बटुकभैरवकवचम् १-२ Batukabhairava Kavacham

(भैरवतन्त्रोक्तम्)अस्य श्री बटुकभैरवकवचस्यआनन्दभैरव ऋषिस्त्रिष्टुप् छन्दःश्री बटुकभैरवोदेवताबं बीजंह्रीं शक्तिःॐ बटुकायेति कीलकंममाभीष्टसिद्धयर्थे जपे विनियोगः ।ॐ सहस्रारे महाचक्रे कर्पूरधवले गुरुः ।पातु मां बटुको देवो भैरवः सर्वकर्मसु ॥ १॥

(bhairavatantroktam)asya śrī baṭukabhairavakavacasyaānandabhairava ṛṣistriṣṭup chandaḥśrī baṭukabhairavodevatābaṃ bījaṃhrīṃ śaktiḥoṃ baṭukāyeti kīlakaṃmamābhīṣṭasiddhayarthe jape viniyogaḥ |oṃ sahasrāre mahācakre karpūradhavale guruḥ |pātu māṃ baṭuko devo bhairavaḥ sarvakarmasu || 1||

पूर्वस्यामसिताङ्गो मां दिशि रक्षतु सर्वदा ।आग्नेय्यां च रुरुः पातु दक्षिणे चण्डभैरवः ॥ २॥

pūrvasyāmasitāṅgo māṃ diśi rakṣatu sarvadā |āgneyyāṃ ca ruruḥ pātu dakṣiṇe caṇḍabhairavaḥ || 2||

नैरृत्यां क्रोधनः पातु उन्मत्तः पातु पश्चिमे ।वायव्यां मां कपाली च नित्यं पायात् सुरेश्वरः ॥ ३॥

nairṛtyāṃ krodhanaḥ pātu unmattaḥ pātu paścime |vāyavyāṃ māṃ kapālī ca nityaṃ pāyāt sureśvaraḥ || 3||

भीषणो भैरवः पातु उत्तरस्यां तु सर्वदा ।संहारभैरवः पायादीशान्यां च महेश्वरः ॥ ४॥

bhīṣaṇo bhairavaḥ pātu uttarasyāṃ tu sarvadā |saṃhārabhairavaḥ pāyādīśānyāṃ ca maheśvaraḥ || 4||

ऊर्ध्वं पातु विधाता च पाताले नन्दको विभु ।सद्योजातस्तु मां पायात् सर्वतो देवसेवितः ॥ ५॥

ūrdhvaṃ pātu vidhātā ca pātāle nandako vibhu |sadyojātastu māṃ pāyāt sarvato devasevitaḥ || 5||

वामदेवो वनान्ते च वनेऽघोरस्तथाऽवतु ।जले तत्पुरुषः पातु स्थले ईशान एव च ॥ ६॥

vāmadevo vanānte ca vane'ghorastathā'vatu |jale tatpuruṣaḥ pātu sthale īśāna eva ca || 6||

डाकिनीपुत्रकः पातु पुत्रान् मे सर्वतः प्रभुः ।हाकिनीपुत्रकः पातु दारांस्तु लाकिनीसुतः ॥ ७॥

ḍākinīputrakaḥ pātu putrān me sarvataḥ prabhuḥ |hākinīputrakaḥ pātu dārāṃstu lākinīsutaḥ || 7||

पातु शाकिनिकापुत्रः सैन्यं वै कालभैरवः ।मालिनीपुत्रकः पातु पशूनश्वान् गजांस्तथा ॥ ८॥

pātu śākinikāputraḥ sainyaṃ vai kālabhairavaḥ |mālinīputrakaḥ pātu paśūnaśvān gajāṃstathā || 8||

महाकालोऽवतु क्षेत्रं श्रियं मे सर्वतो गिरा ।वाद्यं वाद्यप्रियः पातु भैरवो नित्यसम्पदा ॥ ९॥

mahākālo'vatu kṣetraṃ śriyaṃ me sarvato girā |vādyaṃ vādyapriyaḥ pātu bhairavo nityasampadā || 9||

नमो भैरवदेवाय सर्वभूताय वै नमः ।नमस्त्रैलोक्यनाथाय नाथनाथाय वै नमः ॥ १०॥

namo bhairavadevāya sarvabhūtāya vai namaḥ |namastrailokyanāthāya nāthanāthāya vai namaḥ || 10||

॥ इति भैरवतन्त्रोक्तं बटुकभैरवकवचं सम्पूर्णम् ॥

|| iti bhairavatantroktaṃ baṭukabhairavakavacaṃ sampūrṇam ||