सदाशिवेन्द्रस्तुतिः सदाशिवमहेन्द्रस्तुतिः Sadashivendrastutih

श्रीगणेशाय नमः ।परतत्त्वलीनमनसे प्रणमद्भवबन्धमोचनायाशु ।प्रकटितपरतत्त्वाय प्रणतिं कुर्मः सदाशिवेन्द्राय ॥ १॥

śrīgaṇeśāya namaḥ |paratattvalīnamanase praṇamadbhavabandhamocanāyāśu |prakaṭitaparatattvāya praṇatiṃ kurmaḥ sadāśivendrāya || 1||

परमशिवेन्द्रकराम्बुजसम्भूताय प्रणम्रवरदाय ।पदधूतपङ्कजाय प्रणतिं०॥ २॥

paramaśivendrakarāmbujasambhūtāya praṇamravaradāya |padadhūtapaṅkajāya praṇatiṃ0|| 2||

विजननदीकुञ्जगृहे मञ्जुलपुलिनैकमञ्जुतरतल्पे ।शयनं कुर्वाणाय प्रणतिं- ॥ ३॥

vijananadīkuñjagṛhe mañjulapulinaikamañjutaratalpe |śayanaṃ kurvāṇāya praṇatiṃ- || 3||

कामाहिद्विजपतये शमदममुखदिव्यरत्नवारिधये ।शमनाय मोहविततेः प्रणर्ति०॥ ४॥

kāmāhidvijapataye śamadamamukhadivyaratnavāridhaye |śamanāya mohavitateḥ praṇarti0|| 4||

नमदात्मबोधदात्रे रमते परमात्मतत्त्वसौधाग्रे ।समबुद्धयेऽश्महेम्नोः प्रणतिं०॥ ५॥

namadātmabodhadātre ramate paramātmatattvasaudhāgre |samabuddhaye'śmahemnoḥ praṇatiṃ0|| 5||

गिलिताविद्याहालाहलहतपुर्यष्टकाय बोधेन ।मोहान्धकाररवये प्रणतिं०॥ ६॥

gilitāvidyāhālāhalahatapuryaṣṭakāya bodhena |mohāndhakāraravaye praṇatiṃ0|| 6||

शममुखषट्कमुमुक्षाविवेकवैराग्यदाननिरताय ।तरसा नतजनततये प्रणतिं०॥ ७॥

śamamukhaṣaṭkamumukṣāvivekavairāgyadānaniratāya |tarasā natajanatataye praṇatiṃ0|| 7||

सिद्धान्तकल्पवल्लीमुखकृतिकर्त्रे कपालिभक्तिकृते ।करतलमुक्तिफलाय प्रणतिं०॥ ८॥

siddhāntakalpavallīmukhakṛtikartre kapālibhaktikṛte |karatalamuktiphalāya praṇatiṃ0|| 8||

तृणपङ्कलिप्तवपुषे तृणतोऽप्यधरं जगद्विलोकयते ।वनमध्यविहरणाय प्रणतिं०॥ ९॥

tṛṇapaṅkaliptavapuṣe tṛṇato'pyadharaṃ jagadvilokayate |vanamadhyaviharaṇāya praṇatiṃ0|| 9||

निगृहीतहृदयहरये प्रगृहीतात्मस्वरूपरत्नाय ।प्रणताब्धिपूर्णशशिने प्रणतिं०॥ १०॥

nigṛhītahṛdayaharaye pragṛhītātmasvarūparatnāya |praṇatābdhipūrṇaśaśine praṇatiṃ0|| 10||

अज्ञानतिमिररवये प्रज्ञानाम्भोधिपूर्णचन्द्राय ।प्रणताघविपिनशुचये प्रणतिं०॥ ११॥

ajñānatimiraravaye prajñānāmbhodhipūrṇacandrāya |praṇatāghavipinaśucaye praṇatiṃ0|| 11||

मतिमलमोचनदक्षप्रत्यग्ब्रह्मैक्यदाननिरताय ।स्मृतिमात्रतुष्टमनसे प्रणतिं०॥ १२॥

matimalamocanadakṣapratyagbrahmaikyadānaniratāya |smṛtimātratuṣṭamanase praṇatiṃ0|| 12||

