥ २८॥

nānāvāditraghoṣaiśca baghirīkṛtadiktaṭā |kurvanti gaṇapā nityaṃ śrīmaheśasya sannidhau || 28||

नृत्यन्त्यप्सरसो नित्यं रागभावलयानुगाः ।नारदप्रमुखा नित्यं विश्वावसुहहाहुहूः ॥ २९॥

nṛtyantyapsaraso nityaṃ rāgabhāvalayānugāḥ |nāradapramukhā nityaṃ viśvāvasuhahāhuhūḥ || 29||

गायन्ति रुद्रवीणाभिः शिवनामानि सादरम् ।नन्दिप्रोत्सारितानेकस्वर्णवेत्रकश गणाः ॥ ३०॥

gāyanti rudravīṇābhiḥ śivanāmāni sādaram |nandiprotsāritānekasvarṇavetrakaśa gaṇāḥ || 30||

दुरीकुर्वन्ति जनतां महेशद्वारि सर्वदा ।प्रणमन्ति सुरेशाद्या महाकालं महेश्वरम् ॥ ३१॥

durīkurvanti janatāṃ maheśadvāri sarvadā |praṇamanti sureśādyā mahākālaṃ maheśvaram || 31||

महालिङ्गाकृतिं शम्भुं बिल्वालङ्कनमस्तकम् ।महाभुजङ्गाङ्गधरं गङ्गाधरमनुत्तमम् ॥ ३२॥

mahāliṅgākṛtiṃ śambhuṃ bilvālaṅkanamastakam |mahābhujaṅgāṅgadharaṃ gaṅgādharamanuttamam || 32||

त्रिपुण्ड्रचन्द्ररेखोत्थकलाकलितशेखरम् ।कर्पूरतिलकानेकदीपमालाविराजितम् ॥ ३३॥

tripuṇḍracandrarekhotthakalākalitaśekharam |karpūratilakānekadīpamālāvirājitam || 33||

दिव्यगोघृतसम्पूर्णदीपपात्रशतावृतम् ।कृष्णागरूत्थसाम्राणिधूपैर्घुमुघुमान्तरम् ॥ ३४॥

divyagoghṛtasampūrṇadīpapātraśatāvṛtam |kṛṣṇāgarūtthasāmrāṇidhūpairghumughumāntaram || 34||

प्रातःसङ्गवमध्याह्नसायं निशि महेश्वरम् ।प्रणमन्ति प्रस्तुवन्ति सुरासुरमुनीश्वराः ॥ ३५॥

prātaḥsaṅgavamadhyāhnasāyaṃ niśi maheśvaram |praṇamanti prastuvanti surāsuramunīśvarāḥ || 35||

केचिद्रुद्रैः स्तुवन्तीशं केचित् सामभिरीश्वरम् ।ऋग्मिश्चाचाथर्वणैश्चैव स्तुतिभिर्मुनिसत्तमाः ॥ ३६॥

kecidrudraiḥ stuvantīśaṃ kecit sāmabhirīśvaram |ṛgmiścācātharvaṇaiścaiva stutibhirmunisattamāḥ || 36||

प्रदक्षिणपराश्चान्ये लुठन्तः शङ्करालये ।प्रणमन्ति च सष्टाङ्गं मुनयो भक्तितत्पराः ॥ ३७॥

pradakṣiṇaparāścānye luṭhantaḥ śaṅkarālaye |praṇamanti ca saṣṭāṅgaṃ munayo bhaktitatparāḥ || 37||

उच्चैर्हर सुरेशेति महादेवेति सादरम् ।नृत्यन्ति साश्रुनयनाः करताडनपूर्वकम् ॥ ३८॥

uccairhara sureśeti mahādeveti sādaram |nṛtyanti sāśrunayanāḥ karatāḍanapūrvakam || 38||

कोटिशः सन्ति मुनयः शिवलिङ्गैकपूजकाः ।भस्मरुद्राक्षवीताङ्गाः शिवैकशरणाः सदा ॥ ३९॥

koṭiśaḥ santi munayaḥ śivaliṅgaikapūjakāḥ |bhasmarudrākṣavītāṅgāḥ śivaikaśaraṇāḥ sadā || 39||

