शिवस्तुतिः देवाः एवं नन्दिकेशविरचिता Shiva Stuti by Devah and Nandikesha

देवाःजगदुद्भवनाशसंस्थितिप्रलयापारगभीरसागरम् ।भगवंस्तव भक्तिभावना परपारं समुनर्तुमिच्छवः ॥ ८॥

devāḥjagadudbhavanāśasaṃsthitipralayāpāragabhīrasāgaram |bhagavaṃstava bhaktibhāvanā parapāraṃ samunartumicchavaḥ || 8||

कनिष्ठं वरिष्ठं तथा ज्येष्ठमीशंगरिष्ठं वसिष्ठादिसम्पूजिताङ्घ्रिम् ।विशिष्टं सुगणां विशिष्टेषु पूज्यंनताः स्मो नताः स्मो नताः स्मो नताः स्मः ॥ ९॥

kaniṣṭhaṃ variṣṭhaṃ tathā jyeṣṭhamīśaṃgariṣṭhaṃ vasiṣṭhādisampūjitāṅghrim |viśiṣṭaṃ sugaṇāṃ viśiṣṭeṣu pūjyaṃnatāḥ smo natāḥ smo natāḥ smo natāḥ smaḥ || 9||

नन्दिकेशःशम्भो चन्द्रललाम सोम भगवन् विश्वेश विश्वाधिकब्रध्नेन्दुस्फुरदाश्रयाशनयनापारव्यथं संहर ।श्रीमृत्युञ्जय वेदवेद्य भवतः पादारविन्दं सदाध्यायं ध्यायमघं हरामि सततं त्वल्लिङ्गसम्पूजनात् ॥ १२॥

nandikeśaḥśambho candralalāma soma bhagavan viśveśa viśvādhikabradhnendusphuradāśrayāśanayanāpāravyathaṃ saṃhara |śrīmṛtyuñjaya vedavedya bhavataḥ pādāravindaṃ sadādhyāyaṃ dhyāyamaghaṃ harāmi satataṃ tvalliṅgasampūjanāt || 12||

पायं ज्ञानमपायपानरहितो ध्यायं त्वदीयं पदंहायं दुःखमशेषसंसृतिभवं त्वद्भक्तसंसेवनात् ।त्वत्तोऽन्यामरपूजनं च भगवन् नायं ह्युपायक्रमःकायं प्राप्य विमुक्तये हि यतते भूयस्त्वया प्रेरितः ॥ १३॥

pāyaṃ jñānamapāyapānarahito dhyāyaṃ tvadīyaṃ padaṃhāyaṃ duḥkhamaśeṣasaṃsṛtibhavaṃ tvadbhaktasaṃsevanāt |tvatto'nyāmarapūjanaṃ ca bhagavan nāyaṃ hyupāyakramaḥkāyaṃ prāpya vimuktaye hi yatate bhūyastvayā preritaḥ || 13||

॥ इति शिवरहस्यान्तर्गते देवाः एवं नन्दिकेश विरचिता शिवस्तुतिः सम्पूर्णा ॥॥ श्रीशिवरहस्यम् । भर्गाख्यः पञ्चमांशः । अध्यायः ८। ८१३॥

|| iti śivarahasyāntargate devāḥ evaṃ nandikeśa viracitā śivastutiḥ sampūrṇā |||| śrīśivarahasyam | bhargākhyaḥ pañcamāṃśaḥ | adhyāyaḥ 8| 813||

– ॥ श्रीशिवरहस्यम् ।भर्गाख्यः पन्चमांशः ।अध्यायः ८। ८-१३॥

– || śrīśivarahasyam |bhargākhyaḥ pancamāṃśaḥ |adhyāyaḥ 8| 8-13||