निजगुरुपरम शिवेन्द्रश्लाघितविज्ञानकाष्ठाय ।निजतत्त्वनिश्चलहृदे प्रणतिं०॥ १३॥

nijaguruparama śivendraślāghitavijñānakāṣṭhāya |nijatattvaniścalahṛde praṇatiṃ0|| 13||

प्रविलाप्य जगदशेषं परिशिष्टखण्डवस्तुनिरताय ।आस्यप्राप्तान्नभुजे प्रणर्ति०॥ १४॥

pravilāpya jagadaśeṣaṃ pariśiṣṭakhaṇḍavastuniratāya |āsyaprāptānnabhuje praṇarti0|| 14||

उपधानीकृतबाहुः परिरब्धविरक्तिरामो यः ।वसनीकृतखायास्मै प्रणतिं०॥ १५॥

upadhānīkṛtabāhuḥ parirabdhaviraktirāmo yaḥ |vasanīkṛtakhāyāsmai praṇatiṃ0|| 15||

सकलागमान्तसारप्रकटनदक्षाय नम्रपक्षाय ।सच्चित्सुखरूपाय प्रणतिम् ॥ ३६॥

sakalāgamāntasāraprakaṭanadakṣāya namrapakṣāya |saccitsukharūpāya praṇatim || 36||

द्राक्षाशिक्षणचतुरव्याहाराय प्रभूतकरुणाय ।वीक्षापावितजगते प्रणतिं०॥ १७॥

drākṣāśikṣaṇacaturavyāhārāya prabhūtakaruṇāya |vīkṣāpāvitajagate praṇatiṃ0|| 17||

योऽनुत्पन्नविकारो बाहौ म्लेच्छेन छिन्नपतितेऽपि ।अविदितममतायास्मै प्रणतिं०॥ १८॥

yo'nutpannavikāro bāhau mlecchena chinnapatite'pi |aviditamamatāyāsmai praṇatiṃ0|| 18||

न्यपतन्सुमानि मूर्धनि येनोच्चरितेषु नामसूग्रस्य ।तस्मै सिद्धवराय प्रणतिं०॥ १९॥

nyapatansumāni mūrdhani yenoccariteṣu nāmasūgrasya |tasmai siddhavarāya praṇatiṃ0|| 19||

यः पापिनोऽपि लोकान् तरसा प्रकरोति पुण्यनिष्ठाग्र्यान् ।करुणाम्बुराशयेऽस्मै प्रणतिं०॥ २०॥

yaḥ pāpino'pi lokān tarasā prakaroti puṇyaniṣṭhāgryān |karuṇāmburāśaye'smai praṇatiṃ0|| 20||

सिद्धेश्वराय बुद्धेः शुद्धिप्रदपादपद्मनमनाय ।बद्वा प्रमोचकाय प्रणतिं०॥ २१॥

siddheśvarāya buddheḥ śuddhipradapādapadmanamanāya |badvā pramocakāya praṇatiṃ0|| 21||

हृद्याय लोकविततेः पद्यावलिदाय जन्ममूकेभ्यः ।प्रणतेभ्यः पदयुगले प्रणतिं०॥ २२॥

hṛdyāya lokavitateḥ padyāvalidāya janmamūkebhyaḥ |praṇatebhyaḥ padayugale praṇatiṃ0|| 22||

जिह्वोपस्थरतानप्याह्वोच्चारेण जातु नैजस्य ।कुर्वाणाय विरक्तान्प्रणतिं०॥ २३॥

jihvopastharatānapyāhvoccāreṇa jātu naijasya |kurvāṇāya viraktānpraṇatiṃ0|| 23||

कमनीयकवनकर्त्रे शमनीयभयापहारचतुराय ।तपनीयसदृशवपुषे प्रणतिं०॥ २४॥

kamanīyakavanakartre śamanīyabhayāpahāracaturāya |tapanīyasadṛśavapuṣe praṇatiṃ0|| 24||

तारकविद्यादात्रे तारकपतिगर्ववारकास्याय ।तारजपप्रवणाय प्रणतिं०॥ २५॥

tārakavidyādātre tārakapatigarvavārakāsyāya |tārajapapravaṇāya praṇatiṃ0|| 25||

मूकोऽपि यत्कृपा चेल्लोकोत्तरकीर्तिराशु जायेत ।अद्भुतचरितायास्मै प्रणतिं०॥ २६॥

mūko'pi yatkṛpā cellokottarakīrtirāśu jāyeta |adbhutacaritāyāsmai praṇatiṃ0|| 26||

