भौममङ्गलस्तोत्रम् Bhaumamangalastotram

भौमो दक्षिणदिक्त्रिकोणयमदिग्विघ्नेश्वरो रक्तभः ।स्वामी वृश्चिकमेषयोः सुरगुरुश्चार्कः शशी सौहृदः ॥ १॥

bhaumo dakṣiṇadiktrikoṇayamadigvighneśvaro raktabhaḥ |svāmī vṛścikameṣayoḥ suraguruścārkaḥ śaśī sauhṛdaḥ || 1||

ज्ञोऽरिः षट् त्रिफलप्रदश्च वसुधा स्कन्दौ क्रमाद्देवतेभारद्वाजकुलोद्भवः क्षितिसुतः कुर्यात्सदामङ्गलम् ॥ २॥

jño'riḥ ṣaṭ triphalapradaśca vasudhā skandau kramāddevatebhāradvājakulodbhavaḥ kṣitisutaḥ kuryātsadāmaṅgalam || 2||

प्रार्थनाआवाहनं न जानामि न जानामि विसर्जनम् ।पूजां नैव हि जानामि क्षमस्व परमेश्वर ॥ १॥

prārthanāāvāhanaṃ na jānāmi na jānāmi visarjanam |pūjāṃ naiva hi jānāmi kṣamasva parameśvara || 1||

मन्त्रहीनं क्रियाहीनं भक्तिहीनं सुरेश्वर ।यत्पूजितं मया देव परिपूर्णं तदस्तु मे ॥ २॥

mantrahīnaṃ kriyāhīnaṃ bhaktihīnaṃ sureśvara |yatpūjitaṃ mayā deva paripūrṇaṃ tadastu me || 2||

कुज कुप्रभवोऽपि त्वं मङ्गलः परिगद्यसे ।अमङ्गलं निहत्याशु सर्वदा यच्छ मङ्गलम् ॥ ३॥

kuja kuprabhavo'pi tvaṃ maṅgalaḥ parigadyase |amaṅgalaṃ nihatyāśu sarvadā yaccha maṅgalam || 3||

अनया पूजया भौमदेवः प्रीयताम् ।ॐ अङ्गारकाय नमः ॐ लोहिताय नमः ॐ भौमाय नमः ।ॐ शान्तिः ॐ शान्तिः ॐ शान्तिः ॐ ॥इति श्रीभौममङ्गलस्तोत्रं सम्पूर्णम् ॥

anayā pūjayā bhaumadevaḥ prīyatām |oṃ aṅgārakāya namaḥ oṃ lohitāya namaḥ oṃ bhaumāya namaḥ |oṃ śāntiḥ oṃ śāntiḥ oṃ śāntiḥ oṃ ||iti śrībhaumamaṅgalastotraṃ sampūrṇam ||