अर्धनारीश्वरस्तोत्रम् १ Ardhanarishvarastotram (2)
ardhanārīśvarastotram 1
Ardhanarishvarastotram (2) (अर्धनारीश्वरस्तोत्रम् १): a stotra to Śiva, by Adi Shankaracharya. 10 verses in Sanskrit with Devanagari and IAST.
- Stotra
- Stotra
- Śiva
- Stotra
अर्धनारीश्वरस्तोत्रम् १
1 / 10
चाम्पेयगौरार्धशरीरकायै कर्पूरगौरार्धशरीरकाय ।धम्मिल्लकायै च जटाधराय नमः शिवायै च नमः शिवाय ॥ १॥
cāmpeyagaurārdhaśarīrakāyai karpūragaurārdhaśarīrakāya |dhammillakāyai ca jaṭādharāya namaḥ śivāyai ca namaḥ śivāya || 1||
कस्तूरिकाकुङ्कुमचर्चितायै चितारजःपुञ्जविचर्चिताय ।कृतस्मरायै विकृतस्मराय नमः शिवायै च नमः शिवाय ॥ २॥
kastūrikākuṅkumacarcitāyai citārajaḥpuñjavicarcitāya |kṛtasmarāyai vikṛtasmarāya namaḥ śivāyai ca namaḥ śivāya || 2||
झणत्क्वणत्कङ्कणनूपुरायै पादाब्जराजत्फणिनूपुराय ।हेमाङ्गदायै भुजगाङ्गदाय नमः शिवायै च नमः शिवाय ॥ ३॥
jhaṇatkvaṇatkaṅkaṇanūpurāyai pādābjarājatphaṇinūpurāya |hemāṅgadāyai bhujagāṅgadāya namaḥ śivāyai ca namaḥ śivāya || 3||
विशालनीलोत्पललोचनायै विकासिपङ्केरुहलोचनाय ।समेक्षणायै विषमेक्षणाय नमः शिवायै च नमः शिवाय ॥ ४॥
viśālanīlotpalalocanāyai vikāsipaṅkeruhalocanāya |samekṣaṇāyai viṣamekṣaṇāya namaḥ śivāyai ca namaḥ śivāya || 4||
मन्दारमालाकलितालकायै कपालमालाङ्कितकन्धराय ।दिव्याम्बरायै च दिगम्बराय नमः शिवायै च नमः शिवाय ॥ ५॥
mandāramālākalitālakāyai kapālamālāṅkitakandharāya |divyāmbarāyai ca digambarāya namaḥ śivāyai ca namaḥ śivāya || 5||
अम्भोधरश्यामलकुन्तलायै तडित्प्रभाताम्रजटाधराय ।निरीश्वरायै निखिलेश्वराय नमः शिवायै च नमः शिवाय ॥ ६॥
ambhodharaśyāmalakuntalāyai taḍitprabhātāmrajaṭādharāya |nirīśvarāyai nikhileśvarāya namaḥ śivāyai ca namaḥ śivāya || 6||
प्रपञ्चसृष्ट्युन्मुखलास्यकायै समस्तसंहारकताण्डवाय ।जगज्जनन्यै जगदेकपित्रे नमः शिवायै च नमः शिवाय ॥ ७॥
prapañcasṛṣṭyunmukhalāsyakāyai samastasaṃhārakatāṇḍavāya |jagajjananyai jagadekapitre namaḥ śivāyai ca namaḥ śivāya || 7||
प्रदीप्तरत्नोज्ज्वलकुण्डलायै स्फुरन्महापन्नगभूषणाय ।शिवान्वितायै च शिवान्विताय नमः शिवायै च नमः शिवाय ॥ ८॥
pradīptaratnojjvalakuṇḍalāyai sphuranmahāpannagabhūṣaṇāya |śivānvitāyai ca śivānvitāya namaḥ śivāyai ca namaḥ śivāya || 8||
एतत्पठेदष्टकमिष्टदं यो भक्त्या स मान्यो भुवि दीर्घजीवी ।प्राप्नोति सौभाग्यमनन्तकालं भूयात्सदा तस्य समस्तसिद्धिः ॥ ९॥
etatpaṭhedaṣṭakamiṣṭadaṃ yo bhaktyā sa mānyo bhuvi dīrghajīvī |prāpnoti saubhāgyamanantakālaṃ bhūyātsadā tasya samastasiddhiḥ || 9||
इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्यश्रीमच्छंकरभगवतः कृतौ अर्धनारीश्वरस्तोत्रम् संपूर्णम् ॥
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasyaśrīmacchaṃkarabhagavataḥ kṛtau ardhanārīśvarastotram saṃpūrṇam ||
॥ इति अर्धनारीश्वरस्तोत्रम् १ सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Ardhanarishvarastotram (2)?
Ardhanarishvarastotram (2) has 10 verses on this page, each shown with its number, Devanagari text and transliteration, and meaning where available.
Can I read Ardhanarishvarastotram (2) in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Ardhanarishvarastotram (2)?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
Who composed Ardhanarishvarastotram (2)?
Adi Shankaracharya.
