शिवसहस्रनामस्तोत्रम् (शिवरहस्यान्तर्गतम् पञ्चमांशे अध्यायः ४० ॐकारनिलयात्मस्थः ॐकारार्थैकवाचकः) Shiva Sahasranama Stotram from Shivarahasya

(शिवरहस्यान्तर्गते भर्गाख्ये पञ्चमांशेशिवगौरीसंवादे चत्वारिंशोऽध्यायः ॥)देवीश्रुतं सुदर्शनाख्यानं त्वत्तो विस्मापनं मम ।प्रदोषे पापिना तेन दृष्टश्चान्यार्चितः शिवः ॥ १॥

(śivarahasyāntargate bhargākhye pañcamāṃśeśivagaurīsaṃvāde catvāriṃśo'dhyāyaḥ ||)devīśrutaṃ sudarśanākhyānaṃ tvatto vismāpanaṃ mama |pradoṣe pāpinā tena dṛṣṭaścānyārcitaḥ śivaḥ || 1||

शेषेण नामसाहस्रैस्त्वं स्तुतः कथमीश्वर ।त्वन्नाम्नां श्रवणेच्छा मे भूयसी भवति प्रभो ॥ २॥

śeṣeṇa nāmasāhasraistvaṃ stutaḥ kathamīśvara |tvannāmnāṃ śravaṇecchā me bhūyasī bhavati prabho || 2||

सूतःतस्मिन्कैलासशिखरे सुखासीनं महेश्वरम् ।प्रणम्य प्रार्थयामास सा देवी जगदम्बिका ॥ ३॥

sūtaḥtasminkailāsaśikhare sukhāsīnaṃ maheśvaram |praṇamya prārthayāmāsa sā devī jagadambikā || 3||

तदा देव्या महादेवः प्रार्थितः सर्वकामदः ।भवो भवानीमाहेत्थं सर्वपापप्रणाशकम् ॥ ४॥

tadā devyā mahādevaḥ prārthitaḥ sarvakāmadaḥ |bhavo bhavānīmāhetthaṃ sarvapāpapraṇāśakam || 4||

फणीशो मुखसाहस्रैर्यानि नामानि चोक्तवान् ।तानि वः सम्प्रवक्ष्यामि यथा मम गुरोः श्रुतम् ॥ ५॥

phaṇīśo mukhasāhasrairyāni nāmāni coktavān |tāni vaḥ sampravakṣyāmi yathā mama guroḥ śrutam || 5||

ईश्वरःऋषिः छन्दो दैवतं च तान्यहं क्रमशोऽम्बिके ।सहस्रनाम्नां पुण्यं मे फणीन्द्रः कृतवानुमे ॥ ६॥

īśvaraḥṛṣiḥ chando daivataṃ ca tānyahaṃ kramaśo'mbike |sahasranāmnāṃ puṇyaṃ me phaṇīndraḥ kṛtavānume || 6||

ऋषिस्तस्य हि शेषोऽयं छन्दोऽनुष्टुप् प्रकीर्तितम् ।देवतास्याहमीशानि सर्वत्र विनियोजनम् ॥ ७॥

ṛṣistasya hi śeṣo'yaṃ chando'nuṣṭup prakīrtitam |devatāsyāhamīśāni sarvatra viniyojanam || 7||

ध्यानं ते कथयाम्यद्य शृणु त्वमगकन्यके ।कैलासे सुहिरण्यविष्टरवरे देव्या समालिङ्गितंनन्द्याद्यैर्गणैः सदा परिवृतं वन्दे शिवं सुन्दरम् ।भक्ताघौघनिकृन्तनैकपरशुं बिभ्राणमिन्दुप्रभंस्कन्दाद्यैर्गजवक्त्र(?) सेवितपदं ध्यायामि साम्बं सदा ॥ ८॥

dhyānaṃ te kathayāmyadya śṛṇu tvamagakanyake |kailāse suhiraṇyaviṣṭaravare devyā samāliṅgitaṃnandyādyairgaṇaiḥ sadā parivṛtaṃ vande śivaṃ sundaram |bhaktāghaughanikṛntanaikaparaśuṃ bibhrāṇaminduprabhaṃskandādyairgajavaktra(?) sevitapadaṃ dhyāyāmi sāmbaṃ sadā || 8||

