बटुकभैरवब्रह्मकवचराजः अथवा भैरवब्रह्मकवचराजः Batukabhairava Brahmakavacharaja Or Bhairava Khavacharajah

(रुद्रयामलोक्तः)अथ विनियोगःअस्य श्रीबटुकभैरवकवचराजस्यभैरवऋषिरनुष्टुप्छन्दःश्री बटुकभैरवो देवतामम बटुकभैरवप्रसाद सिध्यर्थे जपे विनियोगः ।ॐ पातु शिरसि नित्यं पातु ह्रीं कण्ठदेशके ।बटुकाय पातु नाभौ चापदुद्धारणाय च ॥ १॥

(rudrayāmaloktaḥ)atha viniyogaḥasya śrībaṭukabhairavakavacarājasyabhairavaṛṣiranuṣṭupchandaḥśrī baṭukabhairavo devatāmama baṭukabhairavaprasāda sidhyarthe jape viniyogaḥ |oṃ pātu śirasi nityaṃ pātu hrīṃ kaṇṭhadeśake |baṭukāya pātu nābhau cāpaduddhāraṇāya ca || 1||

कुरुद्वयं लिङ्गमूले त्वाधारे बटुकाय च ।सर्वदा पातु ह्रीं बीजं बाह्वोर्युगलमेव च ॥ २॥

kurudvayaṃ liṅgamūle tvādhāre baṭukāya ca |sarvadā pātu hrīṃ bījaṃ bāhvoryugalameva ca || 2||

षडङ्गसहितो देवो नित्यं रक्षतु भैरवः ।ॐ ह्रीं बटुकाय सततं सर्वाङ्ग मम सर्वदा ॥ ३॥

ṣaḍaṅgasahito devo nityaṃ rakṣatu bhairavaḥ |oṃ hrīṃ baṭukāya satataṃ sarvāṅga mama sarvadā || 3||

ॐ ह्रीं पादौ महाकालः पातु वीरासनेहृदि ।ॐ ह्रीं कालः शिरः पातु कण्ठदेशे तु भैरवः ॥ ४॥

oṃ hrīṃ pādau mahākālaḥ pātu vīrāsanehṛdi |oṃ hrīṃ kālaḥ śiraḥ pātu kaṇṭhadeśe tu bhairavaḥ || 4||

गणराट् पातु जिह्वायामष्टभिः शक्तिभिः सह ।दण्डपाणिर्गुह्यमूले भैरवीसहितस्तथा ॥ ५॥

gaṇarāṭ pātu jihvāyāmaṣṭabhiḥ śaktibhiḥ saha |daṇḍapāṇirguhyamūle bhairavīsahitastathā || 5||

विश्वनाथः सदा पातु सर्वाङ्गं मम सर्वदा ।अन्नपूर्णा सदा पातु चांसौ रक्षतु चण्डिका ॥ ६॥

viśvanāthaḥ sadā pātu sarvāṅgaṃ mama sarvadā |annapūrṇā sadā pātu cāṃsau rakṣatu caṇḍikā || 6||

असिताङ्ग शिरः पातु ललाटं रुरुभैरवः ।चण्डभैरवः पातु वक्त्रं कण्ठं श्रीक्रोधभैरवः ॥ ७॥

asitāṅga śiraḥ pātu lalāṭaṃ rurubhairavaḥ |caṇḍabhairavaḥ pātu vaktraṃ kaṇṭhaṃ śrīkrodhabhairavaḥ || 7||

उन्मत्तभैरवः पातु हृदयं मम सर्वदा ।नाभिदेशे कपाली च लिङ्गे भीषणभैरवः ॥ ८॥

unmattabhairavaḥ pātu hṛdayaṃ mama sarvadā |nābhideśe kapālī ca liṅge bhīṣaṇabhairavaḥ || 8||

संहारभैरवः पातु मूलाधारं च सर्वदा ।बाहुयुग्मं सदा पातु भैरवो मम केवलम् ॥ ९॥

saṃhārabhairavaḥ pātu mūlādhāraṃ ca sarvadā |bāhuyugmaṃ sadā pātu bhairavo mama kevalam || 9||

हंसबीजं पातु हृदि सोऽहं रक्षतु पादयोः ।प्राणापानौ समानं च उदानं व्यानमेव च ॥ १०॥

haṃsabījaṃ pātu hṛdi so'haṃ rakṣatu pādayoḥ |prāṇāpānau samānaṃ ca udānaṃ vyānameva ca || 10||

रक्षन्तु द्वारमूले तु दशदिक्षु समन्ततः ।प्रणवः पातु सर्वाङ्गगं लज्जाबीजं महाभये ॥ ११॥

rakṣantu dvāramūle tu daśadikṣu samantataḥ |praṇavaḥ pātu sarvāṅgagaṃ lajjābījaṃ mahābhaye || 11||

॥ इति श्रीब्रह्मकवचं भैरवस्य प्रकीर्तितम् ॥

|| iti śrībrahmakavacaṃ bhairavasya prakīrtitam ||