महाकालमङ्गलम् Shri Mahakala Mangalam

ॐ श्रीगणेशाय नमः ।यो लोकेशादि विश्वं जनयति सकलं यश्चतुर्वर्गबीजंसद्भक्तेच्छानुरूपं वितरति कृपया वेदवेद्यस्वरूपम् ।ज्योतिःशास्त्राधिदेवं स्थितिकरणभयुग्वासरार्कादिमूर्तिस्तं वन्दे स्कन्दगौरीगणपतिसहितं श्रीमहाकालमीशम् ॥ १॥

oṃ śrīgaṇeśāya namaḥ |yo lokeśādi viśvaṃ janayati sakalaṃ yaścaturvargabījaṃsadbhaktecchānurūpaṃ vitarati kṛpayā vedavedyasvarūpam |jyotiḥśāstrādhidevaṃ sthitikaraṇabhayugvāsarārkādimūrtistaṃ vande skandagaurīgaṇapatisahitaṃ śrīmahākālamīśam || 1||

स्तष्टारोऽपि प्रजानां प्रबलभवभयाद्यं नमस्यन्ति देवायो ह्यव्यक्तो प्रविष्टः प्रविहितमनसां ध्यानयुक्तात्मनां च ।बिभ्राणः सोमलेखामहिवलययुतं व्यक्तलिङ्गं कपालंलोकानामदिदेवः स जयतु भगवान् श्रीमहाकलनामा ॥ २॥

staṣṭāro'pi prajānāṃ prabalabhavabhayādyaṃ namasyanti devāyo hyavyakto praviṣṭaḥ pravihitamanasāṃ dhyānayuktātmanāṃ ca |bibhrāṇaḥ somalekhāmahivalayayutaṃ vyaktaliṅgaṃ kapālaṃlokānāmadidevaḥ sa jayatu bhagavān śrīmahākalanāmā || 2||

क्रीडाकुण्डलितोरगेश्वरतनूकारादिरूठम्भराऽनुस्वारं कलयन्नकाररुचिराकारः कृपार्द्रः प्रभुः।विष्णोर्विश्वतनोरवन्तिनगरीहृत्पुण्डरीके वसन्नोङ्काराक्षरमूर्तिरस्यतु सदा कालोऽन्तकालोऽसताम् ॥ ३॥

krīḍākuṇḍalitorageśvaratanūkārādirūṭhambharā'nusvāraṃ kalayannakārarucirākāraḥ kṛpārdraḥ prabhuḥ|viṣṇorviśvatanoravantinagarīhṛtpuṇḍarīke vasannoṅkārākṣaramūrtirasyatu sadā kālo'ntakālo'satām || 3||

भर्तुः कण्ठच्छविरिति गणैः सादरं वीक्ष्यमाणःपुण्यं यायास्त्रिभुवनगुरोर्धाम चण्डीश्वरस्य ।धृतोद्यानं कुवलयरजोगन्धिभिर्गन्धवत्यास्तोयक्रीडानिरतयुवतिस्नानसिक्तैर्मरुद्भिः ॥ ४॥

bhartuḥ kaṇṭhacchaviriti gaṇaiḥ sādaraṃ vīkṣyamāṇaḥpuṇyaṃ yāyāstribhuvanagurordhāma caṇḍīśvarasya |dhṛtodyānaṃ kuvalayarajogandhibhirgandhavatyāstoyakrīḍāniratayuvatisnānasiktairmarudbhiḥ || 4||

अप्यस्मिञ्जलधर ! महाकालमासाद्य कलेस्थातव्यं ते नयनविषयं यावदत्येति भानुः ।कुर्वन् सन्ध्याबलिपटहतां शूलिनः श्लाघनीयामामन्त्राणां फलमविकलं लप्स्यसे गर्जितानाम् ॥ ५॥

apyasmiñjaladhara ! mahākālamāsādya kalesthātavyaṃ te nayanaviṣayaṃ yāvadatyeti bhānuḥ |kurvan sandhyābalipaṭahatāṃ śūlinaḥ ślāghanīyāmāmantrāṇāṃ phalamavikalaṃ lapsyase garjitānām || 5||

इति श्रीमहाकालमङ्गलं स्तोत्रं सम्पूर्णम् ।

iti śrīmahākālamaṅgalaṃ stotraṃ sampūrṇam |