शिवस्तवः Rishi Agastyakrita Shiva Stava

(शिवरहस्ये महामुनि अगस्त्यकृतं)पतिस्त्वं सर्वस्य श्रुतिशिरसि रुद्रस्य वचसानमोवाक्यैर्वक्ति प्रमथपतिभक्ताश्च नभसाम् ।वदत्येवं वेदो शिवहरभवाद्यैश्च वचनैः कथंत्वन्ये तुल्यां परमशिव शेषा हि विहिताः ॥ ३॥

(śivarahasye mahāmuni agastyakṛtaṃ)patistvaṃ sarvasya śrutiśirasi rudrasya vacasānamovākyairvakti pramathapatibhaktāśca nabhasām |vadatyevaṃ vedo śivaharabhavādyaiśca vacanaiḥ kathaṃtvanye tulyāṃ paramaśiva śeṣā hi vihitāḥ || 3||

यतो जाताः सर्वे विधिहरिहरेन्द्रार्कमरुतोदिशां नाथा रुद्रा गिरिनदिसमुद्रा ग्रहगणाः ।यमध्यास्ते विश्वं सुरनरवरं कर्म विविधंमहाभूतैश्चान्ते विलयति महेशे शिवतरे ॥ ४॥

yato jātāḥ sarve vidhihariharendrārkamarutodiśāṃ nāthā rudrā girinadisamudrā grahagaṇāḥ |yamadhyāste viśvaṃ suranaravaraṃ karma vividhaṃmahābhūtaiścānte vilayati maheśe śivatare || 4||

भुवनगगनसंस्थं कोशकाशं महेशंसिततरमृदुकायं कल्पितं वेदसङ्घैः ।दृढतरयमिचित्तच्छेदकोशैकगम्यंविलपनमधुराद्यैः सच्चिदानन्दशब्दैः ॥ ५॥

bhuvanagaganasaṃsthaṃ kośakāśaṃ maheśaṃsitataramṛdukāyaṃ kalpitaṃ vedasaṅghaiḥ |dṛḍhatarayamicittacchedakośaikagamyaṃvilapanamadhurādyaiḥ saccidānandaśabdaiḥ || 5||

अहमहमिति सर्वप्रत्ययात्मानमाराद्विमृशतकरुणानामज्ञमाने हि साम्यम् ॥ ६॥

ahamahamiti sarvapratyayātmānamārādvimṛśatakaruṇānāmajñamāne hi sāmyam || 6||

हिरण्यबाहुं सुहिरण्यसन्दृशं गूढं सदानन्दघनं महेशम् ।प्रियं प्रियाणां च सबाह्यमान्तरं तं व्योमकेशं परमं च कञ्च खम् ॥ ७॥

hiraṇyabāhuṃ suhiraṇyasandṛśaṃ gūḍhaṃ sadānandaghanaṃ maheśam |priyaṃ priyāṇāṃ ca sabāhyamāntaraṃ taṃ vyomakeśaṃ paramaṃ ca kañca kham || 7||

देवमीशमगजामनोहरं कार्यकारणपरम्पराततम् ।वृक्षबीजमिव वृक्षःविस्तरैरेक एव भगवान् बहुत्वधृक् ॥ ८॥

devamīśamagajāmanoharaṃ kāryakāraṇaparamparātatam |vṛkṣabījamiva vṛkṣaḥvistaraireka eva bhagavān bahutvadhṛk || 8||

अपारमीशानचरित्रमेतत्कथञ्च वर्णात्मकतामियान्मुने ।रूपावलोकेऽपि स रूपभाग्भवेद्यथा स्वभक्तैर्लक्षणं यथाब्धौ ॥ ९॥

apāramīśānacaritrametatkathañca varṇātmakatāmiyānmune |rūpāvaloke'pi sa rūpabhāgbhavedyathā svabhaktairlakṣaṇaṃ yathābdhau || 9||

॥ इति शिवरहस्यान्तर्गते शिवाख्ये अगस्त्येश्वरशिवस्तवः सम्पूर्णः ॥॥ श्रीशिवरहस्यम् । शिवाख्यः चतुर्थांशः । अध्यायः २१ । ३९॥

|| iti śivarahasyāntargate śivākhye agastyeśvaraśivastavaḥ sampūrṇaḥ |||| śrīśivarahasyam | śivākhyaḥ caturthāṃśaḥ | adhyāyaḥ 21 | 39||

– ॥ श्रीशिवरहस्यम् ।शिवाख्यः चतुर्थांशः ।अध्यायः २१ ।३-९॥

– || śrīśivarahasyam |śivākhyaḥ caturthāṃśaḥ |adhyāyaḥ 21 | 3-9||