शिवज्नानब्धः Shivajnanabodhah

स्त्रीपुंनपुंसकादित्वाज्जगतः कार्यदर्शनात् ।अस्ति कर्ता स हृत्वैतत्सृजत्यस्मात्प्रभुर्हरः ॥ १॥

strīpuṃnapuṃsakāditvājjagataḥ kāryadarśanāt |asti kartā sa hṛtvaitatsṛjatyasmātprabhurharaḥ || 1||

(जगतः कर्तास्ति कार्यदर्शनात् स्त्रीपुंनपुंसजादित्वात् सएतत् हृत्वा पुनः सृजति अस्मात् हरः प्रभुः ।)अन्यः सन्व्याप्तितोऽनन्यः कर्ता कर्मानुसारतः ।करोति संसृतिं पुंसामाज्ञया समवेतया ॥ २॥

(jagataḥ kartāsti kāryadarśanāt strīpuṃnapuṃsajāditvāt saetat hṛtvā punaḥ sṛjati asmāt haraḥ prabhuḥ |)anyaḥ sanvyāptito'nanyaḥ kartā karmānusārataḥ |karoti saṃsṛtiṃ puṃsāmājñayā samavetayā || 2||

नेतितो ममतोद्रेकादक्षोपरतिबोधतः ।स्वापे निर्भोगतो बोधे बोद्धृत्वादस्त्यणुस्तनौ ॥ ३॥

netito mamatodrekādakṣoparatibodhataḥ |svāpe nirbhogato bodhe boddhṛtvādastyaṇustanau || 3||

आत्मान्तःकरणादन्योऽप्यन्वितो मन्त्रिभूपवत् ।अवस्थापञ्चकस्थोऽतो मलरुद्धस्वदृक्क्रियः ॥ ४॥

ātmāntaḥkaraṇādanyo'pyanvito mantribhūpavat |avasthāpañcakastho'to malaruddhasvadṛkkriyaḥ || 4||

विदन्त्यक्षाणि पुंसाऽर्थान्न स्वयं सोऽपि शम्भुना ।तद्विकारी शिवश्वेन्न कान्तोऽयोवत्स तं नयेत् ॥ ५॥

vidantyakṣāṇi puṃsā'rthānna svayaṃ so'pi śambhunā |tadvikārī śivaśvenna kānto'yovatsa taṃ nayet || 5||

अदृश्यं चेदसद्भावो दृश्यं चेज्जडिमा भवेत् ।शम्भोस्तद्व्यतिरेकेण ज्ञेयं रूपं विदुर्बुधाः ॥ ६॥

adṛśyaṃ cedasadbhāvo dṛśyaṃ cejjaḍimā bhavet |śambhostadvyatirekeṇa jñeyaṃ rūpaṃ vidurbudhāḥ || 6||

नाचिच्चित्सन्निधौ किं तु न वित्तस्ते उभे सिथः ।प्रपञ्चशिवयोर्वेत्ता यः स आत्मा तयोः पृथक् ॥ ७॥

nāciccitsannidhau kiṃ tu na vittaste ubhe sithaḥ |prapañcaśivayorvettā yaḥ sa ātmā tayoḥ pṛthak || 7||

स्थित्वा सहेन्द्रियव्याधैस्त्वां न वेत्सीति बोधितः ।मुक्त्वौतान्गुरुणाऽनन्यो धन्यः प्राप्नोति तत्पदम् ॥ ८॥

sthitvā sahendriyavyādhaistvāṃ na vetsīti bodhitaḥ |muktvautānguruṇā'nanyo dhanyaḥ prāpnoti tatpadam || 8||

चिद्दृशात्मनि दृष्ट्वेशं त्यक्त्वा वृत्तिमरीचिकाम् ।लब्ध्वा शिवपदच्छायां ध्यायेत्पञ्चाक्षरीं सुधीः ॥ ९॥

ciddṛśātmani dṛṣṭveśaṃ tyaktvā vṛttimarīcikām |labdhvā śivapadacchāyāṃ dhyāyetpañcākṣarīṃ sudhīḥ || 9||

शिवेनैक्यं गतः सिद्धस्तदधीनस्ववृत्तिकः ।मलमायाद्यसंस्पृष्टो भवति स्वानुभूतिमान् ॥ १०॥

śivenaikyaṃ gataḥ siddhastadadhīnasvavṛttikaḥ |malamāyādyasaṃspṛṣṭo bhavati svānubhūtimān || 10||

दृशोर्दर्शयिता चात्मा तस्य दर्शयिता शिवः ।तस्मात्तस्मिन्परां भक्तिं कुर्यादात्मोपकारके ॥ ११॥

dṛśordarśayitā cātmā tasya darśayitā śivaḥ |tasmāttasminparāṃ bhaktiṃ kuryādātmopakārake || 11||

मुक्त्यै प्राप्य सतस्तेषां भजेद्वेषं शिवालयम् ।एवं विद्याच्छिवज्ञानबोधे शैवार्थनिर्णयम् ॥ १२॥

muktyai prāpya satasteṣāṃ bhajedveṣaṃ śivālayam |evaṃ vidyācchivajñānabodhe śaivārthanirṇayam || 12||

इति श्रीमद् शिवाग्र योगी विरचितः शिवज्ञानबोधः सम्पूर्णः ।

iti śrīmad śivāgra yogī viracitaḥ śivajñānabodhaḥ sampūrṇaḥ |