बटुकभैरवमङ्गलाचरणम् Batukabhairava Mangalacharanam

भजन्ते यद्भर्गप्रभवभुवनाभोगभरितंप्रभाभिर्भास्वन्तं भगवति भवे भाविततनुम् ।भयार्त्ता भक्ता यं भुवनभयभङ्गाय भुवि तंभजे भव्यैर्भावैर्भवभयहरं भैरवमहम् ॥ १॥

bhajante yadbhargaprabhavabhuvanābhogabharitaṃprabhābhirbhāsvantaṃ bhagavati bhave bhāvitatanum |bhayārttā bhaktā yaṃ bhuvanabhayabhaṅgāya bhuvi taṃbhaje bhavyairbhāvairbhavabhayaharaṃ bhairavamaham || 1||

बिभेति क्लेशोऽस्मादथ जगदिदं भीषणतमाद्भयं विन्ते किं वा त्रिदिवपतयो बिभ्यति यतः ।रवं भीमं कृत्वा दितिजगणमामर्दयति यःस भूतानां नाथः किरतु करुणादृष्टिकिरणान् ॥ २॥

bibheti kleśo'smādatha jagadidaṃ bhīṣaṇatamādbhayaṃ vinte kiṃ vā tridivapatayo bibhyati yataḥ |ravaṃ bhīmaṃ kṛtvā ditijagaṇamāmardayati yaḥsa bhūtānāṃ nāthaḥ kiratu karuṇādṛṣṭikiraṇān || 2||

समूहं दुःखानां परिहरित यो भैरववरोभिया सर्वान् भीरून् रवयति तथा रोदयति च ।बिभर्ति स्वात्मानं भरति च जगत् सोऽतिमतिमान्विधत्तां भूतात्मा मतिमतितमां तच्चरणयोः ॥ ३॥

samūhaṃ duḥkhānāṃ pariharita yo bhairavavarobhiyā sarvān bhīrūn ravayati tathā rodayati ca |bibharti svātmānaṃ bharati ca jagat so'timatimānvidhattāṃ bhūtātmā matimatitamāṃ taccaraṇayoḥ || 3||

प्रभुर्बालो दीप्तः स्फटिकसदृशः कुन्तलरुचास्फुरद्वक्त्रो दिव्यैर्नवमणिगणैर्भूषिततनुः ।त्रिशूलं दण्डं च स्वकरयुगले धारणपरस्त्रिनेत्रो भक्तेभ्यो वितरतु शिवं क्षेत्रद इह ॥ ४॥

prabhurbālo dīptaḥ sphaṭikasadṛśaḥ kuntalarucāsphuradvaktro divyairnavamaṇigaṇairbhūṣitatanuḥ |triśūlaṃ daṇḍaṃ ca svakarayugale dhāraṇaparastrinetro bhaktebhyo vitaratu śivaṃ kṣetrada iha || 4||

सदोद्यत्सूर्याभस्त्रिनयनयुतः पाणिषु दधन्कपालं शूलं चाभयवरदयुग्मं स्मितमुखः ।अलङ्कारै रम्यैरपि विलसितः शोणवसनःक्षतात्त्रातुं सद्यो भवतु सदयः क्षत्रिय वर ॥ ५॥

sadodyatsūryābhastrinayanayutaḥ pāṇiṣu dadhankapālaṃ śūlaṃ cābhayavaradayugmaṃ smitamukhaḥ |alaṅkārai ramyairapi vilasitaḥ śoṇavasanaḥkṣatāttrātuṃ sadyo bhavatu sadayaḥ kṣatriya vara || 5||

सृणिं खड्गं पाशं डमरुमभयं नागममलंकपालं घण्टां च स्वकरकमलैर्बिभ्रदनिशम् ।नृमुण्डानां मालां शशिशकलकं पिङ्गचिकुरान्दधानो दिग्वासाः सकलसुखदाताऽवतु विराट् ॥ ६॥

sṛṇiṃ khaḍgaṃ pāśaṃ ḍamarumabhayaṃ nāgamamalaṃkapālaṃ ghaṇṭāṃ ca svakarakamalairbibhradaniśam |nṛmuṇḍānāṃ mālāṃ śaśiśakalakaṃ piṅgacikurāndadhāno digvāsāḥ sakalasukhadātā'vatu virāṭ || 6||

श्रीमद्विद्यारण्योगुरोः कारुण्यकणिकाञ्चितः ।रुद्रदेवः कृतिमिमां निरमात् सर्वतुष्टये ॥ ७॥

śrīmadvidyāraṇyoguroḥ kāruṇyakaṇikāñcitaḥ |rudradevaḥ kṛtimimāṃ niramāt sarvatuṣṭaye || 7||

॥ इति रुद्रदेवत्रिपाठीकृतं बटुकभैरवमङ्गलाचरणं सम्पूर्णम् ॥

|| iti rudradevatripāṭhīkṛtaṃ baṭukabhairavamaṅgalācaraṇaṃ sampūrṇam ||