दुर्जनदूरायतरां सज्जनसुलभाय हस्तपात्राय ।तरुतलकेतिनाय ग्रणतिं०॥ २७॥

durjanadūrāyatarāṃ sajjanasulabhāya hastapātrāya |tarutalaketināya graṇatiṃ0|| 27||

भवसिन्धुधारयित्रे भवभक्ताय प्रणम्रवश्याय ।भवबन्धविरहिताय प्रणतिं०॥ २८॥

bhavasindhudhārayitre bhavabhaktāya praṇamravaśyāya |bhavabandhavirahitāya praṇatiṃ0|| 28||

त्रिविधस्यापि त्यागं वपुषः कर्तुं स्थलत्रये य इव ।अकरोत्समाधिमस्मै प्रणतिं०॥ २९॥

trividhasyāpi tyāgaṃ vapuṣaḥ kartuṃ sthalatraye ya iva |akarotsamādhimasmai praṇatiṃ0|| 29||

कामिनमपि जितहृदयं क्रूरं शान्तं जडं सुधियम् ।कुरुते यत्करुणाऽस्मै प्रणतिं०॥ ३०॥

kāminamapi jitahṛdayaṃ krūraṃ śāntaṃ jaḍaṃ sudhiyam |kurute yatkaruṇā'smai praṇatiṃ0|| 30||

वेदस्मृतिस्थविद्वल्लक्षणलक्ष्येषु सन्दिहानानाम् ।निश्चयकृते विहर्त्रे प्रणतिं०॥ ३१॥

vedasmṛtisthavidvallakṣaṇalakṣyeṣu sandihānānām |niścayakṛte vihartre praṇatiṃ0|| 31||

बालारुणनिभवपुषे लीलानिर्धूतकामगर्वाय ।लोलाय चितिपरस्यां प्रणति०॥ ३२॥

bālāruṇanibhavapuṣe līlānirdhūtakāmagarvāya |lolāya citiparasyāṃ praṇati0|| 32||

शरणीकृताब सुगुणैणीकृतरक्तपङ्कजाताय ।धरणीसदृक्क्षमाय प्रणति०॥ ३३॥

śaraṇīkṛtāba suguṇaiṇīkṛtaraktapaṅkajātāya |dharaṇīsadṛkkṣamāya praṇati0|| 33||

प्रणताय यतिवरेण्यैर्गणनाथेनाप्यसाध्यविघ्नहृते ।गुणदासीकृतजगते प्रणति०॥ ३४॥

praṇatāya yativareṇyairgaṇanāthenāpyasādhyavighnahṛte |guṇadāsīkṛtajagate praṇati0|| 34||

सहमानाय सहस्राण्यप्यपराधान्प्रणम्रजनरचितान् ।सहसैव मोक्षदात्रे प्रणतिं०॥ ३५॥

sahamānāya sahasrāṇyapyaparādhānpraṇamrajanaracitān |sahasaiva mokṣadātre praṇatiṃ0|| 35||

धृतदेहाय नतावलितूणप्रज्ञाप्रदानवाञ्छातः ।श्रदिक्षिणवक्त्राय प्रणतिं कुर्मः सदाशिवेन्द्राय ॥ ३६॥

dhṛtadehāya natāvalitūṇaprajñāpradānavāñchātaḥ |śradikṣiṇavaktrāya praṇatiṃ kurmaḥ sadāśivendrāya || 36||

तापत्रयार्तहृदयस्तापत्रयहारदक्षनमनमहम् ।गुरुवरबोधितमहिमन् शरणं यास्ये तवाङ्घ्रिकमलयुगम् ॥ ३७॥

tāpatrayārtahṛdayastāpatrayahāradakṣanamanamaham |guruvarabodhitamahiman śaraṇaṃ yāsye tavāṅghrikamalayugam || 37||

सदाऽऽत्मनि विलीनहृत्सकलवेदशास्त्रार्थवित्सरित्तटविहारकृत् सकललोकहृतापहृत् ।सदाशिवपदाम्बुजप्रणतलोकलभ्य ग्रभोसदाशिवयतीट् सदा मयि कृपामपारां कुरु ॥ ३८॥

sadā''tmani vilīnahṛtsakalavedaśāstrārthavitsarittaṭavihārakṛt sakalalokahṛtāpahṛt |sadāśivapadāmbujapraṇatalokalabhya grabhosadāśivayatīṭ sadā mayi kṛpāmapārāṃ kuru || 38||

