stotram (17) Svarnakarshana Bhairava Stotram

श्रीमार्कण्डेय उवाचभगवन् प्रमथाधीश शिवतुल्यपराक्रम ।पूर्वमुक्तस्त्वया मन्त्रो भैरवस्य महात्मनः ॥ १॥

śrīmārkaṇḍeya uvācabhagavan pramathādhīśa śivatulyaparākrama |pūrvamuktastvayā mantro bhairavasya mahātmanaḥ || 1||

इदानीं श्रोतुमिच्छामि तस्य स्तोत्रमनुत्तमम् ।तत्केनोक्तं पुरा स्तोत्रं पठनात् तस्य किं फलम् ॥ २॥

idānīṃ śrotumicchāmi tasya stotramanuttamam |tatkenoktaṃ purā stotraṃ paṭhanāt tasya kiṃ phalam || 2||

तत्सर्वं श्रोतुमिच्छामि ब्रूहि मे नन्दिकेश्वर ।नन्दिकेश्वर उवाचअयं प्रश्नो महाभाग! लोकानामुपकारकः ॥ ३॥

tatsarvaṃ śrotumicchāmi brūhi me nandikeśvara |nandikeśvara uvācaayaṃ praśno mahābhāga! lokānāmupakārakaḥ || 3||

स्तोत्रं बटुकनाथस्य दुर्लभं भुवनत्रये ।सर्वपापप्रशमनं सर्वसम्पत्प्रदायकम् ॥ ४॥

stotraṃ baṭukanāthasya durlabhaṃ bhuvanatraye |sarvapāpapraśamanaṃ sarvasampatpradāyakam || 4||

दारिद्र्यनाशनं पुंसामापदामपहारकम् ।अष्टैश्वर्यप्रदं नृणां पराजयविनाशनम् ॥ ५॥

dāridryanāśanaṃ puṃsāmāpadāmapahārakam |aṣṭaiśvaryapradaṃ nṛṇāṃ parājayavināśanam || 5||

महाकीर्तिप्रदं पुंसामसौन्दर्यविनाशनम् ।स्वर्णाद्यष्टमहासिद्धिप्रदायकमनुत्तमम् ॥ ६॥

mahākīrtipradaṃ puṃsāmasaundaryavināśanam |svarṇādyaṣṭamahāsiddhipradāyakamanuttamam || 6||

भक्तिमुक्तिप्रदं स्तोत्रं भैरवस्य महात्मनः ।महाभैरवभक्ताय सेविने निर्धनाय च ॥ ७॥

bhaktimuktipradaṃ stotraṃ bhairavasya mahātmanaḥ |mahābhairavabhaktāya sevine nirdhanāya ca || 7||

निजभक्ताय वक्तव्यमन्यथा शापमाप्नुयात् ।स्तोत्रमेतद्भैरवस्य ब्रह्मविष्णुशिवात्मकम् ॥ ८॥

nijabhaktāya vaktavyamanyathā śāpamāpnuyāt |stotrametadbhairavasya brahmaviṣṇuśivātmakam || 8||

शृणुष्व रुचितो ब्रह्मन् ! सर्वकामप्रदायकम् ।विनियोगःॐ अस्य श्रीस्वर्णाकर्षणभैरवस्तोत्रं मन्त्रस्य ब्रह्मा ऋषिः,अनुष्टुप् छन्दः, श्रीस्वर्णाकर्षणभैरवदेवता,ह्रीं बीजं, क्लीं शक्तिः, सः कीलकं,मम दारिद्र्यनाशार्थे पाठे विनियोगः ॥ऋष्यादिन्यासःब्रह्मर्षये नमः शिरसि ।अनुष्टुप्छन्दसे नमः मुखे ।स्वर्णाकर्षणभैरवाय नमः हृदि ।ह्रीं बीजाय नमः गुह्ये ।क्लीं शक्तये नमः पादयोः ।सः कीलकाय नमः नाभौ ।विनियोगाय नमः सर्वाङ्गे ।ह्रां ह्रीं ह्रूं इति कर षडङ्गन्यासः ॥करहृदयादिन्यासःह्रां अङ्गुष्ठाभ्यां नमः । हृदयाय नमः ।ह्रीं तर्जनीभ्यां नमः । शिरसे स्वाहा ।ह्रूं मध्यमाभ्यां नमः । शिखायै वषट् ।ह्रैं अनामिकाभ्यां नमः । कवचाय हुम् ।ह्रौं कनिष्ठिकाभ्यां नमः । नेत्रत्रयाय वौषट् ।ह्रः करतलकरपृष्ठाभ्यां नमः । अस्त्राय फट ॥अथ ध्यानम्पारिजातद्रुमान्तारे स्थिते माणिक्यमण्डपे ।सिंहासनगतं वन्दे भैरवं स्वर्णदायकम् ॥गाङ्गेयपात्रं डमरूं त्रिशूलं वरं करैः सन्दधतं त्रिनेत्रम् ।देव्या युतं तप्तसुवर्णवर्णं स्वर्णाकृषं भैरवमाश्रयामि ॥मुद्रा कमण्डलुडमरुत्रिशूलवरमुद्रा दर्शयेत् ।मन्त्रःॐ ऐं ह्रीं श्रीं ऐं श्रीं आपदुद्धारणाय ह्रां ह्रीं ह्रूंअजामलवद्धाय लोकेश्वराय स्वर्णाकर्षणभैरवायमम दारिद्र्यविद्वेषणाय महाभैरवाय नमः श्रीं ह्रीं ऐम् ॥अथ स्तोत्रम्ॐ नमस्ते भैरवेशाय ब्रह्मविष्णुशिवात्मने ।नमस्त्रैलोक्यवन्द्याय वरदाय वरात्मने ॥ १॥

