मातृभूतेश्वरस्तोत्रम् Shri Matribhuteshvara Stotram

प्रसन्नवक्त्रमेकदन्तमादिपूज्यमीश्वरंसुरासुरेन्द्रसेव्यमानपादपद्ममव्ययम् ।समस्तशोकनाशकारणं सुखप्रदं नृणांउमासुतं नमामि तं समस्तविघ्नशान्तिदम् ॥ १॥

prasannavaktramekadantamādipūjyamīśvaraṃsurāsurendrasevyamānapādapadmamavyayam |samastaśokanāśakāraṇaṃ sukhapradaṃ nṛṇāṃumāsutaṃ namāmi taṃ samastavighnaśāntidam || 1||

अजायमानमप्यनेकधा सुजायमानमुं(?)पुराणमप्यहं युवानमादिकारणं शिवम् ।अपाणिपादमप्यनेकपादपाणिचक्षुषंनमामि मातृभूतसाम्बमूर्तिमेव सन्ततम् ॥ २॥

ajāyamānamapyanekadhā sujāyamānamuṃ(?)purāṇamapyahaṃ yuvānamādikāraṇaṃ śivam |apāṇipādamapyanekapādapāṇicakṣuṣaṃnamāmi mātṛbhūtasāmbamūrtimeva santatam || 2||

अनन्तरूपनामधेयमप्यनामरूपकंकपालभिक्षमप्यशेषलोकसर्वकामदम् ।अनाथमप्यशेषलोकनाथमीशमच्युतंनमामि मातृभूतसाम्बमूर्तिमेव सन्ततम् ॥ ३॥

anantarūpanāmadheyamapyanāmarūpakaṃkapālabhikṣamapyaśeṣalokasarvakāmadam |anāthamapyaśeṣalokanāthamīśamacyutaṃnamāmi mātṛbhūtasāmbamūrtimeva santatam || 3||

अजीवमप्यनन्तजीवरक्षकं सुजीविनंमहान्तमप्यणुं हृदि स्थितं न दृश्यमीडितम् ।बहिःस्थितं नरामरैः स्वभक्तनेतृगोचरम् ।नमामि मातृभूतसाम्बमूर्तिमेव सन्ततम् ॥ ४॥

ajīvamapyanantajīvarakṣakaṃ sujīvinaṃmahāntamapyaṇuṃ hṛdi sthitaṃ na dṛśyamīḍitam |bahiḥsthitaṃ narāmaraiḥ svabhaktanetṛgocaram |namāmi mātṛbhūtasāmbamūrtimeva santatam || 4||

उमावचःप्रतिप्रभाषणाज्ञमप्यधीश्वरंसुवाग्मिनामपि प्रियं जितेन्द्रियोत्तमं रतौ ।अजय्यमप्युमामुदे सुमेषुणा विनिर्जितंनमामि मातृभूतसाम्बमूर्तिमेव सन्ततम् ॥ ५॥

umāvacaḥpratiprabhāṣaṇājñamapyadhīśvaraṃsuvāgmināmapi priyaṃ jitendriyottamaṃ ratau |ajayyamapyumāmude sumeṣuṇā vinirjitaṃnamāmi mātṛbhūtasāmbamūrtimeva santatam || 5||

कुरङ्गलोचनाऽगजाविलासहर्षमानसंगजास्यशौरिबालकेलिदर्शनातिविस्मितम् ।सुनन्दिबाणभृङ्गिचण्डिरावणादिपूजितंनमामि मातृभूतसाम्बमूर्तिमेव सन्ततम् ॥ ६॥

kuraṅgalocanā'gajāvilāsaharṣamānasaṃgajāsyaśauribālakelidarśanātivismitam |sunandibāṇabhṛṅgicaṇḍirāvaṇādipūjitaṃnamāmi mātṛbhūtasāmbamūrtimeva santatam || 6||

सुमृत्तिकाशिलादिषूधियामपीष्टदायकं (?)सुपुत्रनीलकण्ठनामधेयवक्तुरिष्टदम् ।मृगं हरेषुमाहरेति वक्तुराशु मुक्तिदंनमामि मातृभूतसाम्बमूर्तिमेव सन्ततम् ॥ ७॥

sumṛttikāśilādiṣūdhiyāmapīṣṭadāyakaṃ (?)suputranīlakaṇṭhanāmadheyavakturiṣṭadam |mṛgaṃ hareṣumāhareti vakturāśu muktidaṃnamāmi mātṛbhūtasāmbamūrtimeva santatam || 7||

