बटुकभैरवपञ्जर Shri Vishvasarokta Batuka Bhairava Panjara Stotram

श्रीगणेशाय नमः ।श्रीउमामहेश्वराभ्यां नमः ।श्रीगुरवै नमः ।श्रीभैरवाय नमः ।देव्युवाच ।देवदेव महादेव भक्ताभीष्टप्रदायकः ।पूर्वं मे सूचितं नाथ ब्रूहित्वं कृपयाधुनाम् ॥ १॥

śrīgaṇeśāya namaḥ |śrīumāmaheśvarābhyāṃ namaḥ |śrīguravai namaḥ |śrībhairavāya namaḥ |devyuvāca |devadeva mahādeva bhaktābhīṣṭapradāyakaḥ |pūrvaṃ me sūcitaṃ nātha brūhitvaṃ kṛpayādhunām || 1||

पञ्जरं बटुकस्यैव सर्वसिद्धिप्रदायकम् ।साधकानां हितार्थाय प्रकाशं कुरु भैरव् ॥ २॥

pañjaraṃ baṭukasyaiva sarvasiddhipradāyakam |sādhakānāṃ hitārthāya prakāśaṃ kuru bhairav || 2||

भैरव उवाच ।शृणु देवि प्रवक्ष्यामि बटुकस्य च पञ्जरम् ।पञ्जरस्यास्य देवेशि बृहदारण्यको ऋषिः ।छन्दोऽनुष्टुप् देवेशि बटुको नाम देवता ॥ ३॥

bhairava uvāca |śṛṇu devi pravakṣyāmi baṭukasya ca pañjaram |pañjarasyāsya deveśi bṛhadāraṇyako ṛṣiḥ |chando'nuṣṭup deveśi baṭuko nāma devatā || 3||

ह्रीं बीजं बटुकायेति शक्तिस्तु परिकीर्तिता ।प्रणवं कीलकं प्रोक्त मागमज्ञैर्विनिश्चितम् ।सर्वार्थसाधने देवि विनियोगः परिकीर्तितः ॥ ४॥

hrīṃ bījaṃ baṭukāyeti śaktistu parikīrtitā |praṇavaṃ kīlakaṃ prokta māgamajñairviniścitam |sarvārthasādhane devi viniyogaḥ parikīrtitaḥ || 4||

अस्य श्रीबटुकभैरवपञ्जरस्य बृहदारण्यक ऋषिः ।अनुष्टुप् छन्दः । श्री बटुक भैरवः देवता । ह्रीं बीजम् ।बटुकायेति शक्तिः । प्रणवः कीलकम् ।सर्वार्थ साधने (सर्वाभीष्टसिद्।ह्ध्यर्थे जपे/पाठे) विनियोगः ॥बटुकोव्याच्छिरोदेशेललाटेभैरवेश्वरः ।कपोलौक्षेत्रपालश्चभूभागेचासिताङ्गकः ॥ ५॥

asya śrībaṭukabhairavapañjarasya bṛhadāraṇyaka ṛṣiḥ |anuṣṭup chandaḥ | śrī baṭuka bhairavaḥ devatā | hrīṃ bījam |baṭukāyeti śaktiḥ | praṇavaḥ kīlakam |sarvārtha sādhane (sarvābhīṣṭasid|hdhyarthe jape/pāṭhe) viniyogaḥ ||baṭukovyācchirodeśelalāṭebhairaveśvaraḥ |kapolaukṣetrapālaścabhūbhāgecāsitāṅgakaḥ || 5||

खट्वाङ्गधारीनासायां नेत्रयोर्भूतनायकः ।ऊर्ध्वोष्टे(ष्ठे)रुरुनाथश्चाधरोष्टे(ष्ठे)धनेश्वरः ॥ ६॥

khaṭvāṅgadhārīnāsāyāṃ netrayorbhūtanāyakaḥ |ūrdhvoṣṭe(ṣṭhe)rurunāthaścādharoṣṭe(ṣṭhe)dhaneśvaraḥ || 6||

चिबुकेकुलनाथोव्यान्महेशोमुखमण्डले ।क्षेत्रेशोकण्ठदेशोव्यात्स्कन्धयोर्वासिनीपतिः ॥ ७॥

cibukekulanāthovyānmaheśomukhamaṇḍale |kṣetreśokaṇṭhadeśovyātskandhayorvāsinīpatiḥ || 7||

हृदयेकामनाथोव्यात्काम्यघ्नोभुजमण्डले ।पाणौरक्षेन्महाकालोमार्तण्डोचाङ्गुलीषुच ॥ ८॥

hṛdayekāmanāthovyātkāmyaghnobhujamaṇḍale |pāṇaurakṣenmahākālomārtaṇḍocāṅgulīṣuca || 8||

