शिवकवचम् अमोघशिवकवचं च Shivakach

श्रीसाम्बासदाशिवकवचस्तोत्रम्श्रीगणेशाय नमः ।॥ अथ शिवकवचम् ॥विनियोगः ।अस्य श्रीशिवकवचस्तोत्रमन्त्रस्य\,ब्रह्मा ऋषिः\, वर् वृषभ ऋषिः\,अनुष्टुप्छन्दः\, श्रीसदाशिवरुद्रो देवता\, ह्रीं शक्तिः\,वं कीलकम्\, श्रीं ह्रीं क्लीं बीजम्\,श्रीसदाशिवप्रीत्यर्थे शिवकवचस्तोत्रजपे विनियोगः ॥॥ ऋष्यादिन्यासः ॥ॐ ब्रह्मऋषये नमः शिरसि । अनुष्टुप् छन्दसे नमः\, मुखे ।श्रीसदाशिवरुद्रदेवताय नमः हृदि । ह्रीं शक्तये नमः\, पादयोः ।वं कीलकाय नमः नाभौ । श्री ह्रीं क्लीमिति बीजाय नमः गुह्ये ।विनियोगाय नमः\, सर्वाङ्गे ॥॥ अथ करन्यासः ॥ सी अनोथेर् वेर्सिओन् अत् थे एन्द्ॐ नमो भगवते ज्वलज्ज्वालामालिनेॐ ह्रीं रां सर्वशक्तिधाम्ने ईशानात्मने अङ्गुष्ठाभ्यां नमः ।ॐ नमो भगवते ज्वलज्ज्वालामालिनेॐ नं रीं नित्यतृप्तिधाम्ने तत्पुरुषात्मने तर्जनीभ्यां नमः ।ॐ नमो भगवते ज्वलज्ज्वालामालिनेॐ मं रूं अनादिशक्तिधाम्ने अघोरात्मने मध्यमाभ्यां नमः ।ॐ नमो भगवते ज्वलज्ज्वालामालिनेॐ शिं रैं स्वतन्त्रशक्तिधाम्ने वामदेवात्मने अनामिकाभ्यां नमः ।ॐ नमो भगवते ज्वलज्ज्वालामालिनेॐ वां रौं अलुप्तशक्तिधाम्ने सद्योजातात्मने कनिष्ठिकाभ्यां नमः ।ॐ नमो भगवते ज्वलज्ज्वालामालिनेॐ यं रः अनादिशक्तिधाम्ने सर्वात्मने करतलकरपृष्ठाभ्यां नमः ॥॥ हृदयाद्यङ्गन्यासः ॥ सी अनोथेर् वेर्सिओन् अत् थे एन्द्ॐ नमो भगवते ज्वलज्ज्वालामालिनेॐ ह्रीं रां सर्वशक्तिधाम्ने ईशानात्मने हृदयाय नमः ।ॐ नमो भगवते ज्वलज्ज्वालामालिनेॐ नं रीं नित्यतृप्तिधाम्ने तत्पुरुषात्मने शिरसे स्वाहा ।ॐ नमो भगवते ज्वलज्ज्वालामालिनेॐ मं रूं अनादिशक्तिधाम्ने अघोरात्मने शिखायै वषट् ।ॐ नमो भगवते ज्वलज्ज्वालामालिनेॐ शिं रैं स्वतन्त्रशक्तिधाम्ने वामदेवात्मने कवचाय हुम् ।ॐ नमो भगवते ज्वलज्ज्वालामालिनेॐ वां रौं अलुप्तशक्तिधाम्ने सद्योजातात्मने नेत्रत्रयाय वौषट् ।ॐ नमो भगवते ज्वलज्ज्वालामालिनेॐ यं रः अनादिशक्तिधाम्ने सर्वात्मने अस्त्राय फट् ॥अथ ध्यानम्वज्रदंष्ट्रं त्रिनयनं कालकण्ठमरिन्दमम् ।सहस्रकरमप्युग्रं वन्दे शम्भुमुमापतिम् ॥रुद्राक्षकङ्कणलसत्करदण्डयुग्मःपालान्तरालसितभस्मधृतत्रिपुण्ड्रः ।पञ्चाक्षरं परिपठन् वरमन्त्रराजंध्यायन् सदा पशुपतिं शरणं व्रजेथाः ॥अतः परं सर्वपुराणगुह्यंनिःशेषपापौघहरं पवित्रम् ।जयप्रदं सर्वविपत्प्रमोचनंवक्ष्यामि शैवं कवचं हिताय ते ॥॥ अथ कवचम् ॥ऋषभ उवाच ।नमस्कृत्य महादेवं विश्वव्यापिनमीश्वरम् ।वक्ष्ये शिवमयं वर्म सर्वरक्षाकरं नृणाम् ॥ १॥

