महाकालाष्टकम् Shri Mahakala Ashtakam

वचसि मम सन्निधत्तां मधुरस्मितभरितमन्थरापाङ्गी ।करकलितललितवंशा कापि किशोरी कृपालहरी ॥ १॥

vacasi mama sannidhattāṃ madhurasmitabharitamantharāpāṅgī |karakalitalalitavaṃśā kāpi kiśorī kṛpālaharī || 1||

गर्वोद्रिक्तदिशागजेन्द्रपरिषत्सेवाप्रणामादृतंयातायातसुरेन्द्रसैन्यलहरीमौलिप्रभावन्दितम् ।वल्गत्पार्थिवसार्ध मण्डलमहायात्रारवाराधितं (सार्थ)कार्त्स्न्यं कामभुवां (सदा) गजमुखज्योतिः किमप्याश्रये ॥ २॥

garvodriktadiśāgajendrapariṣatsevāpraṇāmādṛtaṃyātāyātasurendrasainyalaharīmauliprabhāvanditam |valgatpārthivasārdha maṇḍalamahāyātrāravārādhitaṃ (sārtha)kārtsnyaṃ kāmabhuvāṃ (sadā) gajamukhajyotiḥ kimapyāśraye || 2||

भूम्ने भुवनमाधुर्यसीम्ने सकलसम्पदाम् ।स्थेम्ने सरसगोपालधाम्ने तदिदमों नमः ॥ ३॥

bhūmne bhuvanamādhuryasīmne sakalasampadām |sthemne sarasagopāladhāmne tadidamoṃ namaḥ || 3||

अज्ञानमथ नज्योतिः प्रज्ञेशानपदास्पदम् ।आलम्बितनराकारमालम्बनमभूत् सताम् ॥ ४॥

ajñānamatha najyotiḥ prajñeśānapadāspadam |ālambitanarākāramālambanamabhūt satām || 4||

अमुष्य करुणापात्रमस्ति मस्करिणां मणिः ।आदित्यप्रज्ञसंज्ञं यदादित्यादधिकं महः ॥ ५॥

amuṣya karuṇāpātramasti maskariṇāṃ maṇiḥ |ādityaprajñasaṃjñaṃ yadādityādadhikaṃ mahaḥ || 5||

निर्जितः समदृष्टयैव नीलोलं येन मन्मथः ।अर्जितैरस्त्रकुसुमैरारादाराधयन् ययौ ॥ ६॥

nirjitaḥ samadṛṣṭayaiva nīlolaṃ yena manmathaḥ |arjitairastrakusumairārādārādhayan yayau || 6||

आदित्यप्रज्ञपादानामादिकारुण्यभाजनम् ।ईशानवेद इत्यासीदीशानो मुनितेजसाम् ॥ ७॥

ādityaprajñapādānāmādikāruṇyabhājanam |īśānaveda ityāsīdīśāno munitejasām || 7||

आस्पदस्य हि यस्यासीदशेषगुणसम्पदाम् ।अद्वितीय इति ख्यातिरात्मबुद्धया न केवलम् ॥ ८॥

āspadasya hi yasyāsīdaśeṣaguṇasampadām |advitīya iti khyātirātmabuddhayā na kevalam || 8||

तयोरनुग्रहापाङ्गसङ्क्रान्तज्ञानसम्पदा ।सागरा इव गम्भीराः सन्ति धन्याः सहस्रशः ॥ ९॥

tayoranugrahāpāṅgasaṅkrāntajñānasampadā |sāgarā iva gambhīrāḥ santi dhanyāḥ sahasraśaḥ || 9||

तयोरेव कृपाभूमिः कृष्णलीलाशुको मुनिः ।यदाश्रमाङ्ग ? रमन्ते तत्र विस्तराः ॥ १०॥

tayoreva kṛpābhūmiḥ kṛṣṇalīlāśuko muniḥ |yadāśramāṅga ? ramante tatra vistarāḥ || 10||

तिलकं कुलपालीनां नीलीति निलयं श्रियाम् ।यमलं जनयाञ्चके यं च कीर्तिं च शाश्वतीम् ॥ ११॥

tilakaṃ kulapālīnāṃ nīlīti nilayaṃ śriyām |yamalaṃ janayāñcake yaṃ ca kīrtiṃ ca śāśvatīm || 11||

यस्य दामोदरो नाम सविता सवितृ ? ।अनृणस्य हि यस्यासन्नधर्मार्णा मरुद्गणाः ॥ १२॥

yasya dāmodaro nāma savitā savitṛ ? |anṛṇasya hi yasyāsannadharmārṇā marudgaṇāḥ || 12||

यस्य तत्प्रियसर्वस्वं राज्यवेशानसंज्ञकम् ।विनेय विधेय सुहृन्नु य ? ॥ १३॥

yasya tatpriyasarvasvaṃ rājyaveśānasaṃjñakam |vineya vidheya suhṛnnu ya ? || 13||

