शिवस्तोत्रम् (कश्यपकृतं २ ब्रह्मपुराणान्तर्गतम् पाहि शङ्कर देवेश पाहि लोकनमस्कृत) Kashyapakritam 2 Shiva Stotram

कश्यप उवाच ।पाहि शङ्कर देवेश पाहि लोकनमस्कृत ।पाहि पावन वागीश पाहि पन्नगभूषण ॥ ९४॥

kaśyapa uvāca |pāhi śaṅkara deveśa pāhi lokanamaskṛta |pāhi pāvana vāgīśa pāhi pannagabhūṣaṇa || 94||

पाहि धर्म वृषारूढ पाहि वेदत्रयेक्षण ।पाहि गोधरलक्ष्मीश पाहि शर्व गजाम्बर ॥ ९५॥

pāhi dharma vṛṣārūḍha pāhi vedatrayekṣaṇa |pāhi godharalakṣmīśa pāhi śarva gajāmbara || 95||

पाहि त्रिपुरहन्नाथ पाहि सोमार्धभूषण ।पाहि यज्ञेश सोमेश पाह्यभीष्टप्रदायक ॥ ९६॥

pāhi tripurahannātha pāhi somārdhabhūṣaṇa |pāhi yajñeśa someśa pāhyabhīṣṭapradāyaka || 96||

पाहि कारुण्यनिलय पाहि मङ्गलदायक ।पाहि प्रभव सर्वस्य पाहि पालक वासव ॥ ९७॥

pāhi kāruṇyanilaya pāhi maṅgaladāyaka |pāhi prabhava sarvasya pāhi pālaka vāsava || 97||

पाहि भास्कर वित्तेश पाहि ब्रह्मनमस्कृत ।पाहि विश्वेश सिद्धेश पाहि पूर्ण नमोऽस्तु ते ॥ ९८॥

pāhi bhāskara vitteśa pāhi brahmanamaskṛta |pāhi viśveśa siddheśa pāhi pūrṇa namo'stu te || 98||

घोरसंसारकान्तारसञ्चारोद्विग्नचेतसाम् ।शरीरिणां कृपासिन्धो त्वमेव शरणं शिव ॥ ९९॥

ghorasaṃsārakāntārasañcārodvignacetasām |śarīriṇāṃ kṛpāsindho tvameva śaraṇaṃ śiva || 99||

एवं संस्तुवतस्तस्य पुरतोऽभूद्वृषध्वजः ।वरेण च्छन्दयामास कश्यपं तं प्रजापतिम् ॥ १००॥

evaṃ saṃstuvatastasya purato'bhūdvṛṣadhvajaḥ |vareṇa cchandayāmāsa kaśyapaṃ taṃ prajāpatim || 100||

इति ब्रह्मपुराणे चतुर्विंशाधिकशततमाध्यायान्तर्गतंकश्यपकृतं शिवस्तोत्रं समाप्तम् ।ब्रह्मपुराण । अध्याय १२४/९४९९॥ब्रह्मपुराण । अध्याय १२४/९४-९९॥

iti brahmapurāṇe caturviṃśādhikaśatatamādhyāyāntargataṃkaśyapakṛtaṃ śivastotraṃ samāptam |brahmapurāṇa | adhyāya 124/9499||brahmapurāṇa | adhyāya 124/94-99||