śrīsāmbāsadāśivakavacastotramśrīgaṇeśāya namaḥ ||| atha śivakavacam ||viniyogaḥ |asya śrīśivakavacastotramantrasya\,brahmā ṛṣiḥ\, var vṛṣabha ṛṣiḥ\,anuṣṭupchandaḥ\, śrīsadāśivarudro devatā\, hrīṃ śaktiḥ\,vaṃ kīlakam\, śrīṃ hrīṃ klīṃ bījam\,śrīsadāśivaprītyarthe śivakavacastotrajape viniyogaḥ |||| ṛṣyādinyāsaḥ ||oṃ brahmaṛṣaye namaḥ śirasi | anuṣṭup chandase namaḥ\, mukhe |śrīsadāśivarudradevatāya namaḥ hṛdi | hrīṃ śaktaye namaḥ\, pādayoḥ |vaṃ kīlakāya namaḥ nābhau | śrī hrīṃ klīmiti bījāya namaḥ guhye |viniyogāya namaḥ\, sarvāṅge |||| atha karanyāsaḥ || sī another version at the endoṃ namo bhagavate jvalajjvālāmālineoṃ hrīṃ rāṃ sarvaśaktidhāmne īśānātmane aṅguṣṭhābhyāṃ namaḥ |oṃ namo bhagavate jvalajjvālāmālineoṃ naṃ rīṃ nityatṛptidhāmne tatpuruṣātmane tarjanībhyāṃ namaḥ |oṃ namo bhagavate jvalajjvālāmālineoṃ maṃ rūṃ anādiśaktidhāmne aghorātmane madhyamābhyāṃ namaḥ |oṃ namo bhagavate jvalajjvālāmālineoṃ śiṃ raiṃ svatantraśaktidhāmne vāmadevātmane anāmikābhyāṃ namaḥ |oṃ namo bhagavate jvalajjvālāmālineoṃ vāṃ rauṃ aluptaśaktidhāmne sadyojātātmane kaniṣṭhikābhyāṃ namaḥ |oṃ namo bhagavate jvalajjvālāmālineoṃ yaṃ raḥ anādiśaktidhāmne sarvātmane karatalakarapṛṣṭhābhyāṃ namaḥ |||| hṛdayādyaṅganyāsaḥ || sī another version at the endoṃ namo bhagavate jvalajjvālāmālineoṃ hrīṃ rāṃ sarvaśaktidhāmne īśānātmane hṛdayāya namaḥ |oṃ namo bhagavate jvalajjvālāmālineoṃ naṃ rīṃ nityatṛptidhāmne tatpuruṣātmane śirase svāhā |oṃ namo bhagavate jvalajjvālāmālineoṃ maṃ rūṃ anādiśaktidhāmne aghorātmane śikhāyai vaṣaṭ |oṃ namo bhagavate jvalajjvālāmālineoṃ śiṃ raiṃ svatantraśaktidhāmne vāmadevātmane kavacāya hum |oṃ namo bhagavate jvalajjvālāmālineoṃ vāṃ rauṃ aluptaśaktidhāmne sadyojātātmane netratrayāya vauṣaṭ |oṃ namo bhagavate jvalajjvālāmālineoṃ yaṃ raḥ anādiśaktidhāmne sarvātmane astrāya phaṭ ||atha dhyānamvajradaṃṣṭraṃ trinayanaṃ kālakaṇṭhamarindamam |sahasrakaramapyugraṃ vande śambhumumāpatim ||rudrākṣakaṅkaṇalasatkaradaṇḍayugmaḥpālāntarālasitabhasmadhṛtatripuṇḍraḥ |pañcākṣaraṃ paripaṭhan varamantrarājaṃdhyāyan sadā paśupatiṃ śaraṇaṃ vrajethāḥ ||ataḥ paraṃ sarvapurāṇaguhyaṃniḥśeṣapāpaughaharaṃ pavitram |jayapradaṃ sarvavipatpramocanaṃvakṣyāmi śaivaṃ kavacaṃ hitāya te |||| atha kavacam ||ṛṣabha uvāca |namaskṛtya mahādevaṃ viśvavyāpinamīśvaram |vakṣye śivamayaṃ varma sarvarakṣākaraṃ nṛṇām || 1||

शुचौ देशे समासीनो यथावत्कल्पितासनः ।जितेन्द्रियो जितप्राणश्चिन्तयेच्छिवमव्यम् ॥ २॥

śucau deśe samāsīno yathāvatkalpitāsanaḥ |jitendriyo jitaprāṇaścintayecchivamavyam || 2||