एवं मामम्बिके ध्यात्वा नामानि प्रजपेत्ततः ।हृत्पद्मसद्मसंस्थं मां सर्वाभीष्टार्थसिद्धये ॥ ९॥

evaṃ māmambike dhyātvā nāmāni prajapettataḥ |hṛtpadmasadmasaṃsthaṃ māṃ sarvābhīṣṭārthasiddhaye || 9||

पुण्यकालेषु सर्वेषु सोमवारे विशेषतः ।बिल्वपत्रैः पङ्कजैश्च पुण्यनामानि शङ्करि ॥ १०॥

puṇyakāleṣu sarveṣu somavāre viśeṣataḥ |bilvapatraiḥ paṅkajaiśca puṇyanāmāni śaṅkari || 10||

पूजयेन्नामसाहस्रैः सर्वार्थप्राप्तये शिवे ।यो यं कामयते कामं तं तमाप्नोति शङ्करि ॥ ११॥

pūjayennāmasāhasraiḥ sarvārthaprāptaye śive |yo yaṃ kāmayate kāmaṃ taṃ tamāpnoti śaṅkari || 11||

धनार्थी लभते वित्तं कन्यार्थी कन्यकां तथा ।राज्यार्थी राज्यमाप्नोति मोक्षार्थी मोक्षमाप्नुयात् ॥ १२॥

dhanārthī labhate vittaṃ kanyārthī kanyakāṃ tathā |rājyārthī rājyamāpnoti mokṣārthī mokṣamāpnuyāt || 12||

शृणु देवि परं पुण्यं मातृकानामनुत्तमम् ।सहस्रं प्रजपेन्नित्यं धर्मकामार्थमोक्षभाक् ॥ १३॥

śṛṇu devi paraṃ puṇyaṃ mātṛkānāmanuttamam |sahasraṃ prajapennityaṃ dharmakāmārthamokṣabhāk || 13||

ईश्वरः(अथ सहस्रनामस्तोत्रम् ।)ॐ ॐकारनिलयात्मस्थः ॐकारार्थैकवाचकः ।ॐकारेशाकृतिरोमितिशब्दकृतस्तुतिः ॥ १४॥

īśvaraḥ(atha sahasranāmastotram |)oṃ oṃkāranilayātmasthaḥ oṃkārārthaikavācakaḥ |oṃkāreśākṛtiromitiśabdakṛtastutiḥ || 14||

ॐकारकुण्डनिलयलिङ्गपूजनपापहृत् ।नमिताशेषदेवादिर्नदीपुलितसंस्थितः ॥ १५॥

oṃkārakuṇḍanilayaliṅgapūjanapāpahṛt |namitāśeṣadevādirnadīpulitasaṃsthitaḥ || 15||

नन्दिवाद्यप्रियो नित्यो नामपारायणप्रियः ।महेन्द्रनिलयो मानी मानसान्तरपापभित् ॥ १६॥

nandivādyapriyo nityo nāmapārāyaṇapriyaḥ |mahendranilayo mānī mānasāntarapāpabhit || 16||

मयस्करो महायोगी मायाचक्रप्रवर्तकः ।शिवः शिवतरः शीतः शीतांशुकृतभूषणः ॥ १७॥

mayaskaro mahāyogī māyācakrapravartakaḥ |śivaḥ śivataraḥ śītaḥ śītāṃśukṛtabhūṣaṇaḥ || 17||

