शिवस्तोत्रम् (मयकृतं शिवपुराणान्तर्गतम् देवदेव महादेव भक्तवत्सल शङ्करः) Mayakritam Shiva Stotram

मय उवाच ।देवदेव महादेव भक्तवत्सल शङ्करः ।कल्पवृक्षस्वरूपोऽसि सर्वपक्षविवर्जितः ॥ ४॥

maya uvāca |devadeva mahādeva bhaktavatsala śaṅkaraḥ |kalpavṛkṣasvarūpo'si sarvapakṣavivarjitaḥ || 4||

ज्योतीरूपो नमस्तेऽस्तु विश्वरूप नमोऽस्तु ते ।नमः पूतात्मने तुभ्यं पावनाय नमो नमः ॥ ५॥

jyotīrūpo namaste'stu viśvarūpa namo'stu te |namaḥ pūtātmane tubhyaṃ pāvanāya namo namaḥ || 5||

चित्ररूपाय नित्याय रूपातीताय ते नमः ।दिव्यरूपाय दिव्याय सुदिव्याकृतये नमः ॥ ६॥

citrarūpāya nityāya rūpātītāya te namaḥ |divyarūpāya divyāya sudivyākṛtaye namaḥ || 6||

नमः प्रणतसर्वार्तिनाशकाय शिवात्मने ।कर्त्रे भर्त्रे च संहर्त्रे त्रिलोकानां नमो नमः ॥ ७॥

namaḥ praṇatasarvārtināśakāya śivātmane |kartre bhartre ca saṃhartre trilokānāṃ namo namaḥ || 7||

भक्तिगम्याय भक्तानां नमस्तुभ्यं कृपालवे ।तपस्सत्फलदात्रे ते शिवाकान्त शिवेश्वर ॥ ८॥

bhaktigamyāya bhaktānāṃ namastubhyaṃ kṛpālave |tapassatphaladātre te śivākānta śiveśvara || 8||

न जानामि स्तुतिं कर्तुं स्तुतिप्रिय परेश्वर ।प्रसन्नो भव सर्वेश पाहि मां शरणागतम् ॥ ९॥

na jānāmi stutiṃ kartuṃ stutipriya pareśvara |prasanno bhava sarveśa pāhi māṃ śaraṇāgatam || 9||

इति शिवपुराणे रुद्रसंहितायां युद्धखण्डेद्वादशाध्यायान्तर्गतं मयकृतं शिवस्तोत्रंसमाप्तम् ।शिवपुराण । रुद्रसंहिता । युद्धखण्ड । अध्याय १२/४९॥शिवपुराण । रुद्रसंहिता । युद्धखण्ड । अध्याय १२/४-९॥

iti śivapurāṇe rudrasaṃhitāyāṃ yuddhakhaṇḍedvādaśādhyāyāntargataṃ mayakṛtaṃ śivastotraṃsamāptam |śivapurāṇa | rudrasaṃhitā | yuddhakhaṇḍa | adhyāya 12/49||śivapurāṇa | rudrasaṃhitā | yuddhakhaṇḍa | adhyāya 12/4-9||