राहुपञ्चविंशतिनामस्तोत्रम् Rahupanchavimshatinamastotram

श्री गणेशाय नमः ।राहुर्दानवमन्त्री च सिंहिकाचित्तवन्दनः ।अर्धकायः सदाक्रोधी चन्द्रादित्यविमर्दनः ॥ १॥

śrī gaṇeśāya namaḥ |rāhurdānavamantrī ca siṃhikācittavandanaḥ |ardhakāyaḥ sadākrodhī candrādityavimardanaḥ || 1||

रौद्रो रुद्रप्रियो दैत्यः स्वर्भानुर्भानुभीतिदः ।ग्रहराजः सुधापायी राकातिथ्यभिलाषुकः ॥ २॥

raudro rudrapriyo daityaḥ svarbhānurbhānubhītidaḥ |graharājaḥ sudhāpāyī rākātithyabhilāṣukaḥ || 2||

कालदृष्टिः कालरूपः श्रीकण्ठहृदयाश्रयः ।विधुन्तुदः सैंहिकेयो घोररूपो महाबलः ॥ ३॥

kāladṛṣṭiḥ kālarūpaḥ śrīkaṇṭhahṛdayāśrayaḥ |vidhuntudaḥ saiṃhikeyo ghorarūpo mahābalaḥ || 3||

ग्रहपीडाकरो दंष्ट्री रक्तनेत्रो महोदरः ।पञ्चविंशतिनामानि स्मृत्वा राहुं सदा नरः ॥ ४॥

grahapīḍākaro daṃṣṭrī raktanetro mahodaraḥ |pañcaviṃśatināmāni smṛtvā rāhuṃ sadā naraḥ || 4||

यः पठेन्महती पीडा तस्य नश्यति केवलम् ।आरोग्यं पुत्रमतुलां श्रियं धान्यं पशूंस्तथा ॥ ५॥

yaḥ paṭhenmahatī pīḍā tasya naśyati kevalam |ārogyaṃ putramatulāṃ śriyaṃ dhānyaṃ paśūṃstathā || 5||

ददाति राहुस्तस्मै यः पठते स्तोत्रमुत्तमम् ।सततं पठते यस्तु जीवेद्वर्षशतं नरः ॥ ६॥

dadāti rāhustasmai yaḥ paṭhate stotramuttamam |satataṃ paṭhate yastu jīvedvarṣaśataṃ naraḥ || 6||

॥ इति श्रीस्कन्दपुराणे राहुपञ्चविंशतिनामस्तोत्रं सम्पूर्णम् ॥

|| iti śrīskandapurāṇe rāhupañcaviṃśatināmastotraṃ sampūrṇam ||