हृत्पुण्डरीकान्तरसंनिविष्टं स्वतेजसा व्याप्तनभोऽवकाशम् ।अतीन्द्रियं सूक्ष्ममनन्तमाद्यं ध्यायेत्परानन्दमयं महेशम् ॥ ३॥

hṛtpuṇḍarīkāntarasaṃniviṣṭaṃ svatejasā vyāptanabho'vakāśam |atīndriyaṃ sūkṣmamanantamādyaṃ dhyāyetparānandamayaṃ maheśam || 3||

ध्यानावधूताखिलकर्मबन्धश्चिरं चिदान्दनिमग्नचेताः ।षडक्षरन्याससमाहितात्मा शैवेन कुर्यात्कवचेन रक्षाम् ॥ ४॥

dhyānāvadhūtākhilakarmabandhaściraṃ cidāndanimagnacetāḥ |ṣaḍakṣaranyāsasamāhitātmā śaivena kuryātkavacena rakṣām || 4||

मां पातु देवोऽखिलदेवतात्मा संसारकूपे पतितं गभीरे ।तन्नाम दिव्यं वरमन्त्रमूलं धुनोतु मे सर्वमघं हृदिस्थम् ॥ ५॥

māṃ pātu devo'khiladevatātmā saṃsārakūpe patitaṃ gabhīre |tannāma divyaṃ varamantramūlaṃ dhunotu me sarvamaghaṃ hṛdistham || 5||

सर्वत्र मां रक्षतु विश्वमूर्तिर्ज्योतिर्मयानन्दघनश्चिदात्मा ।अणोरणीयानुरुशक्तिरेकः स ईश्वरः पातु भयादशेषात् ॥ ६॥

sarvatra māṃ rakṣatu viśvamūrtirjyotirmayānandaghanaścidātmā |aṇoraṇīyānuruśaktirekaḥ sa īśvaraḥ pātu bhayādaśeṣāt || 6||

यो भूस्वरूपेण बिभर्ति विश्वं पायात्स भूमेर्गिरिशोऽष्टमूर्तिः ।योऽपां स्वरूपेण नृणां करोति सञ्जीवनं सोऽवतु मां जलेभ्यः ॥ ७॥

yo bhūsvarūpeṇa bibharti viśvaṃ pāyātsa bhūmergiriśo'ṣṭamūrtiḥ |yo'pāṃ svarūpeṇa nṛṇāṃ karoti sañjīvanaṃ so'vatu māṃ jalebhyaḥ || 7||

कल्पावसाने भुवनानि दग्ध्वा सर्वाणि यो नृत्यति भूरिलीलः ।स कालरुद्रोऽवतु मां दवाग्नेर्वात्यादिभीतेरखिलाच्च तापात् ॥ ८॥

kalpāvasāne bhuvanāni dagdhvā sarvāṇi yo nṛtyati bhūrilīlaḥ |sa kālarudro'vatu māṃ davāgnervātyādibhīterakhilācca tāpāt || 8||

प्रदीप्तविद्युत्कनकावभासो विद्यावराभीतिकुठारपाणिः ।चतुर्मुखस्तत्पुरुषस्त्रिनेत्रः प्राच्यां स्थितं रक्षतु मामजस्त्रम् ॥ ९॥

pradīptavidyutkanakāvabhāso vidyāvarābhītikuṭhārapāṇiḥ |caturmukhastatpuruṣastrinetraḥ prācyāṃ sthitaṃ rakṣatu māmajastram || 9||

कुठारवेदाङ्कुशपाशशूलकपालढक्काक्षगुणान्दधानः ।चतुर्मुखो नीलरुचिस्त्रिनेत्रः पायादघोरो दिशि दक्षिणस्याम् ॥ १०॥

kuṭhāravedāṅkuśapāśaśūlakapālaḍhakkākṣaguṇāndadhānaḥ |caturmukho nīlarucistrinetraḥ pāyādaghoro diśi dakṣiṇasyām || 10||

कुन्देन्दुशङ्खस्फटिकावभासो वेदाक्षमालावरदाभयाङ्कः ।त्र्यक्षश्चतुर्वक्त्र उरुप्रभावः सद्योऽधिजातोऽवतु मां प्रतीच्याम् ॥ ११॥

kundenduśaṅkhasphaṭikāvabhāso vedākṣamālāvaradābhayāṅkaḥ |tryakṣaścaturvaktra uruprabhāvaḥ sadyo'dhijāto'vatu māṃ pratīcyām || 11||

वराक्षमालाभयटङ्कहस्तः सरोजकिञ्जल्कसमानवर्णः ।त्रिलोचनश्चारुचतुर्मुखो मां पायादुदिच्यां दिशि वामदेवः ॥ १२॥

varākṣamālābhayaṭaṅkahastaḥ sarojakiñjalkasamānavarṇaḥ |trilocanaścārucaturmukho māṃ pāyādudicyāṃ diśi vāmadevaḥ || 12||

