सरस्वतीप्रार्थनास्तोत्रम् १ Shri Sarasvati Prarthana Stotram

शुभानि विदधातु नः किमपि पाणिपद्मस्थलीविभासिशुकपोतकप्रियवचोभिरानन्दितम् ।सुधाकरकलासमुल्लसितशेखरं पद्मभूवशीकरणचातुरीकलितलीलमाद्यं महः ॥ १॥

śubhāni vidadhātu naḥ kimapi pāṇipadmasthalīvibhāsiśukapotakapriyavacobhirānanditam |sudhākarakalāsamullasitaśekharaṃ padmabhūvaśīkaraṇacāturīkalitalīlamādyaṃ mahaḥ || 1||

सदा हृदि विभासतां विलसदैन्दव श्रीसखप्रभानिकरनिर्धुताखिलजगत्तमःसंहति ।सदातनवचस्तुतातुलितवैभवं दुर्दशानिशातनदयारसाञ्चितविलोकनं दैवतम् ॥ २॥

sadā hṛdi vibhāsatāṃ vilasadaindava śrīsakhaprabhānikaranirdhutākhilajagattamaḥsaṃhati |sadātanavacastutātulitavaibhavaṃ durdaśāniśātanadayārasāñcitavilokanaṃ daivatam || 2||

कलक्कणितनूपुरं कलितदीनरक्षाकरंशशाङ्ककृतशेखरं शमितभक्तदैन्योत्करम् ।कदा दुरितदुर्लभं कमलभूमनोवल्लभंमहोऽहमवलोकये महितसाहितीलब्धये ॥ ३॥

kalakkaṇitanūpuraṃ kalitadīnarakṣākaraṃśaśāṅkakṛtaśekharaṃ śamitabhaktadainyotkaram |kadā duritadurlabhaṃ kamalabhūmanovallabhaṃmaho'hamavalokaye mahitasāhitīlabdhaye || 3||

रसज्ञहृदयङ्गमस्फुरदसीमभावोदयांतदीयरसभावनासमुचितैर्गुणैर्बन्धुराम् ।निरर्गलविनिर्गलत्सुरधुनीतरङ्गक्रमांविधातृवरवर्णनी वितरताद्वचोवैखरीम ॥ ४॥

rasajñahṛdayaṅgamasphuradasīmabhāvodayāṃtadīyarasabhāvanāsamucitairguṇairbandhurām |nirargalavinirgalatsuradhunītaraṅgakramāṃvidhātṛvaravarṇanī vitaratādvacovaikharīma || 4||

विदूरय ममापदं वितर भद्रमव्याहतंविधेहि विमलं यशो विरचय प्रसादं मयि ।सुधारससहोदरैः शिशिरयान्तरं मामकंदयारसतरङ्गितैर्भुवनमातरालोकनैः ॥ ५॥

vidūraya mamāpadaṃ vitara bhadramavyāhataṃvidhehi vimalaṃ yaśo viracaya prasādaṃ mayi |sudhārasasahodaraiḥ śiśirayāntaraṃ māmakaṃdayārasataraṅgitairbhuvanamātarālokanaiḥ || 5||

त्वामेव यामि शरणं जगदम्ब वाणिशीतांशुखण्डपरिशोभितमौलिभागे ।वाचालनूपुरसमञ्चितपादपझेवाचामधीश्वरि विधेहि मयि प्रसादम् ॥ ६॥

tvāmeva yāmi śaraṇaṃ jagadamba vāṇiśītāṃśukhaṇḍapariśobhitamaulibhāge |vācālanūpurasamañcitapādapajhevācāmadhīśvari vidhehi mayi prasādam || 6||

भाष्यकारेण रचिता जीयद्वाग्देवतानुतिः ।श्रीकालहस्तीशगुरुवर्यपादाब्जसेवया (सेविना) ॥ ७॥

bhāṣyakāreṇa racitā jīyadvāgdevatānutiḥ |śrīkālahastīśaguruvaryapādābjasevayā (sevinā) || 7||

इति श्रीसरस्वतीप्रार्थनास्तोत्रं सम्पूर्णम् ।

iti śrīsarasvatīprārthanāstotraṃ sampūrṇam |