क्षिप्रा नाम नदी तत्र क्षिप्रं पातकनाशिनी ।तस्यास्तीरे बिल्वमूले शैवलिङ्गार्चनप्रियाः ॥ ४०॥

kṣiprā nāma nadī tatra kṣipraṃ pātakanāśinī |tasyāstīre bilvamūle śaivaliṅgārcanapriyāḥ || 40||

वसन्ति तत्र नियताः शिवनैवेद्यभोजनाः ।तव राजा महानासीदुज्जयिन्यां महाबलः ॥ ४१॥

vasanti tatra niyatāḥ śivanaivedyabhojanāḥ |tava rājā mahānāsīdujjayinyāṃ mahābalaḥ || 41||

तिग्मांशुवंशसम्भूतो नाम्ना चित्ररथो युवा ।तस्येयं पृथिवी सर्वा वित्तपूर्णाऽभवत् सदा ॥ ४२॥

tigmāṃśuvaṃśasambhūto nāmnā citraratho yuvā |tasyeyaṃ pṛthivī sarvā vittapūrṇā'bhavat sadā || 42||

तस्य दारा महोदारा मारस्यापि मनोहराः ।शताधिकं च दशकं सुनासं पङ्कजाननम् ॥ ४३॥

tasya dārā mahodārā mārasyāpi manoharāḥ |śatādhikaṃ ca daśakaṃ sunāsaṃ paṅkajānanam || 43||

सुरथाद्यं पुत्रशतं ततस्ते सौरथाः स्मृताः ।क्षयद्वीररथाः सर्वे शतमुत्तमधन्विनः ॥ ४४॥

surathādyaṃ putraśataṃ tataste saurathāḥ smṛtāḥ |kṣayadvīrarathāḥ sarve śatamuttamadhanvinaḥ || 44||

तस्य कोशस्य नेयत्ता तस्यासन् रत्नपर्वताः ।तिरस्करोति धनदं धनाधिपसखार्चनात् ॥ ४५॥

tasya kośasya neyattā tasyāsan ratnaparvatāḥ |tiraskaroti dhanadaṃ dhanādhipasakhārcanāt || 45||

तस्यासन् वाजिमातङ्गगोगणानां च कोटयः ।सौभाग्यैर्विविधैरीशं सभाग्यः पूजयन् नृपः ॥ ४६॥

tasyāsan vājimātaṅgagogaṇānāṃ ca koṭayaḥ |saubhāgyairvividhairīśaṃ sabhāgyaḥ pūjayan nṛpaḥ || 46||

महाकालार्चनपरः कालभीतिविवर्जितः ।तस्यासन्मन्त्रिणः सर्वे शाम्भवा एव केवलम् ॥ ४७॥

mahākālārcanaparaḥ kālabhītivivarjitaḥ |tasyāsanmantriṇaḥ sarve śāmbhavā eva kevalam || 47||

अशाम्भवो न कोप्यस्ति तस्मिन् राजनि शामति ।भस्मरुद्राक्षसम्पन्नः शिवलिङ्गार्चने रतः ॥ ४८॥

aśāmbhavo na kopyasti tasmin rājani śāmati |bhasmarudrākṣasampannaḥ śivaliṅgārcane rataḥ || 48||

अशाम्भवं नरं वापि द्विजं वापि नृपोतमः ।स कोपितः शिरस्तस्य छेत्स्यत्येवातिवेगतः ॥ ४९॥

aśāmbhavaṃ naraṃ vāpi dvijaṃ vāpi nṛpotamaḥ |sa kopitaḥ śirastasya chetsyatyevātivegataḥ || 49||

सदा नृपभयात् सर्वे शाम्भवास्तन्मते स्थिताः ।तत्पुत्रास्तत्कलत्राणि गजवाजिनरा अपि ॥ ५०॥

sadā nṛpabhayāt sarve śāmbhavāstanmate sthitāḥ |tatputrāstatkalatrāṇi gajavājinarā api || 50||