वेदाभयेष्टाङ्कुशटङ्कपाशकपालढक्काक्षशूलपाणिः । पाशटङ्कसितद्युतिः पञ्चमुखोऽवतान्मामीशान ऊर्ध्वं परमप्रकाशः ॥ १३॥

vedābhayeṣṭāṅkuśaṭaṅkapāśakapālaḍhakkākṣaśūlapāṇiḥ | pāśaṭaṅkasitadyutiḥ pañcamukho'vatānmāmīśāna ūrdhvaṃ paramaprakāśaḥ || 13||

मूर्धानमव्यान्मम चन्द्रमौलिर्भालं ममाव्यादथ भालनेत्रः ।नेत्रे ममाव्याद्भगनेत्रहारी नासां सदा रक्षतु विश्वनाथः ॥ १४॥

mūrdhānamavyānmama candramaulirbhālaṃ mamāvyādatha bhālanetraḥ |netre mamāvyādbhaganetrahārī nāsāṃ sadā rakṣatu viśvanāthaḥ || 14||

पायाच्छ्रुती मे श्रुतिगीतकीर्तिः कपोलमव्यात्सततं कपाली ।वक्त्रं सदा रक्षतु पञ्चवक्त्रो जिह्वां सदा रक्षतु वेदजिह्वः ॥ १५॥

pāyācchrutī me śrutigītakīrtiḥ kapolamavyātsatataṃ kapālī |vaktraṃ sadā rakṣatu pañcavaktro jihvāṃ sadā rakṣatu vedajihvaḥ || 15||

कण्ठं गिरीशोऽवतु नीलकण्ठः पाणिद्वयं पातु पिनाकपाणिः ।दोर्मूलमव्यान्मम धर्मबाहुर्वक्षःस्थलं दक्षमखान्तकोऽव्यात् ॥ १६॥

kaṇṭhaṃ girīśo'vatu nīlakaṇṭhaḥ pāṇidvayaṃ pātu pinākapāṇiḥ |dormūlamavyānmama dharmabāhurvakṣaḥsthalaṃ dakṣamakhāntako'vyāt || 16||

ममोदरं पातु गिरीन्द्रधन्वा मध्यं ममाव्यान्मदनान्तकारी ।हेरम्बतातो मम पातु नाभिं पायात्कटी धूर्जटिरीश्वरो मे ॥ १७॥

mamodaraṃ pātu girīndradhanvā madhyaṃ mamāvyānmadanāntakārī |herambatāto mama pātu nābhiṃ pāyātkaṭī dhūrjaṭirīśvaro me || 17||

ऊरुद्वयं पातु कुबेरमित्रो जानुद्वयं मे जगदीश्वरोऽव्यात् ।जङ्घायुगं पुङ्गवकेतुरव्यात्पादौ ममाव्यात्सुरवन्द्यपादः ॥ १८॥

ūrudvayaṃ pātu kuberamitro jānudvayaṃ me jagadīśvaro'vyāt |jaṅghāyugaṃ puṅgavaketuravyātpādau mamāvyātsuravandyapādaḥ || 18||

महेश्वरः पातु दिनादियामे मां मध्ययामेऽवतु वामदेवः ।त्रियम्बकः पातु तृतीययामे वृषध्वजः पातु दिनान्त्ययामे ॥ १९॥

maheśvaraḥ pātu dinādiyāme māṃ madhyayāme'vatu vāmadevaḥ |triyambakaḥ pātu tṛtīyayāme vṛṣadhvajaḥ pātu dināntyayāme || 19||

पायान्निशादौ शशिशेखरो मां गङ्गाधरो रक्षतु मां निशीथे ।गौरीपतिः पातु निशावसाने मृत्युञ्जयो रक्षतु सर्वकालम् ॥ २०॥

pāyānniśādau śaśiśekharo māṃ gaṅgādharo rakṣatu māṃ niśīthe |gaurīpatiḥ pātu niśāvasāne mṛtyuñjayo rakṣatu sarvakālam || 20||

अन्तःस्थितं रक्षतु शङ्करो मां स्थाणुः सदा पातु बहिःस्थितं माम् ।तदन्तरे पातु पतिः पशूनां सदाशिवो रक्षतु मां समन्तात् ॥ २१॥

antaḥsthitaṃ rakṣatu śaṅkaro māṃ sthāṇuḥ sadā pātu bahiḥsthitaṃ mām |tadantare pātu patiḥ paśūnāṃ sadāśivo rakṣatu māṃ samantāt || 21||

