आत्मेश्वरतत्त्वपञ्चरत्नम् Atmeshvaratattvapancharatnam

(व्यासकृतम्)षडाधारोर्ध्वसन्निष्ठं षडुत्कर्षस्थलेश्वरम् ।षट्सभारमणं वन्दे षडध्वाराधनक्षमम् ॥ १॥

(vyāsakṛtam)ṣaḍādhārordhvasanniṣṭhaṃ ṣaḍutkarṣasthaleśvaram |ṣaṭsabhāramaṇaṃ vande ṣaḍadhvārādhanakṣamam || 1||

श्रीमत्श्रीकुन्दमूलस्थललसितमहायोगपीठे निषण्णःसर्वाधारो महात्माऽप्यनुपमितमहास्वादिकैलासवासी ।यस्यास्ते कामिनी या नतजनवरदा योगमाता महेशीसोऽव्यादात्मेश्वरो मां शिवपुररमणः सच्चिदानन्दमूर्तिः ॥ २॥

śrīmatśrīkundamūlasthalalasitamahāyogapīṭhe niṣaṇṇaḥsarvādhāro mahātmā'pyanupamitamahāsvādikailāsavāsī |yasyāste kāminī yā natajanavaradā yogamātā maheśīso'vyādātmeśvaro māṃ śivapuraramaṇaḥ saccidānandamūrtiḥ || 2||

यो वेदान्तविचिन्त्यरूपमहिमा यं याति सर्वं जगत्येनेदं भुवनं भृतं विधिमुखाः कुर्वन्ति यस्मै नमः ।यस्मात् सम्प्रभवन्ति भूतनिकराः यस्य स्मृतिर्मोक्षकृत्यस्मिन् योगरतिःशिवेति स महानात्मेश्वरः पातु नः ॥ ३तुर्यातीतपदोर्ध्वगं गुणपरं सत्तामयं सर्वगंसंवेद्यं श्रुतिशीर्षकैरनुपमं सर्वाधिकं शाश्वतम् ।ओङ्कारान्तरबिन्दुमध्यसदनं ह्रीङ्कारलभ्यं नुमोव्योमाकारशिखाविभाविमुनिसन्दृश्यं चिदात्मेश्वरम् ॥ ४॥

yo vedāntavicintyarūpamahimā yaṃ yāti sarvaṃ jagatyenedaṃ bhuvanaṃ bhṛtaṃ vidhimukhāḥ kurvanti yasmai namaḥ |yasmāt samprabhavanti bhūtanikarāḥ yasya smṛtirmokṣakṛtyasmin yogaratiḥśiveti sa mahānātmeśvaraḥ pātu naḥ || 3turyātītapadordhvagaṃ guṇaparaṃ sattāmayaṃ sarvagaṃsaṃvedyaṃ śrutiśīrṣakairanupamaṃ sarvādhikaṃ śāśvatam |oṅkārāntarabindumadhyasadanaṃ hrīṅkāralabhyaṃ numovyomākāraśikhāvibhāvimunisandṛśyaṃ cidātmeśvaram || 4||

वेदान्तार्थविचक्षणैरतितरां ब्रह्मेति यः कथ्यतेऽप्यन्यैर्योगिजनैर्महापुरुष इत्यष्टाङ्गिभिश्चिन्तितः ।कैश्चिल्लोकविपत्तिकृत्त्रिनयनःश्रीनीलकण्ठः स्मृतःतं वन्दे परमात्मनाथमनिशं कुन्दद्रुमाधः स्थितम् ॥ ५॥

vedāntārthavicakṣaṇairatitarāṃ brahmeti yaḥ kathyate'pyanyairyogijanairmahāpuruṣa ityaṣṭāṅgibhiścintitaḥ |kaiścillokavipattikṛttrinayanaḥśrīnīlakaṇṭhaḥ smṛtaḥtaṃ vande paramātmanāthamaniśaṃ kundadrumādhaḥ sthitam || 5||

इति व्यासकृतं श्रीमदात्मेश्वरतत्त्वपञ्चरत्नं सम्पूर्णम् ।

iti vyāsakṛtaṃ śrīmadātmeśvaratattvapañcaratnaṃ sampūrṇam |