समस्तलोकदग्धुकामकालकूटभक्षकंभिषग्वरं त्रिविष्टपस्य मातृभूतमीश्वरम् ।मृकण्डुसूनुरक्षणाय मृत्युदर्पभञ्जकंनमामि मातृभूतसाम्बमूर्तिमेव सन्ततम् ॥ ८॥

samastalokadagdhukāmakālakūṭabhakṣakaṃbhiṣagvaraṃ triviṣṭapasya mātṛbhūtamīśvaram |mṛkaṇḍusūnurakṣaṇāya mṛtyudarpabhañjakaṃnamāmi mātṛbhūtasāmbamūrtimeva santatam || 8||

अनाथगर्भिणीस्त्रियः शिशोः सुतस्य मे सदासुखप्रदं सुमातृवत् शरण्यमेव नान्यथा ।कृपारसार्द्रमानसेशमच्युतप्रियं शिवंनमामि मातृभूतसाम्बमूर्तिमेव सन्ततम् ॥ ९॥

anāthagarbhiṇīstriyaḥ śiśoḥ sutasya me sadāsukhapradaṃ sumātṛvat śaraṇyameva nānyathā |kṛpārasārdramānaseśamacyutapriyaṃ śivaṃnamāmi mātṛbhūtasāmbamūrtimeva santatam || 9||

सुगन्धिकुन्तलाम्बिकासमेतमद्रिवासिनंसमीपवर्तिरङ्गनाथजम्बुकेश्वरप्रभुम् ।अनाथगर्भिणीवधूसुखप्रसूतिकारकंनमामि मातृभूतसाम्बमूर्तिमेव सन्ततम् ॥ १०॥

sugandhikuntalāmbikāsametamadrivāsinaṃsamīpavartiraṅganāthajambukeśvaraprabhum |anāthagarbhiṇīvadhūsukhaprasūtikārakaṃnamāmi mātṛbhūtasāmbamūrtimeva santatam || 10||

इयं समस्तकामदा नवप्रसूनमालिकानृणामशेषकर्मजन्यशोककक्षपावका ।सुदर्शनाख्यपण्डितेन भक्तियुक्तचेतसाविलिख्यते शिवप्रसादलेशलाभवैभवात् ॥ ११॥

iyaṃ samastakāmadā navaprasūnamālikānṛṇāmaśeṣakarmajanyaśokakakṣapāvakā |sudarśanākhyapaṇḍitena bhaktiyuktacetasāvilikhyate śivaprasādaleśalābhavaibhavāt || 11||

या कृपा गर्भिणीत्राणे या कृपा मुनिनन्दने ।मातृभूतेश्वर क्षिप्रं सा कृपा मयि दीयताम् ॥ १२॥

yā kṛpā garbhiṇītrāṇe yā kṛpā muninandane |mātṛbhūteśvara kṣipraṃ sā kṛpā mayi dīyatām || 12||

या कृपा मुनिसन्त्राणे या कृपा कपिनायके ।या विभीषणरक्षायां सा कृपा मयि दीयताम् ॥ १३॥

yā kṛpā munisantrāṇe yā kṛpā kapināyake |yā vibhīṣaṇarakṣāyāṃ sā kṛpā mayi dīyatām || 13||

अग्रतः पृष्ठतश्चैव पार्श्वतश्च महाबलौ ।आकर्णपूर्णधन्वानौ रक्षेतां रामलक्ष्मणौ(अधश्चोर्ध्वं च रक्षेतां रामकृष्णौ धनुर्धरौ) ॥ १४॥

agrataḥ pṛṣṭhataścaiva pārśvataśca mahābalau |ākarṇapūrṇadhanvānau rakṣetāṃ rāmalakṣmaṇau(adhaścordhvaṃ ca rakṣetāṃ rāmakṛṣṇau dhanurdharau) || 14||

॥ इति श्रीमातृभूतेश्वरस्तोत्रं सम्पूर्णम् ॥

|| iti śrīmātṛbhūteśvarastotraṃ sampūrṇam ||