बुधपञ्चविंशतिनामस्तोत्रम् Budhapanchavimshatinamastotram

श्रीगणेशाय नमः ।अस्य श्रीबुधपञ्चविंशतिनामस्तोत्रस्य प्रजापतिरृषिः\,त्रिष्टुप् छन्दः\, बुधो देवता\, बुधप्रीत्यर्थं जपे विनियोगः ॥बुधो बुद्धिमतां श्रेष्ठो बुद्धिदाता धनप्रदः ।प्रियङ्गुकलिकाश्यामः कञ्जनेत्रो मनोहरः ॥ १॥ग्रहोपमो रौहिणेयो नक्षत्रेशो दयाकरः ।विरुद्धकार्यहन्ता च सौम्यो बुद्धिविवर्धनः ॥ २॥चन्द्रात्मजो विष्णुरूपी ज्ञानी ज्ञो ज्ञानिनायकः ।ग्रहपीडाहरो दारपुत्रधान्यपशुप्रदः ॥ ३॥लोकप्रियः सौम्यमूर्तिर्गुणदो गुणिवत्सलः ।पञ्चविंशतिनामानि बुधस्यैतानि यः पठेत् ॥ ४॥स्मृत्वा बुधं सदा तस्य पीडा सर्वा विनश्यति ।तद्दिने वा पठेद्यस्तु लभते स मनोगतम् ॥ ५॥

śrīgaṇeśāya namaḥ |asya śrībudhapañcaviṃśatināmastotrasya prajāpatirṛṣiḥ\,triṣṭup chandaḥ\, budho devatā\, budhaprītyarthaṃ jape viniyogaḥ ||budho buddhimatāṃ śreṣṭho buddhidātā dhanapradaḥ |priyaṅgukalikāśyāmaḥ kañjanetro manoharaḥ || 1||grahopamo rauhiṇeyo nakṣatreśo dayākaraḥ |viruddhakāryahantā ca saumyo buddhivivardhanaḥ || 2||candrātmajo viṣṇurūpī jñānī jño jñānināyakaḥ |grahapīḍāharo dāraputradhānyapaśupradaḥ || 3||lokapriyaḥ saumyamūrtirguṇado guṇivatsalaḥ |pañcaviṃśatināmāni budhasyaitāni yaḥ paṭhet || 4||smṛtvā budhaṃ sadā tasya pīḍā sarvā vinaśyati |taddine vā paṭhedyastu labhate sa manogatam || 5||

॥ इति श्रीपद्मपुराणे बुधपञ्चविंशतिनामस्तोत्रं सम्पूर्णम् ॥

|| iti śrīpadmapurāṇe budhapañcaviṃśatināmastotraṃ sampūrṇam ||