भस्मत्रिपुण्ड्ररुद्राक्षमालालङ्कृतविग्रहाः ।महाकाल महादेव चन्द्रचूडेति वादिनः ॥ ५१॥

bhasmatripuṇḍrarudrākṣamālālaṅkṛtavigrahāḥ |mahākāla mahādeva candracūḍeti vādinaḥ || 51||

तत्कलत्राणि सर्वाणि वीणावादनतत्पराः ।महाकालालये नित्यं ता नृत्यन्ति लयानुगाः ॥ ५२॥

tatkalatrāṇi sarvāṇi vīṇāvādanatatparāḥ |mahākālālaye nityaṃ tā nṛtyanti layānugāḥ || 52||

तत्कण्ठगीतमाधुर्य शारिकाश्च पिकादयः ।विलज्जिता वनगताः कोकिलाः स्वकुलैः सह ॥ ५३॥

tatkaṇṭhagītamādhurya śārikāśca pikādayaḥ |vilajjitā vanagatāḥ kokilāḥ svakulaiḥ saha || 53||

देवाङ्गनापि मुह्यन्ति तद्गातश्रवणोत्सुकाः ।मृगाश्च पञ्चवः सर्वे सृमराश्चमरा अपि ॥ ५४॥

devāṅganāpi muhyanti tadgātaśravaṇotsukāḥ |mṛgāśca pañcavaḥ sarve sṛmarāścamarā api || 54||

न वातप्रसरस्तत्र महाकालालये तदा ।स राजा तत्कलत्राणि तत्पुत्राश्च मुदान्विताः ॥ ५५॥

na vātaprasarastatra mahākālālaye tadā |sa rājā tatkalatrāṇi tatputrāśca mudānvitāḥ || 55||

दृष्ट्वा महेशलिङ्गं तन्महाकालस्य सादरम् ।भस्मत्रिपुण्ड्ररुद्राक्षमालाभिः समलङ्कृतः ॥ ५६॥

dṛṣṭvā maheśaliṅgaṃ tanmahākālasya sādaram |bhasmatripuṇḍrarudrākṣamālābhiḥ samalaṅkṛtaḥ || 56||

हारोदारमहागानं नाट्यमत्युत्तमोत्तमम् ।पश्यन्नास्ते स भूपालः कामुक कामिनीमिव ॥ ५७॥

hārodāramahāgānaṃ nāṭyamatyuttamottamam |paśyannāste sa bhūpālaḥ kāmuka kāminīmiva || 57||

तद्गानामृतधाराभिः सुधाधिक्कारिभिर्नृपः ।शिवनामानुसन्धानं कुर्वन्नास्ते प्रहृष्टधीः ॥ ५८॥

tadgānāmṛtadhārābhiḥ sudhādhikkāribhirnṛpaḥ |śivanāmānusandhānaṃ kurvannāste prahṛṣṭadhīḥ || 58||

शाम्भवैर्मन्त्रिभिः सार्धं वृद्धैर्मुनिगणैरपि ।तेनोरुबिलवतरवः स्थापितः शङ्कराङ्गणे ॥ ५९॥

śāmbhavairmantribhiḥ sārdhaṃ vṛddhairmunigaṇairapi |tenorubilavataravaḥ sthāpitaḥ śaṅkarāṅgaṇe || 59||

तन्मूले बाणलिङ्गानि स्थापयामास वै नृपः ।लिङ्गानि पूजयेत्याशु बिल्वपत्रैः प्रतिक्षणम् ॥ ६०॥

tanmūle bāṇaliṅgāni sthāpayāmāsa vai nṛpaḥ |liṅgāni pūjayetyāśu bilvapatraiḥ pratikṣaṇam || 60||

शाम्भवैः सह संलापं करोत्येव स भूपतिः ।शैवीमेव कथां नित्यं शृणोत्येव सदा नृपः ॥ ६१॥

śāmbhavaiḥ saha saṃlāpaṃ karotyeva sa bhūpatiḥ |śaivīmeva kathāṃ nityaṃ śṛṇotyeva sadā nṛpaḥ || 61||

