मङ्गलश्लोकाः २ Mangalashlokah (2)

ॐकारश्चाथशब्दश्च द्वावेतौ ब्रह्मणः पुरा ।कण्ठं भित्त्वा विनिर्यातौ तस्मान् माङ्गलिकावुभौ ॥देवमङ्गलम्ब्रह्मा वेदपतिः शिवः पशुपतिः सूर्यश्च चक्षुष्पतिःशक्रो देवपतिर्यमः पितृपतिः स्कन्दश्च सेनापतिः ।यक्षो वित्तपतिर्हरिश्च जगतां वायुः पतिः प्राणिनांइत्येता पतयः समेत्य सततं कुर्वन्तु नो मङ्गलम् ॥तीर्थमङ्गलम्गङ्गा सिन्धुसरस्वती च यमुना गोदावरी नर्मदाकावेरी सरयूमहीन्द्रतनया चर्मण्वती वेदिका ।क्षिप्रा वेत्रवती महासुरनदी ख्याता च या गण्डकीपूर्णाः पूर्णजलैः समुद्रसहिताः कुर्वन्तु नो मङ्गलम् ॥रत्नमङ्गलम्लक्ष्मीः कौस्तुभपारिजातकसुरा धन्वन्तरिश्चन्द्रमागावः कामदुघाः सुरेश्वरगजो रम्भादि देवाङ्गनाः ।अश्वः सप्तमुखः सुधाहरिधनुः शङ्खो विषं चाम्बुधेःरत्नानीति चतुर्दश प्रतिदिनं कुर्वन्तु नो मङ्गलम् ॥

oṃkāraścāthaśabdaśca dvāvetau brahmaṇaḥ purā |kaṇṭhaṃ bhittvā viniryātau tasmān māṅgalikāvubhau ||devamaṅgalambrahmā vedapatiḥ śivaḥ paśupatiḥ sūryaśca cakṣuṣpatiḥśakro devapatiryamaḥ pitṛpatiḥ skandaśca senāpatiḥ |yakṣo vittapatirhariśca jagatāṃ vāyuḥ patiḥ prāṇināṃityetā patayaḥ sametya satataṃ kurvantu no maṅgalam ||tīrthamaṅgalamgaṅgā sindhusarasvatī ca yamunā godāvarī narmadākāverī sarayūmahīndratanayā carmaṇvatī vedikā |kṣiprā vetravatī mahāsuranadī khyātā ca yā gaṇḍakīpūrṇāḥ pūrṇajalaiḥ samudrasahitāḥ kurvantu no maṅgalam ||ratnamaṅgalamlakṣmīḥ kaustubhapārijātakasurā dhanvantariścandramāgāvaḥ kāmadughāḥ sureśvaragajo rambhādi devāṅganāḥ |aśvaḥ saptamukhaḥ sudhāharidhanuḥ śaṅkho viṣaṃ cāmbudheḥratnānīti caturdaśa pratidinaṃ kurvantu no maṅgalam ||

इति मङ्गलश्लोकाः सम्पूर्णा ।

iti maṅgalaślokāḥ sampūrṇā |