शिवस्तुतिः देवसङ्घकृता Shiva Stuti by Devasangha

कान्तं कारणकारणं करलसत्कल्याणभूभृद्धनुःकर्पूराभकलेवरं क्रतुपतिं कारुण्यसाराकरम् ।कामारातिमकामिनां सुकृतिनां कैवल्यदं कामदंसम्प्राप्ताः शरणं कलानिधिकलाराजज्जटं शङ्करम् ॥ १॥

kāntaṃ kāraṇakāraṇaṃ karalasatkalyāṇabhūbhṛddhanuḥkarpūrābhakalevaraṃ kratupatiṃ kāruṇyasārākaram |kāmārātimakāmināṃ sukṛtināṃ kaivalyadaṃ kāmadaṃsamprāptāḥ śaraṇaṃ kalānidhikalārājajjaṭaṃ śaṅkaram || 1||

खद्योतेद्वग्निनेत्रं शतमखमुखखेचारखातोत्तमाङ्गंखर्वं खर्वादखर्वं जगति तु विदिताद्वस्तुनो खर्वोऽपि ।खण्डेनेन्दोः कपर्दे खचितमजमुखस्तुत्यमाखुप्रियेष्टंखेदोत्खाताय प्राप्ता नखदलितककं खण्डिताखण्डलारिम् ॥ २॥

khadyotedvagninetraṃ śatamakhamukhakhecārakhātottamāṅgaṃkharvaṃ kharvādakharvaṃ jagati tu viditādvastuno kharvo'pi |khaṇḍenendoḥ kaparde khacitamajamukhastutyamākhupriyeṣṭaṃkhedotkhātāya prāptā nakhadalitakakaṃ khaṇḍitākhaṇḍalārim || 2||

गोनेत्रं गोशयेड्यं गगनमयतनुं नित्यगोमौलिगम्यंगोराशिं गोधिगोधिं सकलगुरुगुरं गोजगोपत्रगोपम् ।गोवश्यं गोगुणाढ्यं गणगणसहितं गोधरेद्गासहायंगोजाये गोजभूषं गलगिलितविषं गोभिराभिः स्तुमोऽद्यम् ॥ ३॥

gonetraṃ gośayeḍyaṃ gaganamayatanuṃ nityagomauligamyaṃgorāśiṃ godhigodhiṃ sakalaguruguraṃ gojagopatragopam |govaśyaṃ goguṇāḍhyaṃ gaṇagaṇasahitaṃ godharedgāsahāyaṃgojāye gojabhūṣaṃ galagilitaviṣaṃ gobhirābhiḥ stumo'dyam || 3||

घर्मान्ते दीर्घहस्ते घृणिभिरपघृणैः घर्मघृष्टैर्घनान्तेवायोर्घैर्दीर्घदीर्घैरनिशमपघनं क्लेशयन्तो नघेन्द्राः ।द्राधीयांसं तवाङ्घ्रिं घुसृणसमघृणिं कामघाति गृणामोदीर्घाघ्रातान्यघौघान्यपि विमलधियः शीघ्रमेव त्यजामः ॥ ४॥

gharmānte dīrghahaste ghṛṇibhirapaghṛṇaiḥ gharmaghṛṣṭairghanāntevāyorghairdīrghadīrghairaniśamapaghanaṃ kleśayanto naghendrāḥ |drādhīyāṃsaṃ tavāṅghriṃ ghusṛṇasamaghṛṇiṃ kāmaghāti gṛṇāmodīrghāghrātānyaghaughānyapi vimaladhiyaḥ śīghrameva tyajāmaḥ || 4||

चारुस्मेरमुखं चराचरविभुं चापीभवद्भूधरंचक्षुःश्रोत्रविभूषणं चलदृशां संश्लिष्टवामाङ्गकम् ।चित्ते चीरवसं चिदात्मकतया सञ्चिन्त्यमानं चिरंचेतोभूहरचक्षुषं चिरचितैः सञ्चिन्तयामः शिवम् ॥ ५॥

cārusmeramukhaṃ carācaravibhuṃ cāpībhavadbhūdharaṃcakṣuḥśrotravibhūṣaṇaṃ caladṛśāṃ saṃśliṣṭavāmāṅgakam |citte cīravasaṃ cidātmakatayā sañcintyamānaṃ ciraṃcetobhūharacakṣuṣaṃ ciracitaiḥ sañcintayāmaḥ śivam || 5||

गच्छामो बहुबिल्वसंवृतवनं तत्राच्छकुण्डे पयःस्नास्यामोऽद्य वसन्तसूरकिरणैः सन्तप्तगात्रा वयम् ।रुद्राक्षैः शितभस्मपूरनिकरैरुद्धूलयामस्तनुंयास्यामोऽद्य सुनिर्वृतिं शिव महादेवेति सङ्कीर्तनैः ॥ ६॥

gacchāmo bahubilvasaṃvṛtavanaṃ tatrācchakuṇḍe payaḥsnāsyāmo'dya vasantasūrakiraṇaiḥ santaptagātrā vayam |rudrākṣaiḥ śitabhasmapūranikarairuddhūlayāmastanuṃyāsyāmo'dya sunirvṛtiṃ śiva mahādeveti saṅkīrtanaiḥ || 6||

॥ इति शिवरहस्यान्तर्गते देवसङ्घकृता शिवस्तुतिः सम्पूर्णा ॥॥ श्रीशिवरहस्यम् । भर्गाख्यः पञ्चमांशः । अध्यायः ७। ५६६१॥

|| iti śivarahasyāntargate devasaṅghakṛtā śivastutiḥ sampūrṇā |||| śrīśivarahasyam | bhargākhyaḥ pañcamāṃśaḥ | adhyāyaḥ 7| 5661||

– ॥ श्रीशिवरहस्यम् ।भर्गाख्यः पन्चमांशः ।अध्यायः ७। ५६-६१॥

– || śrīśivarahasyam |bhargākhyaḥ pancamāṃśaḥ |adhyāyaḥ 7| 56-61||