शिवार्चनोपदेशम् प्रतिमासे ईश्वरप्रोक्तं Ishvaraproktam Pratimase Shivarchanopadesham

(शिवरहस्यान्तर्गते महादेवाख्ये)शिवगौरीसंवादेईश्वर उवाच ।प्रतिमासं विशेषं च शिवपूजाविधिं शृणु ।यत्कृत्वा सर्वपापेभ्यो मुच्यते नात्र संशयः ॥ ९॥

(śivarahasyāntargate mahādevākhye)śivagaurīsaṃvādeīśvara uvāca |pratimāsaṃ viśeṣaṃ ca śivapūjāvidhiṃ śṛṇu |yatkṛtvā sarvapāpebhyo mucyate nātra saṃśayaḥ || 9||

पद्मरागोद्भवं चैत्रे पूजयेल्लिङ्गमैश्वरम् ।वैशाखे वज्रलिङ्गं च ज्येष्ठे मरतकोद्भवम् ॥ १०॥

padmarāgodbhavaṃ caitre pūjayelliṅgamaiśvaram |vaiśākhe vajraliṅgaṃ ca jyeṣṭhe maratakodbhavam || 10||

आषाढे मौक्तिकं विद्यात् श्रावणे नीलनिर्मितम् ।मासि भाद्रपदे गौरि गोमेदमणिकक्षितं (कल्पितम्) ॥ ११॥

āṣāḍhe mauktikaṃ vidyāt śrāvaṇe nīlanirmitam |māsi bhādrapade gauri gomedamaṇikakṣitaṃ (kalpitam) || 11||

आश्वयुज्यां च विधिवत् माणिक्योद्भवमुत्तमम् ।कार्तिक्यां वैद्रुमं लिङ्गं वैडूर्यं मार्गशीर्षके ॥ १२॥

āśvayujyāṃ ca vidhivat māṇikyodbhavamuttamam |kārtikyāṃ vaidrumaṃ liṅgaṃ vaiḍūryaṃ mārgaśīrṣake || 12||

पुष्परागमयं पुष्ये माघे सूर्यस्य कान्तिजम् ।फाल्गुने चन्द्रकान्तोत्थं लिङ्गं सम्पूज्य शैलजे ॥ १३॥

puṣparāgamayaṃ puṣye māghe sūryasya kāntijam |phālgune candrakāntotthaṃ liṅgaṃ sampūjya śailaje || 13||

समुच्चयमिदं स्तोत्रं स्तुवीत परमेश्वरम् ।सर्वमासेषु पूजापि बिल्वपत्रैः सदैव माम् ॥ १४॥

samuccayamidaṃ stotraṃ stuvīta parameśvaram |sarvamāseṣu pūjāpi bilvapatraiḥ sadaiva mām || 14||

अथ शिवस्तुतिःशिवं शिवकरं शान्तं शिवात्मानं शिवोत्तमम् ।शिवमार्गप्रणेतारं प्रणतोऽस्मि सदाशिवम् ॥ १५॥

atha śivastutiḥśivaṃ śivakaraṃ śāntaṃ śivātmānaṃ śivottamam |śivamārgapraṇetāraṃ praṇato'smi sadāśivam || 15||

शाश्वतं शोभनं शुद्धं शश्वद्दोषप्रमोचकम् ।विश्वं विश्वेश्वरं देवं शङ्करं प्रणमाम्यहम् ॥ १६॥

śāśvataṃ śobhanaṃ śuddhaṃ śaśvaddoṣapramocakam |viśvaṃ viśveśvaraṃ devaṃ śaṅkaraṃ praṇamāmyaham || 16||

सर्वपापहरं नाथं सर्वरोगहरं शिवम् ।सर्वपापप्रशमनं नमाम्यार्तिनिवारकम् ॥ १७॥

sarvapāpaharaṃ nāthaṃ sarvarogaharaṃ śivam |sarvapāpapraśamanaṃ namāmyārtinivārakam || 17||

अस्थानस्थानसंस्थानसंस्थिति स्थितिकारणम् ।स्थिरं स्थानस्थयोगस्थं स्थाणुमीशं नमाम्यहम् ॥ १८॥

asthānasthānasaṃsthānasaṃsthiti sthitikāraṇam |sthiraṃ sthānasthayogasthaṃ sthāṇumīśaṃ namāmyaham || 18||

ईशानं पुरुषं (अ)घोरं वामं सद्यं महेश्वरम् ।ईशानं सर्वभूतानामीश्वरं प्रणमाम्यहम् ॥ १९॥

īśānaṃ puruṣaṃ (a)ghoraṃ vāmaṃ sadyaṃ maheśvaram |īśānaṃ sarvabhūtānāmīśvaraṃ praṇamāmyaham || 19||

ईशानं वरदं देवमीश्वरं मन्त्रनायकम् ।इत्थं मासस्तुतिं देवि स्तुत्वा नत्वा महेश्वरम् ॥ २०॥

īśānaṃ varadaṃ devamīśvaraṃ mantranāyakam |itthaṃ māsastutiṃ devi stutvā natvā maheśvaram || 20||

स मुक्तः सर्वपापेभ्यो मम लोके भवेद्गणः ।मासार्चनसमो धर्मो नास्त्यन्यो भुवनत्रये ॥ २१॥

sa muktaḥ sarvapāpebhyo mama loke bhavedgaṇaḥ |māsārcanasamo dharmo nāstyanyo bhuvanatraye || 21||

इति विज्ञाय यत्नेन पूजनीयो महेश्वरः ।ये भक्ता देवदेवेशि शिवं शान्तमजं विभुम् ॥ २२॥

iti vijñāya yatnena pūjanīyo maheśvaraḥ |ye bhaktā devadeveśi śivaṃ śāntamajaṃ vibhum || 22||

॥ इति शिवरहस्यान्तर्गते ईश्वरप्रोक्तं प्रतिमासे शिवार्चनोपदेशं सम्पूर्णम् ॥॥ श्रीशिवरहस्यम् । महादेवाख्यः एकादशमांशः । अध्यायः १३ मासार्चनविधिः । ९२२॥

|| iti śivarahasyāntargate īśvaraproktaṃ pratimāse śivārcanopadeśaṃ sampūrṇam |||| śrīśivarahasyam | mahādevākhyaḥ ekādaśamāṃśaḥ | adhyāyaḥ 13 māsārcanavidhiḥ | 922||

– ॥ श्रीशिवरहस्यम् ।महादेवाख्यः एकादशमांशः ।अध्यायः १३ मासार्चनविधिः ।९-२२॥

– || śrīśivarahasyam |mahādevākhyaḥ ekādaśamāṃśaḥ |adhyāyaḥ 13 māsārcanavidhiḥ | 9-22||