बटुकभैरवाष्टोत्तरशतनामस्तोत्रम् ३ Batukabhairav Ashtottarashata Nama Stotram 3

(कालसङ्कर्षणतन्त्रोक्तम्)विनियोगःअस्य श्री बटुकभैरवाष्टस्तोत्र मन्त्रस्यकालाग्निरुद्र ऋषिरनुष्टुप्छन्दःआपदुद्धारक श्री बटुककेश्वरो देवःभैरवी वल्लभः शक्तिःह्रीं बीजंदण्डपाणिः कीलकंमम समस्तशत्रुदमने समस्तापन्निवारणे सर्वाभीष्टप्रदाने च विनियोगः ।ऋष्यादिन्यासःकालग्निरुद्रऋषये नमः (शिरसि)।अनुष्टप् छन्दसे नमः (मुखे)।आपदुद्धारक श्री बटुकेश्वर देवाय नमः (हृदये )।भैरवीवल्लभशक्तये नमः (पादयोः)।ह्रीं बीजाय नमः (गुह्ये)।दण्डपाणि कीलकाय नमः (नाभौ )।मम समस्त शत्रुदमनसमस्तापन्निवारण सर्वाभीष्टप्रदान विनियोगाय नमः (सर्वाङ्गे)।करषडङ्गन्यासौॐ ह्रां बां अङ्गुष्ठाभ्यां नमः ।ॐ ह्रीं बीं तर्जनीभ्यां नमः ।ॐ ह्रूं बूं मध्यमाभ्यां नमः ।ॐ ह्रैं बैं अनामिकाभ्यां नमः ।ॐ ह्रौं बौं कनिष्ठकाभ्यां नमः ।ॐ ह्रः बः करतलपृष्ठाभ्यां नमः ।(एवं हृदयादि)ध्यानंनीलजीमूतसङ्काशो जटिलो रक्तलोचनः ।दंष्ट्राकरालवन्दनः सर्पयज्ञोपवीतवान् ॥ १॥

(kālasaṅkarṣaṇatantroktam)viniyogaḥasya śrī baṭukabhairavāṣṭastotra mantrasyakālāgnirudra ṛṣiranuṣṭupchandaḥāpaduddhāraka śrī baṭukakeśvaro devaḥbhairavī vallabhaḥ śaktiḥhrīṃ bījaṃdaṇḍapāṇiḥ kīlakaṃmama samastaśatrudamane samastāpannivāraṇe sarvābhīṣṭapradāne ca viniyogaḥ |ṛṣyādinyāsaḥkālagnirudraṛṣaye namaḥ (śirasi)|anuṣṭap chandase namaḥ (mukhe)|āpaduddhāraka śrī baṭukeśvara devāya namaḥ (hṛdaye )|bhairavīvallabhaśaktaye namaḥ (pādayoḥ)|hrīṃ bījāya namaḥ (guhye)|daṇḍapāṇi kīlakāya namaḥ (nābhau )|mama samasta śatrudamanasamastāpannivāraṇa sarvābhīṣṭapradāna viniyogāya namaḥ (sarvāṅge)|karaṣaḍaṅganyāsauoṃ hrāṃ bāṃ aṅguṣṭhābhyāṃ namaḥ |oṃ hrīṃ bīṃ tarjanībhyāṃ namaḥ |oṃ hrūṃ būṃ madhyamābhyāṃ namaḥ |oṃ hraiṃ baiṃ anāmikābhyāṃ namaḥ |oṃ hrauṃ bauṃ kaniṣṭhakābhyāṃ namaḥ |oṃ hraḥ baḥ karatalapṛṣṭhābhyāṃ namaḥ |(evaṃ hṛdayādi)dhyānaṃnīlajīmūtasaṅkāśo jaṭilo raktalocanaḥ |daṃṣṭrākarālavandanaḥ sarpayajñopavītavān || 1||

दंष्ट्रायुधालङ्कृतश्च कपालस्त्रग्विभूषितः ।हस्तन्यस्तकिरीटीको भस्मभूषितविग्रहः ॥ २॥

daṃṣṭrāyudhālaṅkṛtaśca kapālastragvibhūṣitaḥ |hastanyastakirīṭīko bhasmabhūṣitavigrahaḥ || 2||