तिष्ठन्तमव्याद्भुवनैकनाथः पायाद्व्रजन्तं प्रमथाधिनाथः ।वेदान्तवेद्योऽवतु मान्निषण्णं मामव्ययः पातु शिवः शयानम् ॥ २२॥

tiṣṭhantamavyādbhuvanaikanāthaḥ pāyādvrajantaṃ pramathādhināthaḥ |vedāntavedyo'vatu mānniṣaṇṇaṃ māmavyayaḥ pātu śivaḥ śayānam || 22||

मार्गेषु मां रक्षतु नीलकण्ठः शैलादिदुर्गेषु पुरत्रयारिः ।अरण्यवासादिमहाप्रवासे पायान्मृगव्याध उदारशक्तिः ॥ २३॥

mārgeṣu māṃ rakṣatu nīlakaṇṭhaḥ śailādidurgeṣu puratrayāriḥ |araṇyavāsādimahāpravāse pāyānmṛgavyādha udāraśaktiḥ || 23||

कल्पान्तकाटोपपटुप्रकोपः स्फुटाट्टहासोच्चलिताण्डकोशः ।घोरारिसेनार्णवदुर्निवारमहाभयाद्रक्षतु वीरभद्रः ॥ २४॥

kalpāntakāṭopapaṭuprakopaḥ sphuṭāṭṭahāsoccalitāṇḍakośaḥ |ghorārisenārṇavadurnivāramahābhayādrakṣatu vīrabhadraḥ || 24||

पत्त्यश्वमातङ्गघटावरूथसहस्रलक्षायुतकोटिभीषणम् ।अक्षौहिणीनां शतमाततायिनां छिन्द्यान्मृडो घोरकुठारधारया ॥ २५॥

pattyaśvamātaṅgaghaṭāvarūthasahasralakṣāyutakoṭibhīṣaṇam |akṣauhiṇīnāṃ śatamātatāyināṃ chindyānmṛḍo ghorakuṭhāradhārayā || 25||

निहन्तु दस्यून्प्रलयानलार्चिर्ज्वलत्त्रिशूलं त्रिपुरान्तकस्य ।शार्दूलसिंहर्क्षवृकादिहिंस्त्रान्सन्त्रासयत्वीशधनुः पिनाकम् ॥ २६॥

nihantu dasyūnpralayānalārcirjvalattriśūlaṃ tripurāntakasya |śārdūlasiṃharkṣavṛkādihiṃstrānsantrāsayatvīśadhanuḥ pinākam || 26||

दुःस्वप्नदुःशकुनदुर्गतिदौर्मनस्यदुर्भिक्षदुर्व्यस नदुःसहदुर्यशांसि ।उत्पाततापविषभीतिमसद्ग्रहार्तिव्याधींश्च नाशयतु मे जगतामधीशः ॥ २७॥

duḥsvapnaduḥśakunadurgatidaurmanasyadurbhikṣadurvyasa naduḥsahaduryaśāṃsi |utpātatāpaviṣabhītimasadgrahārtivyādhīṃśca nāśayatu me jagatāmadhīśaḥ || 27||

