शिवकण्ठस्तुतिः Shivakanthastutih

श्रीगणेशाय नमः ॥पातु वो नीलकण्ठस्य कण्ठः श्यामाम्बुदोपमः ।गौरीभुजलता यत्र विद्युल्लेखेव राजते ॥ १॥

śrīgaṇeśāya namaḥ ||pātu vo nīlakaṇṭhasya kaṇṭhaḥ śyāmāmbudopamaḥ |gaurībhujalatā yatra vidyullekheva rājate || 1||

पातु वः शितिकण्ठस्य तमालसदृशश्यामलो गलः ।संसक्तपार्वतीबाहुसुवर्णनिकषोपलः ॥ २॥

pātu vaḥ śitikaṇṭhasya tamālasadṛśaśyāmalo galaḥ |saṃsaktapārvatībāhusuvarṇanikaṣopalaḥ || 2||

कस्तूरेतिलकन्ति भालफलके देव्या मुखाम्भोरुहेरोलम्बन्ति तमालवालमुकुलोत्तंसन्ति मौलिं प्रति ।याः कर्णे विकचोत्पलन्ति कुचयोरंसे च कालागुरु-स्थासन्ति प्रथयन्तु तास्तव शिवं श्रीकण्ठकण्ठत्विषः ॥ ३॥

kastūretilakanti bhālaphalake devyā mukhāmbhoruherolambanti tamālavālamukulottaṃsanti mauliṃ prati |yāḥ karṇe vikacotpalanti kucayoraṃse ca kālāguru-sthāsanti prathayantu tāstava śivaṃ śrīkaṇṭhakaṇṭhatviṣaḥ || 3||

कस्तूरीयन्ति भाले तदनु नयनयोः कज्जलीयन्ति कर्णप्रान्तेनीलोत्पलीयन्त्युरसि मरकतालङ्कृतीयन्ति देव्याः ।कल्याणं कुर्युरेते त्रिजगति पुरुजित्कण्ठभासां विलासाः ॥ ४॥

kastūrīyanti bhāle tadanu nayanayoḥ kajjalīyanti karṇaprāntenīlotpalīyantyurasi marakatālaṅkṛtīyanti devyāḥ |kalyāṇaṃ kuryurete trijagati purujitkaṇṭhabhāsāṃ vilāsāḥ || 4||

इति शिवकण्ठस्तुतिः समाप्ता ।

iti śivakaṇṭhastutiḥ samāptā |