शाम्भवा भोजितास्तेन शिवनैवेद्यराशिभिः ।तद्गृहे शिवनामानि सदा गायन्ति गायनाः ॥ ६२॥

śāmbhavā bhojitāstena śivanaivedyarāśibhiḥ |tadgṛhe śivanāmāni sadā gāyanti gāyanāḥ || 62||

शुकाश्च शारिकास्तत्र पाहि शम्भो शिवेति च ।वदन्ति प्रीतिवाक्यानि शैवान्येवाथ पत्रिणः ॥ ६३॥

śukāśca śārikāstatra pāhi śambho śiveti ca |vadanti prītivākyāni śaivānyevātha patriṇaḥ || 63||

नृत्यन्ति च मयूगस्ते शिवलिङ्गाग्रतस्तदा ।स्वपक्षधूननव्याजैः शैवान् खिन्नान् पतत्रिणः ॥ ६४॥

nṛtyanti ca mayūgaste śivaliṅgāgratastadā |svapakṣadhūnanavyājaiḥ śaivān khinnān patatriṇaḥ || 64||

बीजयन्ति सदा हृष्टश्चञ्चुभिः कण्डुनाशकाः ।बिल्ववृक्षेषु सततं निवसन्ति सदाण्डजाः ॥ ६५॥

bījayanti sadā hṛṣṭaścañcubhiḥ kaṇḍunāśakāḥ |bilvavṛkṣeṣu satataṃ nivasanti sadāṇḍajāḥ || 65||

गोरसापारपूरैश्च महाकालमसेचयत् ।फलसारैश्च विविधैः पूजयामास शङ्करम् ॥ ६६॥

gorasāpārapūraiśca mahākālamasecayat |phalasāraiśca vividhaiḥ pūjayāmāsa śaṅkaram || 66||

गन्धकर्पूरपाटीरमृगनाभिद्रवैः शुभैः ।लेपयामास देवेशं सुगन्धैर्यक्षकर्दमैः ॥ ६७॥

gandhakarpūrapāṭīramṛganābhidravaiḥ śubhaiḥ |lepayāmāsa deveśaṃ sugandhairyakṣakardamaiḥ || 67||

अनर्घ्यमृदुसौवर्णदुकूलैरतसीभवैः ।वेष्टयामास विमलैर्नानावर्णैर्नृपोत्तमः ॥ ६८॥

anarghyamṛdusauvarṇadukūlairatasībhavaiḥ |veṣṭayāmāsa vimalairnānāvarṇairnṛpottamaḥ || 68||

श्वेतकृष्णागरूत्यैश्च धूपैर्देवमधूपयत् ।कपिलागोघृतापारदीपैः कर्पूरखण्डनैः ॥ ६९॥

śvetakṛṣṇāgarūtyaiśca dhūpairdevamadhūpayat |kapilāgoghṛtāpāradīpaiḥ karpūrakhaṇḍanaiḥ || 69||

दीपयामास विश्वेशमासायादुदयं नृपः ।तद्दीपप्रभया लोका दीपितास्ते चतुर्दश ॥ ७०॥

dīpayāmāsa viśveśamāsāyādudayaṃ nṛpaḥ |taddīpaprabhayā lokā dīpitāste caturdaśa || 70||

अत्युज्ज्वल महारत्नभूषर्णैर्नवत्नजैः ।निष्टप्सहेमखचितैर्भूषयामास शङ्करम् ॥ ७१॥

atyujjvala mahāratnabhūṣarṇairnavatnajaiḥ |niṣṭapsahemakhacitairbhūṣayāmāsa śaṅkaram || 71||

नवरत्नानेककृतं गोलकं लिङ्गमस्तके ।दापयामास नृपतिर्भुजङ्गफणसंवृतम् ॥ ७२॥

navaratnānekakṛtaṃ golakaṃ liṅgamastake |dāpayāmāsa nṛpatirbhujaṅgaphaṇasaṃvṛtam || 72||