śṛṇuṣva rucito brahman ! sarvakāmapradāyakam |viniyogaḥoṃ asya śrīsvarṇākarṣaṇabhairavastotraṃ mantrasya brahmā ṛṣiḥ,anuṣṭup chandaḥ, śrīsvarṇākarṣaṇabhairavadevatā,hrīṃ bījaṃ, klīṃ śaktiḥ, saḥ kīlakaṃ,mama dāridryanāśārthe pāṭhe viniyogaḥ ||ṛṣyādinyāsaḥbrahmarṣaye namaḥ śirasi |anuṣṭupchandase namaḥ mukhe |svarṇākarṣaṇabhairavāya namaḥ hṛdi |hrīṃ bījāya namaḥ guhye |klīṃ śaktaye namaḥ pādayoḥ |saḥ kīlakāya namaḥ nābhau |viniyogāya namaḥ sarvāṅge |hrāṃ hrīṃ hrūṃ iti kara ṣaḍaṅganyāsaḥ ||karahṛdayādinyāsaḥhrāṃ aṅguṣṭhābhyāṃ namaḥ | hṛdayāya namaḥ |hrīṃ tarjanībhyāṃ namaḥ | śirase svāhā |hrūṃ madhyamābhyāṃ namaḥ | śikhāyai vaṣaṭ |hraiṃ anāmikābhyāṃ namaḥ | kavacāya hum |hrauṃ kaniṣṭhikābhyāṃ namaḥ | netratrayāya vauṣaṭ |hraḥ karatalakarapṛṣṭhābhyāṃ namaḥ | astrāya phaṭa ||atha dhyānampārijātadrumāntāre sthite māṇikyamaṇḍape |siṃhāsanagataṃ vande bhairavaṃ svarṇadāyakam ||gāṅgeyapātraṃ ḍamarūṃ triśūlaṃ varaṃ karaiḥ sandadhataṃ trinetram |devyā yutaṃ taptasuvarṇavarṇaṃ svarṇākṛṣaṃ bhairavamāśrayāmi ||mudrā kamaṇḍaluḍamarutriśūlavaramudrā darśayet |mantraḥoṃ aiṃ hrīṃ śrīṃ aiṃ śrīṃ āpaduddhāraṇāya hrāṃ hrīṃ hrūṃajāmalavaddhāya lokeśvarāya svarṇākarṣaṇabhairavāyamama dāridryavidveṣaṇāya mahābhairavāya namaḥ śrīṃ hrīṃ aim ||atha stotramoṃ namaste bhairaveśāya brahmaviṣṇuśivātmane |namastrailokyavandyāya varadāya varātmane || 1||

रत्नसिंहासनस्थाय दिव्याभरणशोभिने ।दिव्यमाल्यविभूषाय नमस्ते दिव्यमूर्तये ॥ २॥

ratnasiṃhāsanasthāya divyābharaṇaśobhine |divyamālyavibhūṣāya namaste divyamūrtaye || 2||

