shivastutiH Ashadhamasakrite Shiva Stuti Masa4

(शिवरहस्यान्तर्गते महादेवाख्ये)शिवगौरीसंवादेदेव सोमशकलामलमौलेसोम हेमनिभ दिव्य शुभाङ्ग ।व्योमकेश जितकाश महेशपाहि मामखिलदुःखसमूहात् ॥ ७२॥

(śivarahasyāntargate mahādevākhye)śivagaurīsaṃvādedeva somaśakalāmalamaulesoma hemanibha divya śubhāṅga |vyomakeśa jitakāśa maheśapāhi māmakhiladuḥkhasamūhāt || 72||

वामदेव वरसामज चर्मस्फारशोभिकुसुमाङ्ग महेश ।धूमवाहवह शङ्कर शम्भोव्योमधाम भगवन्नव मां त्वम् ॥ ७३॥

vāmadeva varasāmaja carmasphāraśobhikusumāṅga maheśa |dhūmavāhavaha śaṅkara śambhovyomadhāma bhagavannava māṃ tvam || 73||

शम्भो बालमृगाङ्कशेखर महासर्पाङ्गमालोज्ज्वलकन्दर्पान्तक शर्व सर्वग विभो दूर्वादलार्च्याङ्घ्रिक ।वेदेशाखिलपाल भालशशभृत्पूताङ्गसङ्गातुललीलागाङ्गसुतुङ्गभङ्गपरमानन्दाङ्गसङ्गाव माम् ॥ ७४॥

śambho bālamṛgāṅkaśekhara mahāsarpāṅgamālojjvalakandarpāntaka śarva sarvaga vibho dūrvādalārcyāṅghrika |vedeśākhilapāla bhālaśaśabhṛtpūtāṅgasaṅgātulalīlāgāṅgasutuṅgabhaṅgaparamānandāṅgasaṅgāva mām || 74||

विश्वोत्पत्तिविपत्तिसंस्थितिजगत्कार्यं च तत्कारणंजीवेशाश्रयभेदभानमखिलं यन्नामरूपात्मकम् ।कालानल्पविकल्पशिल्प सुमहासङ्कल्पकल्पान्तकत्वय्यानन्दपयोधिवारिलहरी विद्योतते केवलम् ॥ ७५॥

viśvotpattivipattisaṃsthitijagatkāryaṃ ca tatkāraṇaṃjīveśāśrayabhedabhānamakhilaṃ yannāmarūpātmakam |kālānalpavikalpaśilpa sumahāsaṅkalpakalpāntakatvayyānandapayodhivārilaharī vidyotate kevalam || 75||

विष्णुब्रह्ममुखाः सुरासुरवरा ये भासुरा भूसुराःसञ्जाताःस्थितिनाशमध्यपतिता भ्रान्ताश्च संसारिणः ।विश्वाधीश्वर शङ्कर त्रिभुवनापारोरुदुःखार्तिहन्कालातीत महेश्वराव भगवन् विश्वेश विश्वाधिक ॥ ७६॥

viṣṇubrahmamukhāḥ surāsuravarā ye bhāsurā bhūsurāḥsañjātāḥsthitināśamadhyapatitā bhrāntāśca saṃsāriṇaḥ |viśvādhīśvara śaṅkara tribhuvanāpāroruduḥkhārtihankālātīta maheśvarāva bhagavan viśveśa viśvādhika || 76||

इति स्तुत्वा त्रिकालं वा पूजान्ते वा महेश्वरम् ।आषाढ्यामथ पौर्णम्यां होमः कार्यो द्विजैःसह ॥ ७७॥

iti stutvā trikālaṃ vā pūjānte vā maheśvaram |āṣāḍhyāmatha paurṇamyāṃ homaḥ kāryo dvijaiḥsaha || 77||

दत्वा गोमिथुनं देवि सवत्सं च सदाक्षिणम् ।नक्ताशनो भवेन्मासं ब्राह्मणैः पारणं ततः ॥ ७८॥

datvā gomithunaṃ devi savatsaṃ ca sadākṣiṇam |naktāśano bhavenmāsaṃ brāhmaṇaiḥ pāraṇaṃ tataḥ || 78||

एवमाषाढपूजात आषाढप्रतिमो भवेत् ।चन्द्राभयानैर्यात्यन्ते मम लोकं सनातनम् ॥ ७९॥

evamāṣāḍhapūjāta āṣāḍhapratimo bhavet |candrābhayānairyātyante mama lokaṃ sanātanam || 79||

॥ इति शिवरहस्यान्तर्गते ईश्वरप्रोक्तमाषाढमासकृते शिवस्तुतिः सम्पूर्णा ॥॥ श्रीशिवरहस्यम् । महादेवाख्यः एकादशमांशः । अध्यायः १७ आषाढार्चनम् । ७२७९॥

|| iti śivarahasyāntargate īśvaraproktamāṣāḍhamāsakṛte śivastutiḥ sampūrṇā |||| śrīśivarahasyam | mahādevākhyaḥ ekādaśamāṃśaḥ | adhyāyaḥ 17 āṣāḍhārcanam | 7279||

– ॥ श्रीशिवरहस्यम् ।महादेवाख्यः एकादशमांशः ।अध्यायः १७ आषाढार्चनम् ।७२-७९॥

– || śrīśivarahasyam |mahādevākhyaḥ ekādaśamāṃśaḥ |adhyāyaḥ 17 āṣāḍhārcanam | 72-79||