स लक्षविलत्रपत्रैश्च पूजयामास शङ्करम् ।सितरक्तैस्तथा पद्मैः फुल्लसौगन्धिकैः शिवम् ॥ ७३॥

sa lakṣavilatrapatraiśca pūjayāmāsa śaṅkaram |sitaraktaistathā padmaiḥ phullasaugandhikaiḥ śivam || 73||

पुन्नागनागवकुलैचम्पकैः करवीरकैः ।स लक्षैः पूजयामास महाकालमहर्निशम् ॥ ७४॥

punnāganāgavakulaicampakaiḥ karavīrakaiḥ |sa lakṣaiḥ pūjayāmāsa mahākālamaharniśam || 74||

नीलोत्पलसहस्राढ्यां मालां लिङ्गे प्रकल्पयत् ।नैवेद्यगिरयस्तेन कल्पिताः कोटिशोऽम्बिके ॥ ७५॥

nīlotpalasahasrāḍhyāṃ mālāṃ liṅge prakalpayat |naivedyagirayastena kalpitāḥ koṭiśo'mbike || 75||

अपूपगिरयस्तेन सूपपायसकर्दमाः ।दधिक्षीरप्रवाहैश्च सोपदंशनगैस्तदा ॥ ७६॥

apūpagirayastena sūpapāyasakardamāḥ |dadhikṣīrapravāhaiśca sopadaṃśanagaistadā || 76||

खदिरासारतक्कोलसुजातीफलपत्रकैः ।लवङ्गैलाशुण्ठियुक्तैः कर्पूरक्रमुकैस्तथा ॥ ७७॥

khadirāsāratakkolasujātīphalapatrakaiḥ |lavaṅgailāśuṇṭhiyuktaiḥ karpūrakramukaistathā || 77||

मुक्ताचूर्णसमायुकनागवल्लीदलार्पणैः ।रत्नच्छत्रैरपारैश्च चामरैर्व्यजनैरपि ॥ ७८॥

muktācūrṇasamāyukanāgavallīdalārpaṇaiḥ |ratnacchatrairapāraiśca cāmarairvyajanairapi || 78||

व्यजनैर्वीजयाञ्चक्रे छत्रैराच्छादवच्छिवम् ।हंसकल्पैश्चामरौधैर्दुधाव जगदीश्वरम् ॥ ७९॥

vyajanairvījayāñcakre chatrairācchādavacchivam |haṃsakalpaiścāmaraudhairdudhāva jagadīśvaram || 79||

दुन्दुभिप्रमुखानेकमृदङ्गानकगोमुखैः ।शङ्खकाहलनिर्घोषैर्महाकालमघोषयत् ॥ ८०॥

dundubhipramukhānekamṛdaṅgānakagomukhaiḥ |śaṅkhakāhalanirghoṣairmahākālamaghoṣayat || 80||

नानाप्पुरोगणास्तेन नाट्यार्थ शिवमन्दिरे ।कल्पितास्तेन भूपेन निष्ककण्ठ्यो वराङ्गनाः ॥ ८१॥

nānāppurogaṇāstena nāṭyārtha śivamandire |kalpitāstena bhūpena niṣkakaṇṭhyo varāṅganāḥ || 81||

एवं प्रतिदिनं राजा महाकालार्चने रतः ।तस्य नान्यत्कृत्यमस्ति शिवचित्तो महीपतिः ॥ ८२॥

evaṃ pratidinaṃ rājā mahākālārcane rataḥ |tasya nānyatkṛtyamasti śivacitto mahīpatiḥ || 82||

दारोदारकुमारैश्च वसन्येव शिवालये ।भोजयामास नैवेद्यैः शाम्भवानेव कोटिशः ॥ ८३॥

dārodārakumāraiśca vasanyeva śivālaye |bhojayāmāsa naivedyaiḥ śāmbhavāneva koṭiśaḥ || 83||

तद्राज्ये सर्वथा सर्वे शिवनैवेद्यभोजनाः ।पवित्रगात्रास्तेनैव त्रिनेत्रप्रियकृत्तमाः ॥ ८४॥

tadrājye sarvathā sarve śivanaivedyabhojanāḥ |pavitragātrāstenaiva trinetrapriyakṛttamāḥ || 84||