नमस्तेऽनेकहस्ताय अनेकशिरसे नमः ।नमस्तेऽनेकनेत्राय अनेकविभवे नमः ॥ ३॥

namaste'nekahastāya anekaśirase namaḥ |namaste'nekanetrāya anekavibhave namaḥ || 3||

नमस्तेऽनेककण्ठाय अनेकांसाय ते नमः ।नमस्तेऽनेकपार्श्वाय नमस्ते दिव्यतेजसे ॥ ४॥

namaste'nekakaṇṭhāya anekāṃsāya te namaḥ |namaste'nekapārśvāya namaste divyatejase || 4||

अनेकायुधयुक्ताय अनेकसुरसेविने ।अनेकगुणयुक्ताय महादेवाय ते नमः ॥ ५॥

anekāyudhayuktāya anekasurasevine |anekaguṇayuktāya mahādevāya te namaḥ || 5||

नमो दारिद्र्यकालाय महासम्पद्प्रदायिने ।श्रीभैरवीसंयुक्ताय त्रिलोकेशाय ते नमः ॥ ६॥

namo dāridryakālāya mahāsampadpradāyine |śrībhairavīsaṃyuktāya trilokeśāya te namaḥ || 6||

दिगम्बर नमस्तुभ्यं दिव्याङ्गाय नमो नमः ।नमोऽस्तु दैत्यकालाय पापकालाय ते नमः ॥ ७॥

digambara namastubhyaṃ divyāṅgāya namo namaḥ |namo'stu daityakālāya pāpakālāya te namaḥ || 7||

सर्वज्ञाय नमस्तुभ्यं नमस्ते दिव्यचक्षुषे ।अजिताय नमस्तुभ्यं जितमित्राय ते नमः ॥ ८॥

sarvajñāya namastubhyaṃ namaste divyacakṣuṣe |ajitāya namastubhyaṃ jitamitrāya te namaḥ || 8||

नमस्ते रुद्ररूपाय महावीराय ते नमः ।नमोऽस्त्त्वनन्तवीर्याय महाघोराय ते नमः ॥ ९॥

namaste rudrarūpāya mahāvīrāya te namaḥ |namo'sttvanantavīryāya mahāghorāya te namaḥ || 9||

नमस्ते घोरघोराय विश्वघोराय ते नमः ।नमः उग्राय शान्ताय भक्तानां शान्तिदायिने ॥ १०॥

namaste ghoraghorāya viśvaghorāya te namaḥ |namaḥ ugrāya śāntāya bhaktānāṃ śāntidāyine || 10||

गुरवे सर्वलोकानां नमः प्रणवरूपिणे ।नमस्ते वाग्भवाख्याय दीर्घकामाय ते नमः ॥ ११॥

gurave sarvalokānāṃ namaḥ praṇavarūpiṇe |namaste vāgbhavākhyāya dīrghakāmāya te namaḥ || 11||

नमस्ते कामराजाय योषितकामाय ते नमः ।दीर्घमायास्वरूपाय महामायाय ते नमः ॥ १२॥

namaste kāmarājāya yoṣitakāmāya te namaḥ |dīrghamāyāsvarūpāya mahāmāyāya te namaḥ || 12||

सृष्टिमायास्वरूपाय निसर्गसमयाय ते ।सुरलोकसुपूज्याय आपदुद्धारणाय च ॥ १३॥

sṛṣṭimāyāsvarūpāya nisargasamayāya te |suralokasupūjyāya āpaduddhāraṇāya ca || 13||

नमो नमो भैरवाय महादारिद्र्यनाशिने ।उन्मूलने कर्मठाय अलक्ष्म्याः सर्वदा नमः ॥ १४॥

namo namo bhairavāya mahādāridryanāśine |unmūlane karmaṭhāya alakṣmyāḥ sarvadā namaḥ || 14||

नमो अजामलवद्धाय नमो लोकेश्वराय ते ।स्वर्णाकर्षणशीलाय भैरवाय नमो नमः ॥ १५॥

namo ajāmalavaddhāya namo lokeśvarāya te |svarṇākarṣaṇaśīlāya bhairavāya namo namaḥ || 15||

मम दारिद्र्यविद्वेषणाय लक्ष्याय ते नमः ।नमो लोकत्रयेशाय स्वानन्दनिहिताय ते ॥ १६॥

mama dāridryavidveṣaṇāya lakṣyāya te namaḥ |namo lokatrayeśāya svānandanihitāya te || 16||