ॐ नमो भगवते सदाशिवाय सकलतत्त्वात्मकायसकलतत्त्वविहाराय सकललोकैककर्त्रे सकललोकैकभर्त्रेसकललोककैकहर्त्रे सकललोककैकगुरवे सकललोकैकसाक्षिणेसकलनिगमगुह्याय सकलवरप्रदाय सकलदुरितार्तिभञ्जनायसकलजगदभयङ्काराय सकललोकैकशङ्कराय शशाङ्कशेखरायशाश्वतनिजाभासाय निर्गुणाय निरुपमाय नीरूपाय निराभासायनिराममाय निष्प्रपञ्चाय निष्कलङ्काय निर्द्वन्द्वाय निःसङ्गायनिर्मलाय निर्गमाय नित्यरूपविभवाय निरुपमविभवाय निराधारायनित्यशुद्धबुद्धपरिपूर्णसच्चिदानन्दाद्वयाय परमशान्तप्रकाशतेजोरूपायजयजय महारुद्र महारौद्र भद्रावतार दुःखदावदारणमहाभैरव कालभैरव कल्पान्तभैरव कपालमालाधरखट्वाङ्गखड्गचर्मपाशाङ्कुशडमरुशूलचापबाणगदाशक्तिभिण्डिपालवर् भिन्दितोमरमुसलमुद्गरपट्टिशपरशुपरिघभुशुण्डीशतघ्नीचक्राद्यायुधभीषणकरसहस्र मुखदंष्ट्राकरालविकटाट्टहासविस्फारितब्रह्माण्डमण्डल नागेन्द्रकुण्डल नागेन्द्रहारनागेन्द्रवलय नागेन्द्रचर्मधर मृत्युञ्जय त्र्यम्बकत्रिपुरान्तक विरूपाक्ष विश्वेश्वर विश्वरूप वृषभवाहनविषभूषण विश्वतोमुख सर्वतो रक्ष रक्ष मां ज्वलज्वलमहामृत्युभयमपमृत्युभयं नाशयनाशयरोगभयमुत्सादयोत्सादय विषसर्पभयंशमयशमय चोरभयं मारयमारय मम शत्रूनुच्चाटयोच्चाटयशूलेन विदारय विदारय कुठारेण भिन्धिभिन्धिखड्गेन छिन्धिछिन्धि खट्वाङ्गेन विपोथय विपोथयमुसलेन निष्पेषयनिष्पेषय बाणैः सन्ताडयसन्ताडय रक्षांसि भीषयभीषय भूतानि विद्रावयविद्रावयकूष्माण्डवेतालमारीगणब्रह्मराक्षसान्सन्त्रासयसन्त्रासय मामभयंकुरुकुरु वित्रस्तं मामाश्वासयाश्वासय नरकभयान्मामुद्धारयोद्धारयसञ्जीवयसञ्जीवय क्षुतृड्भ्यां मामाप्याययाप्यायय दुःखातुरंमामानन्दयानन्दय शिवकवचेन मामाच्छादयाच्छादयत्र्यम्बक सदाशिव नमस्ते नमस्ते नमस्ते ।पूर्ववत् हृद्यादि न्यासः । पञ्चपूजा ॥भूर्भुवस्सुवरोमिति दिग्विमिकः ॥फलश्रुतिः ।ऋषभ उवाच ।इत्येतत्कवचं शैवं वरदं व्याहृतं मया ।सर्वबाधाप्रशमनं रहस्यं सर्वदेहिनाम् ॥ २८॥

oṃ namo bhagavate sadāśivāya sakalatattvātmakāyasakalatattvavihārāya sakalalokaikakartre sakalalokaikabhartresakalalokakaikahartre sakalalokakaikagurave sakalalokaikasākṣiṇesakalanigamaguhyāya sakalavarapradāya sakaladuritārtibhañjanāyasakalajagadabhayaṅkārāya sakalalokaikaśaṅkarāya śaśāṅkaśekharāyaśāśvatanijābhāsāya nirguṇāya nirupamāya nīrūpāya nirābhāsāyanirāmamāya niṣprapañcāya niṣkalaṅkāya nirdvandvāya niḥsaṅgāyanirmalāya nirgamāya nityarūpavibhavāya nirupamavibhavāya nirādhārāyanityaśuddhabuddhaparipūrṇasaccidānandādvayāya paramaśāntaprakāśatejorūpāyajayajaya mahārudra mahāraudra bhadrāvatāra duḥkhadāvadāraṇamahābhairava kālabhairava kalpāntabhairava kapālamālādharakhaṭvāṅgakhaḍgacarmapāśāṅkuśaḍamaruśūlacāpabāṇagadāśaktibhiṇḍipālavar bhinditomaramusalamudgarapaṭṭiśaparaśuparighabhuśuṇḍīśataghnīcakrādyāyudhabhīṣaṇakarasahasra mukhadaṃṣṭrākarālavikaṭāṭṭahāsavisphāritabrahmāṇḍamaṇḍala nāgendrakuṇḍala nāgendrahāranāgendravalaya nāgendracarmadhara mṛtyuñjaya tryambakatripurāntaka virūpākṣa viśveśvara viśvarūpa vṛṣabhavāhanaviṣabhūṣaṇa viśvatomukha sarvato rakṣa rakṣa māṃ jvalajvalamahāmṛtyubhayamapamṛtyubhayaṃ nāśayanāśayarogabhayamutsādayotsādaya viṣasarpabhayaṃśamayaśamaya corabhayaṃ mārayamāraya mama śatrūnuccāṭayoccāṭayaśūlena vidāraya vidāraya kuṭhāreṇa bhindhibhindhikhaḍgena chindhichindhi khaṭvāṅgena vipothaya vipothayamusalena niṣpeṣayaniṣpeṣaya bāṇaiḥ santāḍayasantāḍaya rakṣāṃsi bhīṣayabhīṣaya bhūtāni vidrāvayavidrāvayakūṣmāṇḍavetālamārīgaṇabrahmarākṣasānsantrāsayasantrāsaya māmabhayaṃkurukuru vitrastaṃ māmāśvāsayāśvāsaya narakabhayānmāmuddhārayoddhārayasañjīvayasañjīvaya kṣutṛḍbhyāṃ māmāpyāyayāpyāyaya duḥkhāturaṃmāmānandayānandaya śivakavacena māmācchādayācchādayatryambaka sadāśiva namaste namaste namaste |pūrvavat hṛdyādi nyāsaḥ | pañcapūjā ||bhūrbhuvassuvaromiti digvimikaḥ ||phalaśrutiḥ |ṛṣabha uvāca |ityetatkavacaṃ śaivaṃ varadaṃ vyāhṛtaṃ mayā |sarvabādhāpraśamanaṃ rahasyaṃ sarvadehinām || 28||

