कुम्भघोणक्षेत्रवर्णनम् सदाशिवप्रोक्तं Sadashivaproktam Kumbhaghonakshetravarnanam

(शिवरहस्यान्तर्गते उग्राख्ये)शिवपार्वतीसंवादेश्रीसदाशिवःकुम्भघोणाभिधं क्षेत्रमेकमस्ति वरानने ।तत्क्षेत्रे जन्ममात्रेण मुक्तिर्भवति शाश्वती ॥ १॥

(śivarahasyāntargate ugrākhye)śivapārvatīsaṃvādeśrīsadāśivaḥkumbhaghoṇābhidhaṃ kṣetramekamasti varānane |tatkṣetre janmamātreṇa muktirbhavati śāśvatī || 1||

तत्र सन्ति महाशैवाः कोटिशः कमलानने ।ते सर्वे सर्वभावेन सर्वदा मदुपासकाः ॥ २॥

tatra santi mahāśaivāḥ koṭiśaḥ kamalānane |te sarve sarvabhāvena sarvadā madupāsakāḥ || 2||

उद्धूल्य भस्मना ते तु सर्वेऽप्यापादमस्तकम् ।रुद्राक्षधारणं कृत्वा पूजयन्त्यनिशं च माम् ॥ ३॥

uddhūlya bhasmanā te tu sarve'pyāpādamastakam |rudrākṣadhāraṇaṃ kṛtvā pūjayantyaniśaṃ ca mām || 3||

सदाशिवेश शर्वेति शङ्करेति वदन्ति ते ।मन्नाम्ना चिह्निताः सर्वे सर्वेमद्रूपचिन्तकाः ॥ ४॥

sadāśiveśa śarveti śaṅkareti vadanti te |mannāmnā cihnitāḥ sarve sarvemadrūpacintakāḥ || 4||

अनन्यशरणास्ते तु मदेकशरणाः शिवे ।मन्नामजपसंसक्ता मच्चिन्ता मद्गतासवः ॥ ५॥

ananyaśaraṇāste tu madekaśaraṇāḥ śive |mannāmajapasaṃsaktā maccintā madgatāsavaḥ || 5||

कुम्भघोणा(कुम्भेश्वरा)भिधं लिङ्गं तत्र तिष्ठति शोभने ।तत्पूजामतियत्नेन ते कुर्वन्ति मदर्चकाः ॥ ६॥

kumbhaghoṇā(kumbheśvarā)bhidhaṃ liṅgaṃ tatra tiṣṭhati śobhane |tatpūjāmatiyatnena te kurvanti madarcakāḥ || 6||

सार्द्रा पादान्विता भूता यदा भवति शोभने ।तदा तल्लिङ्गपूजा या सा मुक्तिं सम्प्रयच्छति ॥ ७॥

sārdrā pādānvitā bhūtā yadā bhavati śobhane |tadā talliṅgapūjā yā sā muktiṃ samprayacchati || 7||

तदा सम्पूजिते लिङ्गे कुम्भघोणेश्वराभिधे ।सर्वान्कामानेकदैव प्राप्नुवन्ति शुभानने ॥ ८॥

tadā sampūjite liṅge kumbhaghoṇeśvarābhidhe |sarvānkāmānekadaiva prāpnuvanti śubhānane || 8||

॥ इति शिवरहस्यान्तर्गते सदाशिवप्रोक्तं कुम्भघोणक्षेत्रवर्णनं सम्पूर्णम् ॥॥ श्रीशिवरहस्यम् । उग्राख्यः सप्तमांशः । अध्यायः २६ कुम्भघोणमहिमानुवर्णनम् । १८॥

|| iti śivarahasyāntargate sadāśivaproktaṃ kumbhaghoṇakṣetravarṇanaṃ sampūrṇam |||| śrīśivarahasyam | ugrākhyaḥ saptamāṃśaḥ | adhyāyaḥ 26 kumbhaghoṇamahimānuvarṇanam | 18||

– ॥ श्रीशिवरहस्यम् ।उग्राख्यः सप्तमांशः ।अध्यायः २६ कुम्भघोणमहिमानुवर्णनम् ।१-८॥

– || śrīśivarahasyam |ugrākhyaḥ saptamāṃśaḥ |adhyāyaḥ 26 kumbhaghoṇamahimānuvarṇanam | 1-8||