नमः श्रीबीजरूपाय सर्वकामप्रदायिने ।नमो महाभैरवाय श्रीभैरव नमो नमः ॥ १७॥

namaḥ śrībījarūpāya sarvakāmapradāyine |namo mahābhairavāya śrībhairava namo namaḥ || 17||

धनाध्यक्ष नमस्तुभ्यं शरण्याय नमो नमः ।नमः प्रसन्नरूपाय आदिदेवाय ते नमः ॥ १८॥

dhanādhyakṣa namastubhyaṃ śaraṇyāya namo namaḥ |namaḥ prasannarūpāya ādidevāya te namaḥ || 18||

नमस्ते मन्त्ररूपाय नमस्ते मन्त्ररूपिणे ।नमस्ते स्वर्णरूपाय सुवर्णाय नमो नमः ॥ १९॥

namaste mantrarūpāya namaste mantrarūpiṇe |namaste svarṇarūpāya suvarṇāya namo namaḥ || 19||

नमः सुवर्णवर्णाय महापुण्याय ते नमः ।नमः शुद्धाय बुद्धाय नमः संसारतारिणे ॥ २०॥

namaḥ suvarṇavarṇāya mahāpuṇyāya te namaḥ |namaḥ śuddhāya buddhāya namaḥ saṃsāratāriṇe || 20||

नमो देवाय गुह्याय प्रचलाय नमो नमः ।नमस्ते बालरूपाय परेषां बलनाशिने ॥ २१॥

namo devāya guhyāya pracalāya namo namaḥ |namaste bālarūpāya pareṣāṃ balanāśine || 21||

नमस्ते स्वर्णसंस्थाय नमो भूतलवासिने ।नमः पातालवासाय अनाधाराय ते नमः ॥ २२॥

namaste svarṇasaṃsthāya namo bhūtalavāsine |namaḥ pātālavāsāya anādhārāya te namaḥ || 22||

नमो नमस्ते शान्ताय अनन्ताय नमो नमः ।द्विभुजाय नमस्तुभ्यं भुजत्रयसुशोभिने ॥ २३॥

namo namaste śāntāya anantāya namo namaḥ |dvibhujāya namastubhyaṃ bhujatrayasuśobhine || 23||

नमोऽणिमादिसिद्धाय स्वर्णहस्ताय ते नमः ।पूर्णचन्द्रप्रतीकाश वदनाम्भोजशोभिने ॥ २४॥

namo'ṇimādisiddhāya svarṇahastāya te namaḥ |pūrṇacandrapratīkāśa vadanāmbhojaśobhine || 24||

नमस्तेऽस्तुस्वरूपाय स्वर्णालङ्कारशोभिने ।नमः स्वर्णाकर्षणाय स्वर्णाभाय नमो नमः ॥ २५॥

namaste'stusvarūpāya svarṇālaṅkāraśobhine |namaḥ svarṇākarṣaṇāya svarṇābhāya namo namaḥ || 25||

नमस्ते स्वर्णकण्ठाय स्वर्णाभाम्बरधारिणे ।स्वर्णसिंहासनस्थाय स्वर्णपादाय ते नमः ॥ २६॥

namaste svarṇakaṇṭhāya svarṇābhāmbaradhāriṇe |svarṇasiṃhāsanasthāya svarṇapādāya te namaḥ || 26||

नमः स्वर्णाभपादाय स्वर्णकाञ्चीसुशोभिने ।नमस्ते स्वर्णजङ्घाय भक्तकामदुघात्मने ॥ २७॥

namaḥ svarṇābhapādāya svarṇakāñcīsuśobhine |namaste svarṇajaṅghāya bhaktakāmadughātmane || 27||

नमस्ते स्वर्णभक्ताय कल्पवृक्षस्वरूपिणे ।चिन्तामणिस्वरूपाय नमो ब्रह्मादिसेविने ॥ २८॥

namaste svarṇabhaktāya kalpavṛkṣasvarūpiṇe |cintāmaṇisvarūpāya namo brahmādisevine || 28||

कल्पद्रुमाधःसंस्थाय बहुस्वर्णप्रदायिने ।नमो हेमाकर्षणाय भैरवाय नमो नमः ॥ २९॥

kalpadrumādhaḥsaṃsthāya bahusvarṇapradāyine |namo hemākarṣaṇāya bhairavāya namo namaḥ || 29||

स्तवेनानेन सन्तुष्टो भव लोकेश भैरव ।पश्य मां करुणादृष्ट्या शरणागतवत्सल ॥ ३०॥

stavenānena santuṣṭo bhava lokeśa bhairava |paśya māṃ karuṇādṛṣṭyā śaraṇāgatavatsala || 30||

