मध्यार्जुनक्षेत्रमहिमानुवर्णनम् शिवप्रोक्तं Shivaproktam Madhyarjunakshetramahimanuvarnanam

(शिवरहस्यान्तर्गते उग्राख्ये)शिवःमध्यार्जुनाभिधं क्षेत्रमेकमस्ति वरानने ।तत्र सम्पूज्य मां देवा मुनयश्च वसन्ति हि ॥ १॥

(śivarahasyāntargate ugrākhye)śivaḥmadhyārjunābhidhaṃ kṣetramekamasti varānane |tatra sampūjya māṃ devā munayaśca vasanti hi || 1||

मध्यार्जुनेशं यः पश्येन्निशि भस्मविभूषणः ।समर्चयेच्च भक्त्या यः स मुक्तोभवति ध्रुवम् ॥ २॥

madhyārjuneśaṃ yaḥ paśyenniśi bhasmavibhūṣaṇaḥ |samarcayecca bhaktyā yaḥ sa muktobhavati dhruvam || 2||

अत्र यः कृत्तिकायोगे कार्तिक्यां यत्नपूर्वकम् ।सम्पूजयति मां भक्त्या स मुक्तो भवति ध्रुवम् ॥ ३॥

atra yaḥ kṛttikāyoge kārtikyāṃ yatnapūrvakam |sampūjayati māṃ bhaktyā sa mukto bhavati dhruvam || 3||

तत्र यत्नेन मद्भक्तं सुवर्णाभरणादिभिः ।यः पूजयेत्स संसारान्मुक्तो भवति सर्वथा ॥ ४॥

tatra yatnena madbhaktaṃ suvarṇābharaṇādibhiḥ |yaḥ pūjayetsa saṃsārānmukto bhavati sarvathā || 4||

अत्र पातार्द्रसंयुक्त सप्तमी भानुवासरे ।यो मां समर्चयेद्भक्त्या स मुक्तो भवति ध्रुवम् ॥ ५॥

atra pātārdrasaṃyukta saptamī bhānuvāsare |yo māṃ samarcayedbhaktyā sa mukto bhavati dhruvam || 5||

यस्तु कृष्णलमात्रं वा सुवर्णं भस्मधारिणे ।ददाति परया भक्त्या स मुक्तो भवति ध्रुवम् ॥ ६॥

yastu kṛṣṇalamātraṃ vā suvarṇaṃ bhasmadhāriṇe |dadāti parayā bhaktyā sa mukto bhavati dhruvam || 6||

मध्यार्जुने तपस्तप्तं बहुभिर्मुनिभिः पुरा ।अविमुक्तमिदं प्राप्तं मुक्त्यर्थं कमलानने ॥ ७॥

madhyārjune tapastaptaṃ bahubhirmunibhiḥ purā |avimuktamidaṃ prāptaṃ muktyarthaṃ kamalānane || 7||

सार्धलक्षसहस्राणां मुनीनामूर्ध्वरेतसाम् ।वासस्थलमभूत्पूर्वं श्रीमध्यार्जुनकं शिवे ॥ ८॥

sārdhalakṣasahasrāṇāṃ munīnāmūrdhvaretasām |vāsasthalamabhūtpūrvaṃ śrīmadhyārjunakaṃ śive || 8||

॥ इति शिवरहस्यान्तर्गते शिवप्रोक्तं मध्यार्जुनक्षेत्रमहिमानुवर्णनं सम्पूर्णम् ॥॥ श्रीशिवरहस्यम् । उग्राख्यः सप्तमांशः । अध्यायः २७ मध्यार्जुनमहिमानुवर्णनम् । १८॥

|| iti śivarahasyāntargate śivaproktaṃ madhyārjunakṣetramahimānuvarṇanaṃ sampūrṇam |||| śrīśivarahasyam | ugrākhyaḥ saptamāṃśaḥ | adhyāyaḥ 27 madhyārjunamahimānuvarṇanam | 18||

– ॥ श्रीशिवरहस्यम् ।उग्राख्यः सप्तमांशः ।अध्यायः २७ मध्यार्जुनमहिमानुवर्णनम् ।१-८॥

– || śrīśivarahasyam |ugrākhyaḥ saptamāṃśaḥ |adhyāyaḥ 27 madhyārjunamahimānuvarṇanam | 1-8||