चिदम्बरेश्वरवन्दनस्तवः Shri Chidambareshvaravandana Stava

वन्दे शम्भुमुमापतिं सुरगुरुं वन्दे जगत्कारणंवन्दे पन्नगभूषणं मृगधरं वन्दे पशूनां पतिम् ।वन्दे सूर्यशशाङ्कवह्निनयनं वन्दे मुकुन्दप्रियंवन्दे भक्तजनाश्रयञ्च वरदं वन्दे शिवं शङ्करम् ॥ १॥

vande śambhumumāpatiṃ suraguruṃ vande jagatkāraṇaṃvande pannagabhūṣaṇaṃ mṛgadharaṃ vande paśūnāṃ patim |vande sūryaśaśāṅkavahninayanaṃ vande mukundapriyaṃvande bhaktajanāśrayañca varadaṃ vande śivaṃ śaṅkaram || 1||

वन्दे सर्वजगद्विहारमतुलं वन्दे करित्वग्धरंवन्दे देवशिखामणिं शशिनिभं वन्दे हरेर्वल्लभम् ।वन्दे पर्वतकन्यकार्धवपुषं वन्दे परं चिन्मयंवन्दे भक्तजनाश्रयञ्च वरदं वन्दे शिवं शङ्करम् ॥ २॥

vande sarvajagadvihāramatulaṃ vande karitvagdharaṃvande devaśikhāmaṇiṃ śaśinibhaṃ vande harervallabham |vande parvatakanyakārdhavapuṣaṃ vande paraṃ cinmayaṃvande bhaktajanāśrayañca varadaṃ vande śivaṃ śaṅkaram || 2||

वन्दे व्योमसभापतिं नटपतिं वन्देऽर्कदन्तापहंवन्दे निर्मलमादिभूतमनिशं वन्दे मखध्वंसिनम् ।वन्दे नित्यमगेन्द्रजाप्रियकरं वन्देऽतिशान्ताकृतिंवन्दे भक्तजनाश्रयञ्च वरदं वन्दे शिवं शङ्करम् ॥ ३॥

vande vyomasabhāpatiṃ naṭapatiṃ vande'rkadantāpahaṃvande nirmalamādibhūtamaniśaṃ vande makhadhvaṃsinam |vande nityamagendrajāpriyakaraṃ vande'tiśāntākṛtiṃvande bhaktajanāśrayañca varadaṃ vande śivaṃ śaṅkaram || 3||

वन्दे भूरथमम्बुजाक्षविशिखं वन्दे त्रयीवाजिनंवन्दे शैलशरासनं फणिगुणं वन्देऽब्धितूणीरकम् ।वन्दे पद्मजसारथिं पुरहरं वन्दे महाभैरवंवन्दे भक्तजनाश्रयञ्च वरदं वन्दे शिवं शङ्करम् ॥ ४॥

vande bhūrathamambujākṣaviśikhaṃ vande trayīvājinaṃvande śailaśarāsanaṃ phaṇiguṇaṃ vande'bdhitūṇīrakam |vande padmajasārathiṃ puraharaṃ vande mahābhairavaṃvande bhaktajanāśrayañca varadaṃ vande śivaṃ śaṅkaram || 4||

वन्दे पञ्चमुखाम्बुजं त्रिणयनं वन्दे ललाटेक्षणंवन्दे व्योमकचं जटासुमकुटं वन्देऽब्जगङ्गाधरम् ।वन्दे मारहरं त्रिपुण्ड्रनिटिलं वन्देऽष्टमूर्त्यात्मकंवन्दे भक्तजनाश्रयञ्च वरदं वन्दे शिवं शङ्करम् ॥ ५॥

vande pañcamukhāmbujaṃ triṇayanaṃ vande lalāṭekṣaṇaṃvande vyomakacaṃ jaṭāsumakuṭaṃ vande'bjagaṅgādharam |vande māraharaṃ tripuṇḍraniṭilaṃ vande'ṣṭamūrtyātmakaṃvande bhaktajanāśrayañca varadaṃ vande śivaṃ śaṅkaram || 5||

वन्दे राजतपर्वताग्रनिलयं वन्दे सुराधीश्वरंवन्दे निर्गुणमप्रमेयममलं वन्दे यमद्वेषिणम् ।वन्दे कुण्डलिराजकुण्डलधरं वन्दे सहस्राननंवन्दे भक्तजनाश्रयञ्च वरदं वन्दे शिवं शङ्करम् ॥ ६॥

vande rājataparvatāgranilayaṃ vande surādhīśvaraṃvande nirguṇamaprameyamamalaṃ vande yamadveṣiṇam |vande kuṇḍalirājakuṇḍaladharaṃ vande sahasrānanaṃvande bhaktajanāśrayañca varadaṃ vande śivaṃ śaṅkaram || 6||

वन्देऽनन्तरविप्रकाशमगुणं वन्देऽन्धकस्यान्तकंवन्दे पद्मजविष्णुगर्वकुलिशं वन्दे दयाम्भोनिधिम् ।वन्दे चित्सभमीश्वरं सुरनुतं वन्दे त्रिमूर्त्यात्मकंवन्दे भक्तजनाश्रयञ्च वरदं वन्दे शिवं शङ्करम् ॥ ७॥

vande'nantaraviprakāśamaguṇaṃ vande'ndhakasyāntakaṃvande padmajaviṣṇugarvakuliśaṃ vande dayāmbhonidhim |vande citsabhamīśvaraṃ suranutaṃ vande trimūrtyātmakaṃvande bhaktajanāśrayañca varadaṃ vande śivaṃ śaṅkaram || 7||

वन्देऽपस्मृतिशिक्षकं विषहरं वन्दे मृडं धूर्जटिंवन्दे विप्रवरैस्सुपूजितपदं वन्दे भवोत्तारकम् ।वन्दे धर्ममुखार्थदं श्रुतिनुतं वन्दे गुरूणां गुरुंवन्दे भक्तजनाश्रयञ्च वरदं वन्दे शिवं शङ्करम् ॥ ८॥

vande'pasmṛtiśikṣakaṃ viṣaharaṃ vande mṛḍaṃ dhūrjaṭiṃvande vipravaraissupūjitapadaṃ vande bhavottārakam |vande dharmamukhārthadaṃ śrutinutaṃ vande gurūṇāṃ guruṃvande bhaktajanāśrayañca varadaṃ vande śivaṃ śaṅkaram || 8||

शार्दूलाङ्घ्रिमहर्षिणा विरचितं सङ्कीर्तयेद्वन्दनस्तोत्रं तद्गतनामभिर्यजति यश्शम्भुं सभायाः पतिम् ।सन्ध्यासु प्रतिवासरं सुनियतो धर्मादि सत्सम्पदोलब्ध्वेहेन्दुकलाधरस्य सचिवो भूत्वा स च क्रीडति ॥ ९॥

śārdūlāṅghrimaharṣiṇā viracitaṃ saṅkīrtayedvandanastotraṃ tadgatanāmabhiryajati yaśśambhuṃ sabhāyāḥ patim |sandhyāsu prativāsaraṃ suniyato dharmādi satsampadolabdhvehendukalādharasya sacivo bhūtvā sa ca krīḍati || 9||

इति श्रीव्याघ्रपादमुनीन्द्रविरचितः श्रीचिदम्बरेश्वरवन्दनस्तवः सम्पूर्णः ।

iti śrīvyāghrapādamunīndraviracitaḥ śrīcidambareśvaravandanastavaḥ sampūrṇaḥ |