श्रीमहाभैरवस्येदं स्तोत्रमुक्तं सुदुर्लभम् ।मन्त्रात्मकं महापुण्यं सर्वेश्वर्यप्रदायकम् ॥ ३१॥

śrīmahābhairavasyedaṃ stotramuktaṃ sudurlabham |mantrātmakaṃ mahāpuṇyaṃ sarveśvaryapradāyakam || 31||

यः पठेन्नित्यमेकाग्रं पातकै स प्रमुच्यते ।लभते महतीं लक्ष्मीमष्टैश्वर्यमवाप्नुयात् ॥ ३२॥

yaḥ paṭhennityamekāgraṃ pātakai sa pramucyate |labhate mahatīṃ lakṣmīmaṣṭaiśvaryamavāpnuyāt || 32||

चिन्तामणिमवाप्नोति धेनु कल्पतरुं ध्रुवम् ।स्वर्णराशिमवाप्नोति शीघ्नमेव न संशयः ॥ ३३॥

cintāmaṇimavāpnoti dhenu kalpataruṃ dhruvam |svarṇarāśimavāpnoti śīghnameva na saṃśayaḥ || 33||

त्रिसन्ध्यं यः पठेत्स्तोत्रं दशावृत्या नरोत्तमः ।स्वप्ने श्रीभैरवस्तस्य साक्षाद्भूत्वा जगद्गुरुः ॥ ३४॥

trisandhyaṃ yaḥ paṭhetstotraṃ daśāvṛtyā narottamaḥ |svapne śrībhairavastasya sākṣādbhūtvā jagadguruḥ || 34||

स्वर्णराशि ददात्यस्यै तत्क्षणं नात्र संशयः ।अष्टावृत्या पठेत् यस्तु सन्ध्यायां वा नरोत्तमम् ॥ ३५॥

svarṇarāśi dadātyasyai tatkṣaṇaṃ nātra saṃśayaḥ |aṣṭāvṛtyā paṭhet yastu sandhyāyāṃ vā narottamam || 35||

लभते सकलान् कामान् सप्ताहान्नात्र संशयः ।सर्वदः यः पठेस्तोत्रं भैरवस्य महात्मनाः ॥ ३६॥

labhate sakalān kāmān saptāhānnātra saṃśayaḥ |sarvadaḥ yaḥ paṭhestotraṃ bhairavasya mahātmanāḥ || 36||

लोकत्रयं वशीकुर्यादचलां लक्ष्मीमवाप्नुयात् ।नभयं विद्यते क्वापि विषभूतादि सम्भवम् ॥ ३७॥

lokatrayaṃ vaśīkuryādacalāṃ lakṣmīmavāpnuyāt |nabhayaṃ vidyate kvāpi viṣabhūtādi sambhavam || 37||

म्रियते शत्रवस्तस्य अलक्ष्मी नाशमाप्नुयात् ।अक्षयं लभते सौख्यं सर्वदा मानवोत्तमः ॥ ३८॥

mriyate śatravastasya alakṣmī nāśamāpnuyāt |akṣayaṃ labhate saukhyaṃ sarvadā mānavottamaḥ || 38||

अष्टपञ्चाद्वर्णाढ्यो मन्त्रराजः प्रकीर्तितः ।दारिद्र्यदुःखशमनः व स्वर्णाकर्षण कारकः ॥ ३९॥

aṣṭapañcādvarṇāḍhyo mantrarājaḥ prakīrtitaḥ |dāridryaduḥkhaśamanaḥ va svarṇākarṣaṇa kārakaḥ || 39||

य एन सञ्चयेद्धीमान् स्तोत्रं वा प्रपठेत् सदा ।महाभैरवसायुज्यं सोऽन्तकाले लभेद्ध्रुवम् ॥ ४०॥

ya ena sañcayeddhīmān stotraṃ vā prapaṭhet sadā |mahābhairavasāyujyaṃ so'ntakāle labheddhruvam || 40||

इति रुद्रयामलतन्त्रे ईश्वरदत्तात्रेयसंवादेस्वर्णाकर्षणभैरवस्तोत्रं सम्पूर्णम् ॥

iti rudrayāmalatantre īśvaradattātreyasaṃvādesvarṇākarṣaṇabhairavastotraṃ sampūrṇam ||