यस्य दक्षिणकैलासलीलापरिणतं महः ।चर्चाचन्दनगन्धेन सुगन्धयति मानसम् ॥ १४॥

yasya dakṣiṇakailāsalīlāpariṇataṃ mahaḥ |carcācandanagandhena sugandhayati mānasam || 14||

कृष्णलीलाशुकस्यास्य किशोरमधिदैवतम् ।कृष्णरत्नमिदं ब्रूते वेणुवादिमुखेन्दुना ॥ १५॥

kṛṣṇalīlāśukasyāsya kiśoramadhidaivatam |kṛṣṇaratnamidaṃ brūte veṇuvādimukhendunā || 15||

मदक्षीय भृङ्गाङ्गनालिङ्गिताङ्गंमहद्यैवतं मत्तहस्तीन्द्रगामि ।पदच्छायया पाटलीकृत्य नृत्यंपरिक्रीडगानं भजध्वं भजध्वम् ॥ १६॥

madakṣīya bhṛṅgāṅganāliṅgitāṅgaṃmahadyaivataṃ mattahastīndragāmi |padacchāyayā pāṭalīkṛtya nṛtyaṃparikrīḍagānaṃ bhajadhvaṃ bhajadhvam || 16||

जीयाद्देवो महाकालो जगतामेकभूषणः ।भाग्यभाजो गता यस्य भूषणत्वं भुजङ्गमाः ॥ १७॥

jīyāddevo mahākālo jagatāmekabhūṣaṇaḥ |bhāgyabhājo gatā yasya bhūṣaṇatvaṃ bhujaṅgamāḥ || 17||

वन्दामहे वयं देवं चन्द्रलेखाशिखामणिम् ।शङ्केयं कालभङ्गेन महाकालपदं गतम् ॥ १८॥

vandāmahe vayaṃ devaṃ candralekhāśikhāmaṇim |śaṅkeyaṃ kālabhaṅgena mahākālapadaṃ gatam || 18||

देवं महाकालममी दयाम्भोधिमुपास्महे ।रतिगौर्यो दृशा वीक्ष्य येन चोन्मीमूलितः स्मरः ? ॥ १९॥

devaṃ mahākālamamī dayāmbhodhimupāsmahe |ratigauryo dṛśā vīkṣya yena conmīmūlitaḥ smaraḥ ? || 19||

तस्य देवस्य माहात्म्यं महाकालस्य किं ब्रुवे ।यस्य लीलापदानानि लिह्यन्ते श्रुतिमौलिभिः ॥ २०॥

tasya devasya māhātmyaṃ mahākālasya kiṃ bruve |yasya līlāpadānāni lihyante śrutimaulibhiḥ || 20||

महाकालस्य त ? चरित्रे नातिचित्रता ।पञ्चाननेन मु ? निर्जितः कोऽपि कुञ्जरः ॥ २१॥

mahākālasya ta ? caritre nāticitratā |pañcānanena mu ? nirjitaḥ ko'pi kuñjaraḥ || 21||

महाकालपदच्छायापाटलिम्ने मुहुर्नमः ।यदेव दिङ्मुखे शङ्के ? ? ? वतो गतम् ॥ २२॥

mahākālapadacchāyāpāṭalimne muhurnamaḥ |yadeva diṅmukhe śaṅke ? ? ? vato gatam || 22||

महाकालपदच्छाया ? ? भ वर्षतु ।यस्यां निर्वृतिसाम्राज्यं निर्विवादं विजृम्भते ॥ २३॥

mahākālapadacchāyā ? ? bha varṣatu |yasyāṃ nirvṛtisāmrājyaṃ nirvivādaṃ vijṛmbhate || 23||

महाकाल महादेव मनोहर तमोहर ।महाधार जडाधार जयं कुरु दयां कुरु ॥ २४॥

mahākāla mahādeva manohara tamohara |mahādhāra jaḍādhāra jayaṃ kuru dayāṃ kuru || 24||

महाकालमाहात्म्यगर्भैररदभ्रैःपश्चषैरश्चितं किश्चिदेतत् ।दशामष्टकं धन्यधन्यां दुहानंदिशामक्षकं दीर्धकालं पुनीयात् ॥ २५॥

mahākālamāhātmyagarbhairaradabhraiḥpaścaṣairaścitaṃ kiścidetat |daśāmaṣṭakaṃ dhanyadhanyāṃ duhānaṃdiśāmakṣakaṃ dīrdhakālaṃ punīyāt || 25||

इति श्रीकृष्णलीलाशुकमहाकविमुनिविरचितं महाकालाष्टकं सम्पूर्णम् ।

iti śrīkṛṣṇalīlāśukamahākavimuniviracitaṃ mahākālāṣṭakaṃ sampūrṇam |