नागराजकटीसूत्रो बालमूर्तिर्दिगम्बरः ।मञ्जुशिञ्जानमञ्जीरपादकम्पितभूतलः ॥ ३॥

nāgarājakaṭīsūtro bālamūrtirdigambaraḥ |mañjuśiñjānamañjīrapādakampitabhūtalaḥ || 3||

भूतप्रेतपिशाचैश्च सर्वतः परिवारितः ।योगिनीचक्रमध्यस्थो मातृमण्डलवेष्टितः ॥ ४॥

bhūtapretapiśācaiśca sarvataḥ parivāritaḥ |yoginīcakramadhyastho mātṛmaṇḍalaveṣṭitaḥ || 4||

अट्टहासस्फुरद्वक्त्रो भृकुटीभीषणाननः ।भक्तसंरक्षणाथार्य दिक्षु भ्रमणतत्परः ॥ ५॥

aṭṭahāsasphuradvaktro bhṛkuṭībhīṣaṇānanaḥ |bhaktasaṃrakṣaṇāthārya dikṣu bhramaṇatatparaḥ || 5||

एवम्भूतं तु बटुकं ध्यायामि बटुकेश्वरम् ।आपदुद्धारकं देवं सर्वकामार्थदायकम् ॥ ६॥

evambhūtaṃ tu baṭukaṃ dhyāyāmi baṭukeśvaram |āpaduddhārakaṃ devaṃ sarvakāmārthadāyakam || 6||

एवं ध्यात्वा मानसैः सम्पूज्य च १०८ वारं मूलमन्त्रं जपेत् ।मूलमन्त्रो यथाऊँ ह्रीं बं बटुकाय क्ष्रौं क्ष्रौं आपदुद्धारणाय कुरु कुरु बटुकाय ह्रीं बटुकाय स्वाहा ।मन्त्रजपप्रार्थनातारो माया तदनु बटुकाय द्वयं क्ष्रौं तदायच्छब्दोद्धाराय शिरसि कुरु द्वन्द्वमुच्चैः प्रयुज्य ।ह्रीं बीजं यद्बटुकपुटिलं भौवनं चाग्निजाया ।एषा विद्या बटुकभव ते वाञ्छितं मे ददातु ॥अथ स्तोत्रंॐ ह्रीं बटुको वरदः शूरो भैरव कालभैरवः ।भैरवीवल्लभो भव्यो दण्डपाणिर्दयानिधिः ॥ १॥

evaṃ dhyātvā mānasaiḥ sampūjya ca 108 vāraṃ mūlamantraṃ japet |mūlamantro yathāūm̐ hrīṃ baṃ baṭukāya kṣrauṃ kṣrauṃ āpaduddhāraṇāya kuru kuru baṭukāya hrīṃ baṭukāya svāhā |mantrajapaprārthanātāro māyā tadanu baṭukāya dvayaṃ kṣrauṃ tadāyacchabdoddhārāya śirasi kuru dvandvamuccaiḥ prayujya |hrīṃ bījaṃ yadbaṭukapuṭilaṃ bhauvanaṃ cāgnijāyā |eṣā vidyā baṭukabhava te vāñchitaṃ me dadātu ||atha stotraṃoṃ hrīṃ baṭuko varadaḥ śūro bhairava kālabhairavaḥ |bhairavīvallabho bhavyo daṇḍapāṇirdayānidhiḥ || 1||

वेतालवाहनो रौद्रो रुद्रभृकुटिसम्भवः ।कपाललोचनः कान्तः कामिनीवशकृद्वशी ॥ २॥

vetālavāhano raudro rudrabhṛkuṭisambhavaḥ |kapālalocanaḥ kāntaḥ kāminīvaśakṛdvaśī || 2||

आपदुद्धारणो धीरो हरिणाङ्कशिरोमणिः ।दंष्ट्राकरालो दृष्टौष्ठो धृष्टो दुष्टनिबर्हणः ॥ ३॥

āpaduddhāraṇo dhīro hariṇāṅkaśiromaṇiḥ |daṃṣṭrākarālo dṛṣṭauṣṭho dhṛṣṭo duṣṭanibarhaṇaḥ || 3||

सर्पहारः सर्पशिरः सर्पकुण्डलमण्डितः ।कपाली करुणापूर्णः कपालिकशिरोमणिः ॥ ४॥

sarpahāraḥ sarpaśiraḥ sarpakuṇḍalamaṇḍitaḥ |kapālī karuṇāpūrṇaḥ kapālikaśiromaṇiḥ || 4||