उदरेकालकालोव्यात्सर्वज्ञोनाभिमण्डले ।रक्ताक्षोलिङ्गव्यातण्डकोषेसुरेश्वरः ॥ ९॥

udarekālakālovyātsarvajñonābhimaṇḍale |raktākṣoliṅgavyātaṇḍakoṣesureśvaraḥ || 9||

कट्यांशूलभृत्पातुवस्तिदेशेअघान्तकः ।घोरान्तकोपातुचोर्धोर्जघनेशत्रुतापनः ॥ १०॥

kaṭyāṃśūlabhṛtpātuvastideśeaghāntakaḥ |ghorāntakopātucordhorjaghaneśatrutāpanaḥ || 10||

पादयोः पातुकन्दर्पो कल्पान्तो चाङ्गुलीषु च ।आकेशात्पादपर्यन्तं पातुमां भैरवेश्वरः ॥ ११॥

pādayoḥ pātukandarpo kalpānto cāṅgulīṣu ca |ākeśātpādaparyantaṃ pātumāṃ bhairaveśvaraḥ || 11||

प्रतीच्यां पातु भूतेशो याम्ये बलिहरोऽवतु ।प्राच्यां कालविधिः पातु उदीच्यां प्रथमेश्वरः ॥ १२॥

pratīcyāṃ pātu bhūteśo yāmye baliharo'vatu |prācyāṃ kālavidhiḥ pātu udīcyāṃ prathameśvaraḥ || 12||

आग्नेय्यां च शिखी पातु नैरृत्यां प्रेतयोऽवतु ।वायव्यां प्राणदः पातु एशान्यामीश्वरोऽवतु ॥ १३॥

āgneyyāṃ ca śikhī pātu nairṛtyāṃ pretayo'vatu |vāyavyāṃ prāṇadaḥ pātu eśānyāmīśvaro'vatu || 13||

इतीदं पञ्जरं देवि सर्वमन्त्ररहस्यकम् ।पठनात्पाठनाद्देवि स्वयं सिद्धिश्वरो भवेत् ॥ १४॥

itīdaṃ pañjaraṃ devi sarvamantrarahasyakam |paṭhanātpāṭhanāddevi svayaṃ siddhiśvaro bhavet || 14||

प्रातःकाले पठेद्यस्तु मुच्यते व्याधिबन्धनात् ।भानौ मध्ये गते यस्तु पठनाद्धनवान्भवेत् ॥ १५॥

prātaḥkāle paṭhedyastu mucyate vyādhibandhanāt |bhānau madhye gate yastu paṭhanāddhanavānbhavet || 15||

सायङ्काले प्रपठनात्सर्वसिद्धिमवाप्नुयात् ।अर्धरात्रे पठेद्यस्तु श्रुतिस्तद्गत्मानसः ॥ १६॥

sāyaṅkāle prapaṭhanātsarvasiddhimavāpnuyāt |ardharātre paṭhedyastu śrutistadgatmānasaḥ || 16||

साक्षाद्भैरवरुपोऽसौ जायते भुवि मानवः ।पञ्जरं भूर्जपत्रेषु चाष्टाङ्गन्धेनलेखयेत् ॥ १७॥

sākṣādbhairavarupo'sau jāyate bhuvi mānavaḥ |pañjaraṃ bhūrjapatreṣu cāṣṭāṅgandhenalekhayet || 17||

धारयेत्करकण्ठेचबाह्वोशिरसि यं पुमान् ।तस्यसर्वार्थसिद्धिः स्यान्नात्रकार्याविचारणात् ॥ १८॥

dhārayetkarakaṇṭhecabāhvośirasi yaṃ pumān |tasyasarvārthasiddhiḥ syānnātrakāryāvicāraṇāt || 18||

शत्रुदस्यु भयं नैव नैव भूतादिजं भयम् ।अस्यधारण मात्रेण साधको भुवि जायते ॥ १९॥

śatrudasyu bhayaṃ naiva naiva bhūtādijaṃ bhayam |asyadhāraṇa mātreṇa sādhako bhuvi jāyate || 19||

अज्ञात्वा पञ्जरं देवि अज्ञात्वा कूटपञ्जरम् ।नाधिकारीभवेत्सोऽपि अजप्त्वा नरकं व्रजेत् ।तस्मात्पठेत्सदाभक्त्या पातकान्मुच्यते ध्रुवम् ॥ २०॥

ajñātvā pañjaraṃ devi ajñātvā kūṭapañjaram |nādhikārībhavetso'pi ajaptvā narakaṃ vrajet |tasmātpaṭhetsadābhaktyā pātakānmucyate dhruvam || 20||

॥ इति श्रीविश्वसारोक्त बटुकभैरवपञ्जरं सम्पूर्णम् ॥

|| iti śrīviśvasārokta baṭukabhairavapañjaraṃ sampūrṇam ||