पुरा यवनकर्तनस्रवदमन्दरक्तोऽपि यःपुनः पदसरोरुहप्रणतमेनमेनोविधिम् ।कृपापरवशः पदं पतनवर्जितं प्राप यत्सदाशिवयतीट् स मय्यनवधिं कृपां सिञ्चतु ॥ ३९॥

purā yavanakartanasravadamandarakto'pi yaḥpunaḥ padasaroruhapraṇatamenamenovidhim |kṛpāparavaśaḥ padaṃ patanavarjitaṃ prāpa yatsadāśivayatīṭ sa mayyanavadhiṃ kṛpāṃ siñcatu || 39||

हृषीकहृतचेतसि प्रहृतदेहके रोगकैरनेकवृजिनालये शमदमादिदिगन्धोज्झिते ।तवाङ्घ्रिपतिते यतौ यतिपते महायोगिराट्सदाशिव कृपां मयि प्रकुरु हेतुशून्यां द्रुतम् ॥ ४०॥

hṛṣīkahṛtacetasi prahṛtadehake rogakairanekavṛjinālaye śamadamādidigandhojjhite |tavāṅghripatite yatau yatipate mahāyogirāṭsadāśiva kṛpāṃ mayi prakuru hetuśūnyāṃ drutam || 40||

न चाहमतिचातुरीरचितशब्दसङ्घैः स्तुतिंविधातुमपि च क्षमो न च जपादिकेऽप्यस्ति मे ।बलं बलवतां वर प्रकुरु हेतुशून्यां विभोसदाशिव कृपां मयि प्रवर योगिनां सत्वरम् ॥ ४१॥

na cāhamaticāturīracitaśabdasaṅghaiḥ stutiṃvidhātumapi ca kṣamo na ca japādike'pyasti me |balaṃ balavatāṃ vara prakuru hetuśūnyāṃ vibhosadāśiva kṛpāṃ mayi pravara yogināṃ satvaram || 41||

शब्दार्थविज्ञानयुता हि लोके वसन्ति लोका बहवः प्रकामम् ।निष्ठायुता न श्रुतदृष्टपूर्वा विना भवन्तं यतिराज नूनम् ॥ ४२॥

śabdārthavijñānayutā hi loke vasanti lokā bahavaḥ prakāmam |niṣṭhāyutā na śrutadṛṣṭapūrvā vinā bhavantaṃ yatirāja nūnam || 42||

स्तोकार्चनप्रीतहृदम्बुजाय पादाब्जचूडापररूपधर्त्रे ।शोकापहर्त्रे तरसा नतानां पाकाय पुण्यस्य नमो यतीश ॥ ४३॥

stokārcanaprītahṛdambujāya pādābjacūḍāpararūpadhartre |śokāpahartre tarasā natānāṃ pākāya puṇyasya namo yatīśa || 43||

नाहं हृषीकाणि विजेतुमीशो नाहं सपर्याभजनादि कर्तुम् ।निसर्गया त्वं दययैव पाहि सदाशिवेमं करुणापयोधे ॥ ४४॥

nāhaṃ hṛṣīkāṇi vijetumīśo nāhaṃ saparyābhajanādi kartum |nisargayā tvaṃ dayayaiva pāhi sadāśivemaṃ karuṇāpayodhe || 44||

कृतयाऽनयानतावलिकोटिगतेनातिमन्दबोधेन ।मुदमेहि नित्यतृप्तप्रवर स्तुत्या सदाशिवायाशु ॥ ४५॥

kṛtayā'nayānatāvalikoṭigatenātimandabodhena |mudamehi nityatṛptapravara stutyā sadāśivāyāśu || 45||

इति श्रीजगद्रुरुशृङ्गगिरिश्रीसच्चिदानन्दशिवाभिनवनृसिंहभारतीस्वामिभिर्विरचिता सदाशिवमहेन्द्रस्तुतिः समाप्ता ॥

iti śrījagadruruśṛṅgagiriśrīsaccidānandaśivābhinavanṛsiṃhabhāratīsvāmibhirviracitā sadāśivamahendrastutiḥ samāptā ||