यः सदा धारयेन्मर्त्यः शैवं कवचमुत्तमम् ।न तस्य जायते क्वापि भयं शम्भोरनुग्रहात् ॥ २९॥

yaḥ sadā dhārayenmartyaḥ śaivaṃ kavacamuttamam |na tasya jāyate kvāpi bhayaṃ śambhoranugrahāt || 29||

क्षीणायुर्मृत्युमापन्नो महारोगहतोऽपि वा ।सद्यः सुखमवाप्नोति दीर्घमायुश्च विन्दति ॥ ३०॥

kṣīṇāyurmṛtyumāpanno mahārogahato'pi vā |sadyaḥ sukhamavāpnoti dīrghamāyuśca vindati || 30||

सर्वदारिद्र्यशमनं सौमङ्गल्यविवर्धनम् ।यो धत्ते कवचं शैवं स देवैरपि पूज्यते ॥ ३१॥

sarvadāridryaśamanaṃ saumaṅgalyavivardhanam |yo dhatte kavacaṃ śaivaṃ sa devairapi pūjyate || 31||

महापातकसङ्घातैर्मुच्यते चोपपातकैः ।देहान्ते शिवमाप्नोति शिववर्मानुभावतः ॥ ३२॥

mahāpātakasaṅghātairmucyate copapātakaiḥ |dehānte śivamāpnoti śivavarmānubhāvataḥ || 32||

त्वमपि श्रद्धया वत्स शैवं कवचमुत्तमम् ।धारयस्व मया दत्तं सद्यः श्रेयो ह्यवाप्स्यसि ॥ ३३॥

tvamapi śraddhayā vatsa śaivaṃ kavacamuttamam |dhārayasva mayā dattaṃ sadyaḥ śreyo hyavāpsyasi || 33||

सूत उवाच ।इत्युक्त्वा ऋषभो योगी तस्मै पार्थिवसूनवे ।ददौ शङ्खं महारावं खड्गं चारिनिषूदनम् ॥ ३४॥

sūta uvāca |ityuktvā ṛṣabho yogī tasmai pārthivasūnave |dadau śaṅkhaṃ mahārāvaṃ khaḍgaṃ cāriniṣūdanam || 34||

पुनश्च भस्म संमन्त्र्य तदङ्गं सर्वतोऽस्पृशत् ।गजानां षट्सहस्रस्य द्विगुणं च बलं ददौ ॥ ८॥

punaśca bhasma saṃmantrya tadaṅgaṃ sarvato'spṛśat |gajānāṃ ṣaṭsahasrasya dviguṇaṃ ca balaṃ dadau || 8||

भस्मप्रभावात्सम्प्राप्य बलैश्वर्यधृतिस्मृतीः ।स राजपुत्रः शुशुभे शरदर्क इव श्रिया ॥ ९॥

bhasmaprabhāvātsamprāpya balaiśvaryadhṛtismṛtīḥ |sa rājaputraḥ śuśubhe śaradarka iva śriyā || 9||

तमाह प्राञ्जलिं भूयः स योगी राजनन्दनम् ।एष खड्गो मया दत्तस्तपोमन्त्रानुभावतः ॥ १०॥

tamāha prāñjaliṃ bhūyaḥ sa yogī rājanandanam |eṣa khaḍgo mayā dattastapomantrānubhāvataḥ || 10||

शितधारमिमं खड्गं यस्मै दर्शयसि स्फुटम् ।स सद्यो म्रियते शत्रुः साक्षान्मृत्युरपि स्वयम् ॥ ११॥

śitadhāramimaṃ khaḍgaṃ yasmai darśayasi sphuṭam |sa sadyo mriyate śatruḥ sākṣānmṛtyurapi svayam || 11||

अस्य शङ्खस्य निह्रादं ये शृण्वन्ति तवाहिताः ।ते मूर्च्छिताः पतिष्यन्ति न्यस्तशस्त्रा विचेतनाः ॥ १२॥

asya śaṅkhasya nihrādaṃ ye śṛṇvanti tavāhitāḥ |te mūrcchitāḥ patiṣyanti nyastaśastrā vicetanāḥ || 12||

