भौमस्तोत्रम् Bhauma Stotram

ॐ उदयभूधरशिखरकोटरचर दिवाकरसन्निभकुङ्कुमदहनविद्रुमललितपद्मदलाचलद्युते ।ललिततुण्डविचित्रशिखण्डनकुलकुलाधिपवाहनकुरु महीसुत सिद्धसुसेवितपादसरोज मयि कृपाम् ॥ १॥

oṃ udayabhūdharaśikharakoṭaracara divākarasannibhakuṅkumadahanavidrumalalitapadmadalācaladyute |lalitatuṇḍavicitraśikhaṇḍanakulakulādhipavāhanakuru mahīsuta siddhasusevitapādasaroja mayi kṛpām || 1||

ॐ मङ्गलो भूमिपुत्रश्च ऋणहर्ता धनप्रदः ।स्थिरासनो महाकायः सर्वकर्मावबोधकः ॥ २॥ (स्थिरात्मजो)

oṃ maṅgalo bhūmiputraśca ṛṇahartā dhanapradaḥ |sthirāsano mahākāyaḥ sarvakarmāvabodhakaḥ || 2|| (sthirātmajo)

लोहितो लोहिताङ्गश्च सामगायी कृपाकरः ॥ ३॥

lohito lohitāṅgaśca sāmagāyī kṛpākaraḥ || 3||

धर्मराजः कुजो भौमो भूमिजो भूमिनन्दनः । (धरात्मजः कुजो)अङ्गारको यमश्चैव सर्वरोगापहारकः ॥ ४॥

dharmarājaḥ kujo bhaumo bhūmijo bhūminandanaḥ | (dharātmajaḥ kujo)aṅgārako yamaścaiva sarvarogāpahārakaḥ || 4||

सृष्टिकर्ताऽपहर्ताच सर्वकामफलप्रदः । (वृष्टिकर्ताऽपहर्ताच)भूतिदो ग्रहपूज्यश्च वक्रो रक्तवपुः प्रभुः ॥ ५॥

sṛṣṭikartā'pahartāca sarvakāmaphalapradaḥ | (vṛṣṭikartā'pahartāca)bhūtido grahapūjyaśca vakro raktavapuḥ prabhuḥ || 5||

एतानि कुजनामानि यो नित्यं प्रयतः पठेत् ।ऋणं न जायते तस्य धनं प्राप्नोत्यसंशयम् ॥ ६॥

etāni kujanāmāni yo nityaṃ prayataḥ paṭhet |ṛṇaṃ na jāyate tasya dhanaṃ prāpnotyasaṃśayam || 6||

रक्तपुष्पैश्च गन्धैश्च दीपधूपादिभिस्तथा ।मङ्गलं पूजयित्वा तु मङ्गलेऽहनि सर्वदा ॥ ७॥

raktapuṣpaiśca gandhaiśca dīpadhūpādibhistathā |maṅgalaṃ pūjayitvā tu maṅgale'hani sarvadā || 7||

ऋणरेखाः प्रकर्तव्या दग्धाङ्गारैस्तदग्रतः ।सप्तविंशतिनामानि पठित्वा तु तदन्तिके ॥ ८॥

ṛṇarekhāḥ prakartavyā dagdhāṅgāraistadagrataḥ |saptaviṃśatināmāni paṭhitvā tu tadantike || 8||

ताश्च प्रमार्जयेत्पश्चाद्वामपादेन संस्पृशन् ।एवं कृत्वा न सन्देहः ऋणहीनो धनी भवेत् ॥ ९॥

tāśca pramārjayetpaścādvāmapādena saṃspṛśan |evaṃ kṛtvā na sandehaḥ ṛṇahīno dhanī bhavet || 9||

भूमिजस्य प्रसादेन ग्रहपीडा विनश्यति ।येनार्जिता जगत्कीर्तिर्भूमिपुत्रेण शाश्वती ॥ १०॥

bhūmijasya prasādena grahapīḍā vinaśyati |yenārjitā jagatkīrtirbhūmiputreṇa śāśvatī || 10||

शत्रवश्च हता येन भौमेन महितात्मना ।स प्रीयतां तु भौमोऽद्य तुष्टो भूयात्सदा मम ॥ ११॥

śatravaśca hatā yena bhaumena mahitātmanā |sa prīyatāṃ tu bhaumo'dya tuṣṭo bhūyātsadā mama || 11||

इति भौमस्तोत्रं सम्पूर्णम् ।

iti bhaumastotraṃ sampūrṇam |