धनुःशरकरो ध्याता धर्माधर्मपरायणः ।आत्मा आतार्य आलाद्य अनङ्गशरखण्डनः ॥ १८॥

dhanuḥśarakaro dhyātā dharmādharmaparāyaṇaḥ |ātmā ātārya ālādya anaṅgaśarakhaṇḍanaḥ || 18||

ईशान ईड्य ईध्रयश्च इभमस्तकसंस्तुतः ।उमासंश्लिष्टवामाङ्ग उशीनरनृपार्चितः ॥ १९॥

īśāna īḍya īdhrayaśca ibhamastakasaṃstutaḥ |umāsaṃśliṣṭavāmāṅga uśīnaranṛpārcitaḥ || 19||

उदुम्बरफलप्रीत उमादिसुरपूजितः ।ऋजीषीकृतभूचक्रो रिपुप्रमथनोर्जितः ॥ २०॥

udumbaraphalaprīta umādisurapūjitaḥ |ṛjīṣīkṛtabhūcakro ripupramathanorjitaḥ || 20||

लिङ्गार्चकजनप्रीतो लिङ्गी लिङ्गसमप्रियः ।लिपिप्रियो बिन्दुहीनो लीलाकृतजगत्त्रयः ॥ २१॥

liṅgārcakajanaprīto liṅgī liṅgasamapriyaḥ |lipipriyo binduhīno līlākṛtajagattrayaḥ || 21||

ऐन्द्रीदिक्पतिसंयुक्त ऐश्वर्यादिफलप्रदः ।औत्तानपादपूज्याङ्घ्रिरौमादिसुरपूजितः ॥ २२॥

aindrīdikpatisaṃyukta aiśvaryādiphalapradaḥ |auttānapādapūjyāṅghriraumādisurapūjitaḥ || 22||

कल्याणाचलकोदण्डः कामितार्थफलप्रदः ।कस्तूरीतिलकप्रीतः कर्पूराभकलेवरः ॥ २३॥

kalyāṇācalakodaṇḍaḥ kāmitārthaphalapradaḥ |kastūrītilakaprītaḥ karpūrābhakalevaraḥ || 23||

करन्धमसुतप्रीतः कल्पादिपरिवर्जितः ।कल्पितानेकभूतादिः कलिकल्मषनाशनः ॥ २४॥

karandhamasutaprītaḥ kalpādiparivarjitaḥ |kalpitānekabhūtādiḥ kalikalmaṣanāśanaḥ || 24||

कमलाभलसन्नेत्रः कमलापतिपूजितः ।खगोल्कादित्यवरदः खञ्जरीटवरप्रदः ॥ २५॥

kamalābhalasannetraḥ kamalāpatipūjitaḥ |khagolkādityavaradaḥ khañjarīṭavarapradaḥ || 25||

खर्जूरवनमध्यस्थः खण्डिताखण्डलीकरः ।खगः खङ्गहरः खण्डः खगगः खाकृतिः खसः ॥ २६॥

kharjūravanamadhyasthaḥ khaṇḍitākhaṇḍalīkaraḥ |khagaḥ khaṅgaharaḥ khaṇḍaḥ khagagaḥ khākṛtiḥ khasaḥ || 26||

खण्डपर्शुः खण्डघनः खण्डितारातिमण्डलः ।गन्धर्वगणसुप्रीतो गन्धधृग्गर्वनाशकः ॥ २७॥

khaṇḍaparśuḥ khaṇḍaghanaḥ khaṇḍitārātimaṇḍalaḥ |gandharvagaṇasuprīto gandhadhṛggarvanāśakaḥ || 27||

गङ्गाधरो गोगणेशो गणेशवरपुत्रकः ।गतिदो गदहा गन्धी गन्धमाल्यवरार्चितः ॥ २८॥

gaṅgādharo gogaṇeśo gaṇeśavaraputrakaḥ |gatido gadahā gandhī gandhamālyavarārcitaḥ || 28||

