चिरञ्जीवीप्रार्थना Prayers for Eight Immortal Beings

अश्वत्थामा बलिर्व्यासो हनूमांश्च बिभीषणः ।कृपः परशुरामश्च सप्तैते चिरजीविनः ॥सप्तैतान् संस्मरेन्नित्यं मार्कण्डेयमथाष्टमम् ।जीवेत् वर्षशतं साग्रमपमृत्युविवर्जितः ॥

aśvatthāmā balirvyāso hanūmāṃśca bibhīṣaṇaḥ |kṛpaḥ paraśurāmaśca saptaite cirajīvinaḥ ||saptaitān saṃsmarennityaṃ mārkaṇḍeyamathāṣṭamam |jīvet varṣaśataṃ sāgramapamṛtyuvivarjitaḥ ||

मार्कण्डेयाद्यावाहितदेवताः प्रार्थयेत् ।

mārkaṇḍeyādyāvāhitadevatāḥ prārthayet |

ॐ मार्कण्डेयाय नमः ।

oṃ mārkaṇḍeyāya namaḥ |

पुत्रपौत्रप्रदं नित्यं प्रार्थयामि महामतिम् ।रत्नगर्भसुमङ्गल्यचूतपल्लवशोभितम् ।चन्दनाक्षतपुष्पाढ्यं पूर्णकुम्भं नमोऽस्तु ते ॥ १आयुष्प्रद महाभाग सोमवंशविवर्धन ।महाव्रत महाश्रेष्ठ मार्कण्डेय नमोऽस्तु ते ॥ २मार्कण्डेय महाभाग सप्तकल्पान्तजीवन ।आयुरारोग्यमैश्वर्यमस्माकं वरदो भव ॥ ३नववर्षायुषं प्राप्य तपसा महता परम् ।सप्तकल्पकृतं येन ह्यायुषं मे प्रयच्छतु ॥ ४क्षित्यव्वायुवियत्तेजोब्रह्मविष्णुमहेश्वराः ।मामेव हि सदा पान्तु मार्कण्डेयो भवाम्यहम् ॥ ५मनो बुद्धिरहङ्कारचन्द्रादित्याश्च देवताः ।मामेव हि सदा पान्तु चिरञ्जीवी भवाम्यहम् ॥ ६कालात्मरथमध्यस्थ उग्रवीर क्षयान्तक ।ग्रहर्क्षवत्सराद्यात्मन् नमस्ते मृत्युनायक ॥ ७ममागतादुग्ररथभयादुद्धर रक्षक ।पाहि पाहि महादेव त्वमेव शरणं मम ॥ ८षष्टिसंवत्सरे पूर्णे प्राप्ते ह्युग्ररथाह्वये ।दीर्घायुषं तु मां कुर्वन् सुप्रीतो भव सर्वदा ॥ ९मार्कण्डेय महाभाग कल्पायुर्ज्ञानविग्रह ।आयुर्बलं यशो धैर्यं यच्छ मे ब्रह्मनन्दन ॥ १०

putrapautrapradaṃ nityaṃ prārthayāmi mahāmatim |ratnagarbhasumaṅgalyacūtapallavaśobhitam |candanākṣatapuṣpāḍhyaṃ pūrṇakumbhaṃ namo'stu te || 1āyuṣprada mahābhāga somavaṃśavivardhana |mahāvrata mahāśreṣṭha mārkaṇḍeya namo'stu te || 2mārkaṇḍeya mahābhāga saptakalpāntajīvana |āyurārogyamaiśvaryamasmākaṃ varado bhava || 3navavarṣāyuṣaṃ prāpya tapasā mahatā param |saptakalpakṛtaṃ yena hyāyuṣaṃ me prayacchatu || 4kṣityavvāyuviyattejobrahmaviṣṇumaheśvarāḥ |māmeva hi sadā pāntu mārkaṇḍeyo bhavāmyaham || 5mano buddhirahaṅkāracandrādityāśca devatāḥ |māmeva hi sadā pāntu cirañjīvī bhavāmyaham || 6kālātmarathamadhyastha ugravīra kṣayāntaka |graharkṣavatsarādyātman namaste mṛtyunāyaka || 7mamāgatādugrarathabhayāduddhara rakṣaka |pāhi pāhi mahādeva tvameva śaraṇaṃ mama || 8ṣaṣṭisaṃvatsare pūrṇe prāpte hyugrarathāhvaye |dīrghāyuṣaṃ tu māṃ kurvan suprīto bhava sarvadā || 9mārkaṇḍeya mahābhāga kalpāyurjñānavigraha |āyurbalaṃ yaśo dhairyaṃ yaccha me brahmanandana || 10