श्मशानवासी मांसाशी मधुमत्तोऽट्टहासवान् ।वाग्मी वामव्रतो वाङ्मी वामदेवप्रियङ्करः ॥ ५॥

śmaśānavāsī māṃsāśī madhumatto'ṭṭahāsavān |vāgmī vāmavrato vāṅmī vāmadevapriyaṅkaraḥ || 5||

वनेचरो गिरिचरो वसुदो वायुवेगवान् ।योगी योगव्रतधरो योगिनीवल्लभो युवा ॥ ६॥

vanecaro giricaro vasudo vāyuvegavān |yogī yogavratadharo yoginīvallabho yuvā || 6||

वीरभद्रो विश्वनाथो विजेता वीरवन्दितः ।भूताध्यक्षो भूतिधरो भूतभीतिनिवारणः ॥ ७॥

vīrabhadro viśvanātho vijetā vīravanditaḥ |bhūtādhyakṣo bhūtidharo bhūtabhītinivāraṇaḥ || 7||

कलङ्कहीनः कङ्काली क्रूरः कुक्कुरवाहनः ।गाढो गहनगम्भीरो गणनाथेसहोदरः ॥ ८॥

kalaṅkahīnaḥ kaṅkālī krūraḥ kukkuravāhanaḥ |gāḍho gahanagambhīro gaṇanāthesahodaraḥ || 8||

देवीपुत्रो दिव्यमूर्तिर्दीप्तिमान् दीप्तलोचनः ।महासेनप्रियकरो मान्यो माधवमातुलः ॥ ९॥

devīputro divyamūrtirdīptimān dīptalocanaḥ |mahāsenapriyakaro mānyo mādhavamātulaḥ || 9||

भद्रकालीपतिर्भद्रो भद्रदो भद्रवाहनः ।पशूपहाररसिकः पाशी पशुपतिर्पतिः ॥ १०॥

bhadrakālīpatirbhadro bhadrado bhadravāhanaḥ |paśūpahārarasikaḥ pāśī paśupatirpatiḥ || 10||

चण्डः प्रचण्ड चण्डेशश्चण्डीहृदयनन्दनः ।दक्षो दक्षाध्वरहरो दिग्वासा दीर्घलोचनः ॥ ११॥

caṇḍaḥ pracaṇḍa caṇḍeśaścaṇḍīhṛdayanandanaḥ |dakṣo dakṣādhvaraharo digvāsā dīrghalocanaḥ || 11||

निरातङ्को निर्विकल्पः कल्पः कल्पान्तभैरवः ।मदताण्डवकृन् मत्तो महादेवप्रियो महान् ॥ १२॥

nirātaṅko nirvikalpaḥ kalpaḥ kalpāntabhairavaḥ |madatāṇḍavakṛn matto mahādevapriyo mahān || 12||

खट्वाङ्गपाणिः खातीतः खरशूलः खरान्तकृत ।ब्रह्माण्डभेदनो ब्रह्मज्ञानी ब्रह्मणपालकः ॥ १३॥

khaṭvāṅgapāṇiḥ khātītaḥ kharaśūlaḥ kharāntakṛta |brahmāṇḍabhedano brahmajñānī brahmaṇapālakaḥ || 13||

दिक्चरो भूचरो भूष्णुः खेचरः खेलनप्रियः ।सर्वरोगप्रहर्त्ता च सर्वरोगनिषूदनः ॥ १४॥

dikcaro bhūcaro bhūṣṇuḥ khecaraḥ khelanapriyaḥ |sarvarogapraharttā ca sarvaroganiṣūdanaḥ || 14||

सर्वकामप्रदः शर्वः सर्वपापनिकृन्तनः ।पातु मां सर्वतः श्रीमान् बटुको भैरवः सदा ॥ १५॥

sarvakāmapradaḥ śarvaḥ sarvapāpanikṛntanaḥ |pātu māṃ sarvataḥ śrīmān baṭuko bhairavaḥ sadā || 15||

॥ इति कालसङ्कर्षणतन्त्रोक्तं बटुकभैरवाष्टोत्तरशतनामस्तोत्रं सम्पूर्णम् ॥

|| iti kālasaṅkarṣaṇatantroktaṃ baṭukabhairavāṣṭottaraśatanāmastotraṃ sampūrṇam ||