गगनस्थो गणपतिर्गगनाभोगभूषणः ।घण्टाकर्णप्रियो घण्टी घटजस्तुतिसुप्रियः ॥ २९॥

gaganastho gaṇapatirgaganābhogabhūṣaṇaḥ |ghaṇṭākarṇapriyo ghaṇṭī ghaṭajastutisupriyaḥ || 29||

घोटकप्रियपुत्रश्च घर्मकालो घनाकृतिः ।घनवाहो घृताध्यक्षो घनघोषो घटेश्वरः ॥ ३०॥

ghoṭakapriyaputraśca gharmakālo ghanākṛtiḥ |ghanavāho ghṛtādhyakṣo ghanaghoṣo ghaṭeśvaraḥ || 30||

घटानादकरप्रीतो घटीभूतमहागिरिः ।चन्द्रचूडश्चन्द्रकरश्चन्दनार्द्रश्चतुष्पथः ॥ ३१॥

ghaṭānādakaraprīto ghaṭībhūtamahāgiriḥ |candracūḍaścandrakaraścandanārdraścatuṣpathaḥ || 31||

चमसोद्भेदमध्यस्थश्चण्डकोपश्चतुर्मुखः ।चक्षुःश्रोतमहाहारश्चण्डिकेशवरप्रदः ॥ ३२॥

camasodbhedamadhyasthaścaṇḍakopaścaturmukhaḥ |cakṣuḥśrotamahāhāraścaṇḍikeśavarapradaḥ || 32||

चेतोजन्महरश्चण्डश्चातुर्होत्रप्रियश्चरः ।चतुर्मुखमुखस्तुत्यश्चतुर्वेदश्चराचरः ॥ ३३॥

cetojanmaharaścaṇḍaścāturhotrapriyaścaraḥ |caturmukhamukhastutyaścaturvedaścarācaraḥ || 33||

चण्डभानुकरान्तःस्थश्चतुर्मूर्तिवपुःस्थितः ।छादितानेकलोकादिः छन्दसां गणमध्यगः ॥ ३४॥

caṇḍabhānukarāntaḥsthaścaturmūrtivapuḥsthitaḥ |chāditānekalokādiḥ chandasāṃ gaṇamadhyagaḥ || 34||

छत्रचामरशोभाढ्यः छन्दोगगतिदायकः ।जङ्गमाजङ्गमाकारो जगन्नाथो जगद्गतः ॥ ३५॥

chatracāmaraśobhāḍhyaḥ chandogagatidāyakaḥ |jaṅgamājaṅgamākāro jagannātho jagadgataḥ || 35||

जह्नुकन्याजटो जप्यो जेता जत्रुर्जनार्तिहा ।जम्भारातिर्जनप्रीतो जनको जनिकोविदः ॥ ३६॥

jahnukanyājaṭo japyo jetā jatrurjanārtihā |jambhārātirjanaprīto janako janikovidaḥ || 36||

जनार्दनार्दनो जामिजात्यादिपरिवर्जितः ।झणज्झणाङ्घ्रिजारावो झङ्कारोज्झितदुष्क्रियः ॥ ३७॥

janārdanārdano jāmijātyādiparivarjitaḥ |jhaṇajjhaṇāṅghrijārāvo jhaṅkārojjhitaduṣkriyaḥ || 37||

टङ्कप्रियष्टङ्कृतिकष्टङ्कभेदी टकारकः ।टादिवर्णप्रियष्ठान्तो ढक्कानादप्रियोरसः ॥ ३८॥

ṭaṅkapriyaṣṭaṅkṛtikaṣṭaṅkabhedī ṭakārakaḥ |ṭādivarṇapriyaṣṭhānto ḍhakkānādapriyorasaḥ || 38||

डामरीतन्त्रमध्यस्थो डमरुध्वनिशोभितः ।ढक्काध्वनिकृतानल्पबधिरीकृतदिङ्मुख ॥ ३९॥

ḍāmarītantramadhyastho ḍamarudhvaniśobhitaḥ |ḍhakkādhvanikṛtānalpabadhirīkṛtadiṅmukha || 39||