खड्गशङ्खाविमौ दिव्यौ परसैन्यविनाशिनौ ।आत्मसैन्यस्वपक्षाणां शौर्यतेजोविवर्धनौ ॥ १३॥

khaḍgaśaṅkhāvimau divyau parasainyavināśinau |ātmasainyasvapakṣāṇāṃ śauryatejovivardhanau || 13||

एतयोश्च प्रभावेन शैवेन कवचेन च ।द्विषट्सहस्रनागानां बलेन महतापि च ॥ १४॥

etayośca prabhāvena śaivena kavacena ca |dviṣaṭsahasranāgānāṃ balena mahatāpi ca || 14||

भस्मधारणसामर्थ्याच्छत्रुसैन्यं विजेष्यसि ।प्राप्य सिंहासनं पैत्र्यं गोप्ताऽसि पृथिवीमिमाम् ॥ ४२॥

bhasmadhāraṇasāmarthyācchatrusainyaṃ vijeṣyasi |prāpya siṃhāsanaṃ paitryaṃ goptā'si pṛthivīmimām || 42||

इति भद्रायुषं सम्यगनुशास्य समातृकम् ।ताभ्यां सम्पूजितः सोऽथ योगी स्वैरगतिर्ययौ ॥ ४३॥

iti bhadrāyuṣaṃ samyaganuśāsya samātṛkam |tābhyāṃ sampūjitaḥ so'tha yogī svairagatiryayau || 43||

इति श्रीस्कान्दे महापुराणे एकाशीतिसाहस्र्यां संहितायां तृतीयेब्रह्मोत्तरखण्डे सीमन्तिनीमाहात्म्ये भद्रायूपाख्यानेशिवकवचकथनं नाम द्वादशोऽध्यायः ।करन्यासःओं सदाशिवाय अङ्गुष्ठाभ्यां नमः ।नं गङ्गाधराय तर्जनीभ्यां नमः ।मं मृत्युञ्जयाय मध्यमाभ्यां नमः ।शिं शूलपाणये अनामिकाभ्यां नमः ।वां पिनाकपाणये कनिष्ठिकाभ्यां नमः ।यं उमापतये करतलकरपृष्ठाभ्यां नमः ।हृदयादि अङ्गन्यासःओं सदाशिवाय हृदयाय नमः ।नं गङ्गाधराय शिरसे स्वाहा ।मं मृत्युञ्जयाय शिखायै वषट् ।शिं शूलपाणये कवचाय हुम् ।वां पिनाकपाणये नेत्रत्रयाय वौषट् ।यं उमापतये अस्त्राय फट् ।भूर्भुवस्सुवरोमिति दिग्बन्धः ॥पञ्चपूजालं पृथिव्यात्मने गन्धं समर्पयामि ।हं आकाशात्मने पुष्पैः पूजयामि ।यं वाय्वात्मने धूपम् आघ्रापयामि ।रं अग्न्यात्मने दीपं दर्शयामि ।वं अमृतात्मने अमृतं महानैवेद्यं निवेदयामि ।सं सर्वात्मने सर्वोपचारपूजां समर्पयामि ॥

iti śrīskānde mahāpurāṇe ekāśītisāhasryāṃ saṃhitāyāṃ tṛtīyebrahmottarakhaṇḍe sīmantinīmāhātmye bhadrāyūpākhyāneśivakavacakathanaṃ nāma dvādaśo'dhyāyaḥ |karanyāsaḥoṃ sadāśivāya aṅguṣṭhābhyāṃ namaḥ |naṃ gaṅgādharāya tarjanībhyāṃ namaḥ |maṃ mṛtyuñjayāya madhyamābhyāṃ namaḥ |śiṃ śūlapāṇaye anāmikābhyāṃ namaḥ |vāṃ pinākapāṇaye kaniṣṭhikābhyāṃ namaḥ |yaṃ umāpataye karatalakarapṛṣṭhābhyāṃ namaḥ |hṛdayādi aṅganyāsaḥoṃ sadāśivāya hṛdayāya namaḥ |naṃ gaṅgādharāya śirase svāhā |maṃ mṛtyuñjayāya śikhāyai vaṣaṭ |śiṃ śūlapāṇaye kavacāya hum |vāṃ pinākapāṇaye netratrayāya vauṣaṭ |yaṃ umāpataye astrāya phaṭ |bhūrbhuvassuvaromiti digbandhaḥ ||pañcapūjālaṃ pṛthivyātmane gandhaṃ samarpayāmi |haṃ ākāśātmane puṣpaiḥ pūjayāmi |yaṃ vāyvātmane dhūpam āghrāpayāmi |raṃ agnyātmane dīpaṃ darśayāmi |vaṃ amṛtātmane amṛtaṃ mahānaivedyaṃ nivedayāmi |saṃ sarvātmane sarvopacārapūjāṃ samarpayāmi ||