तद्राज्यममिवृद्धं स्यात् तत्मन्त्रिप्रवरैतम् ।चातुर्वर्ण्यं शाम्भवांश्च प्रजापतिरिव प्रजाः ॥ ८७॥

tadrājyamamivṛddhaṃ syāt tatmantripravaraitam |cāturvarṇyaṃ śāmbhavāṃśca prajāpatiriva prajāḥ || 87||

शशास निहतारातिः पुरारातिप्रसादतः ।संसारचिन्ताविरतो निरतः शिवपूजने ॥ ८६॥

śaśāsa nihatārātiḥ purārātiprasādataḥ |saṃsāracintāvirato nirataḥ śivapūjane || 86||

नैवेद्यैः शिवतर्पितैरघहरैः सम्पूज्य शैवान्नृपःसार्धं पुत्रकलत्रसहितोऽवात्सीत् सदा कामदे ।क्षेत्रेऽस्मिन्सततं महेशकथा श्रीकालकालार्चनंकुर्वन्निर्मलचित्तमेतदधुना संसारवार्तालसम् ॥ ८७॥

naivedyaiḥ śivatarpitairaghaharaiḥ sampūjya śaivānnṛpaḥsārdhaṃ putrakalatrasahito'vātsīt sadā kāmade |kṣetre'sminsatataṃ maheśakathā śrīkālakālārcanaṃkurvannirmalacittametadadhunā saṃsāravārtālasam || 87||

वदन्त्येव भावाः शिवे सक्तभावाः भवे त्यक्तभावा नृपे हर्षभावाः ।गतानङ्गभावाः सदा भक्तिभावाः महाधैर्यमावा वसन्त्येव भावाः ॥ ८८॥

vadantyeva bhāvāḥ śive saktabhāvāḥ bhave tyaktabhāvā nṛpe harṣabhāvāḥ |gatānaṅgabhāvāḥ sadā bhaktibhāvāḥ mahādhairyamāvā vasantyeva bhāvāḥ || 88||

शिवं कलिमलोत्थिनप्रबलतापपापानलैःविदग्धतनुमानमाः स्मरहरं न चार्चन्ति ये ।मदन्यसुरपामरान् हरिविधीन्द्रपूर्वामरान्सदा मुहुरनन्यधीः स्मरति भाग्यहीनो नरः ॥ ८९॥

śivaṃ kalimalotthinaprabalatāpapāpānalaiḥvidagdhatanumānamāḥ smaraharaṃ na cārcanti ye |madanyasurapāmarān harividhīndrapūrvāmarānsadā muhurananyadhīḥ smarati bhāgyahīno naraḥ || 89||

शिवनैवेद्यमपारपुण्यलभ्यं नहि लभ्यं सततं शिवद्रुहा ।रजताद्रिनिवासभक्तिभुक्तौ मतिरुज्जायति शङ्करप्रसादात् ॥ ९०॥

śivanaivedyamapārapuṇyalabhyaṃ nahi labhyaṃ satataṃ śivadruhā |rajatādrinivāsabhaktibhuktau matirujjāyati śaṅkaraprasādāt || 90||

॥ इति शिवरहस्यान्तर्गते शिवगौरीसंवादे महेश्वरप्रोक्ता उज्जयिनीमहाकालमहिमा ॥॥ श्रीशिवरहस्यम् । भर्गाख्यः पञ्चमांशः । अध्यायः १। १८९०॥

|| iti śivarahasyāntargate śivagaurīsaṃvāde maheśvaraproktā ujjayinīmahākālamahimā |||| śrīśivarahasyam | bhargākhyaḥ pañcamāṃśaḥ | adhyāyaḥ 1| 1890||

– ॥ श्रीशिवरहस्यम् ।भर्गाख्यः पन्चमांशः ।अध्यायः १। १८-९०॥

– || śrīśivarahasyam |bhargākhyaḥ pancamāṃśaḥ |adhyāyaḥ 1| 18-90||