अश्वत्थामाद्रौणे मे त्वं महाभाग रुद्रतेजःसमुद्भव ।आयुर्बलं यशो देहि अश्वत्थामन् नमोऽस्तु ते ॥बलिःदैत्येन्द्रकुलसम्भूत यज्ञदानक्रियारत ।बले त्वां शरणं यामि दीर्घमायुः प्रयच्छ मे ॥व्यासःवसिष्ठकुलसम्भूत वेदशास्त्रविशारद ।नारायणांशसम्भूत वेदव्यास नमोऽस्तु ते ॥हनुमान्अञ्जनीगर्भसम्भूत कपीन्द्र सचिवोत्तम ।रामप्रिय नमस्तुभ्यं हनूमन् रक्ष मां सदा ॥बिभीषणःबिभीषण नमस्तुभ्यं रामपादाब्जपूजक ।आयुरारोग्यमैश्वर्यं देहि पौलस्त्यनन्दन ॥कृपःद्विजेन्द्र भरताचार्य सर्वविद्याविशारद ।शरणं त्वां प्रपन्नोऽस्मि कृप मां रक्ष सर्वदा ॥परशुरामःरेणुकेय महावीर्य कार्तवीर्यकृतान्तक ।आयुः प्रयच्छ मे राम जामदग्न्य नमोऽस्तु ते ॥षष्ठीदेवीषष्ठि देवि नमस्तुभ्यं सूतिकागृहशायिनि ।पूजिताऽसि परत्तया दीर्घमायुः प्रयच्छ मे ॥

aśvatthāmādrauṇe me tvaṃ mahābhāga rudratejaḥsamudbhava |āyurbalaṃ yaśo dehi aśvatthāman namo'stu te ||baliḥdaityendrakulasambhūta yajñadānakriyārata |bale tvāṃ śaraṇaṃ yāmi dīrghamāyuḥ prayaccha me ||vyāsaḥvasiṣṭhakulasambhūta vedaśāstraviśārada |nārāyaṇāṃśasambhūta vedavyāsa namo'stu te ||hanumānañjanīgarbhasambhūta kapīndra sacivottama |rāmapriya namastubhyaṃ hanūman rakṣa māṃ sadā ||bibhīṣaṇaḥbibhīṣaṇa namastubhyaṃ rāmapādābjapūjaka |āyurārogyamaiśvaryaṃ dehi paulastyanandana ||kṛpaḥdvijendra bharatācārya sarvavidyāviśārada |śaraṇaṃ tvāṃ prapanno'smi kṛpa māṃ rakṣa sarvadā ||paraśurāmaḥreṇukeya mahāvīrya kārtavīryakṛtāntaka |āyuḥ prayaccha me rāma jāmadagnya namo'stu te ||ṣaṣṭhīdevīṣaṣṭhi devi namastubhyaṃ sūtikāgṛhaśāyini |pūjitā'si parattayā dīrghamāyuḥ prayaccha me ||

आयुर्देह्यभयं देहि अद्य जन्मदिने मम ।रक्ष रक्षस्व मां नित्यं देवानामपि रक्षिणि ॥सर्वदेवप्रियकरि सर्वमङ्गलकं कुरु ! ॥

āyurdehyabhayaṃ dehi adya janmadine mama |rakṣa rakṣasva māṃ nityaṃ devānāmapi rakṣiṇi ||sarvadevapriyakari sarvamaṅgalakaṃ kuru ! ||

इति चिरञ्जीवीप्रार्थना समाप्ता ।

iti cirañjīvīprārthanā samāptā |

णाओर् चल्लेद् षष्ट्यब्दपूर्ति षष्टि पूर्ति

ṇāor called ṣaṣṭyabdapūrti ṣaṣṭi pūrti