णकारो णणुकोत्थादिर्णान्तकृण्णतिमोचकः ।तस्करस्ताम्रकस्तार्क्ष्यस्तामसादिगुणोज्झितः ॥ ४०॥

ṇakāro ṇaṇukotthādirṇāntakṛṇṇatimocakaḥ |taskarastāmrakastārkṣyastāmasādiguṇojjhitaḥ || 40||

तरुमूलप्रियस्तातस्तमसान्नाशकस्तटः ।थानासुरहरः स्थाता स्थाणुः स्थानप्रियः स्थिरः ॥ ४१॥

tarumūlapriyastātastamasānnāśakastaṭaḥ |thānāsuraharaḥ sthātā sthāṇuḥ sthānapriyaḥ sthiraḥ || 41||

दाता दानपतिर्दान्तो दन्दशूकविभूषितः ।दर्शनीयो दीनदयो दण्डितारातिमण्डलः ॥ ४२॥

dātā dānapatirdānto dandaśūkavibhūṣitaḥ |darśanīyo dīnadayo daṇḍitārātimaṇḍalaḥ || 42||

दक्षयज्ञहरो देवो दानवारिर्दमोदयः ।दत्तात्रेयप्रियो दण्डी दाडिमीकुसुमप्रियः ॥ ४३॥

dakṣayajñaharo devo dānavārirdamodayaḥ |dattātreyapriyo daṇḍī dāḍimīkusumapriyaḥ || 43||

धाता धनाधिपसखो धनधान्यप्रदो धनम् ।धामप्रियोऽन्धसां नाथो धर्मवाहो धनुर्धरः ॥ ४४॥

dhātā dhanādhipasakho dhanadhānyaprado dhanam |dhāmapriyo'ndhasāṃ nātho dharmavāho dhanurdharaḥ || 44||

नमस्कारप्रियो नाथो नमिताशेषदुःखहृत् ।नन्दिप्रियो नर्मसखो नर्मदातीरसंस्थितः ॥ ४५॥

namaskārapriyo nātho namitāśeṣaduḥkhahṛt |nandipriyo narmasakho narmadātīrasaṃsthitaḥ || 45||

नन्दनो नमसामीशो नानारूपो नदीगतः ।नामप्रीतो नामरूपगुणकर्मविवर्जितः ॥ ४६॥

nandano namasāmīśo nānārūpo nadīgataḥ |nāmaprīto nāmarūpaguṇakarmavivarjitaḥ || 46||

पत्तीनां च पतिः पार्यः परमात्मा परात्परः ।पङ्कजासनपूज्याङ्घ्रिः पद्मनाभवरप्रदः ॥ ४७॥

pattīnāṃ ca patiḥ pāryaḥ paramātmā parātparaḥ |paṅkajāsanapūjyāṅghriḥ padmanābhavarapradaḥ || 47||

पन्नगाधिपसद्धारः पशूनाम्पतिर्पावकः ।पापहा पण्डितः पान्थो पादपोन्मथनः परः ॥ ४८॥

pannagādhipasaddhāraḥ paśūnāmpatirpāvakaḥ |pāpahā paṇḍitaḥ pāntho pādaponmathanaḥ paraḥ || 48||

फणीफणालसन्मौलिः फणिकङ्कणसत्करः ।फणितानेकवेदोक्तिः फणिमाणिक्यभूषितः ॥ ४९॥

phaṇīphaṇālasanmauliḥ phaṇikaṅkaṇasatkaraḥ |phaṇitānekavedoktiḥ phaṇimāṇikyabhūṣitaḥ || 49||

बन्धमोचनकृद्बन्धुर्बन्धुरालकशोभितः ।बली बलवताम्मुख्यो बलिपुत्रवरप्रदः ॥ ५०॥

bandhamocanakṛdbandhurbandhurālakaśobhitaḥ |balī balavatāmmukhyo baliputravarapradaḥ || 50||