आदित्यहृदयस्तोत्रम् (पद्मपुराणान्तर्गतम्) Aditya Hridaya Stotram (Padma Purana)

॥ अथ श्रीपद्मपुराणोक्त निरोगकारी आदित्यहृदयप्रयोगः ॥

|| atha śrīpadmapurāṇokta nirogakārī ādityahṛdayaprayogaḥ ||

आदित्यः प्रथमं नाम द्वितीयं तु दिवाकरः ।तृतीयं भास्करः प्रोक्तं चतुर्थं च प्रभाकरः ॥पञ्चमं च सहस्रांशु षष्ठं चैव त्रिलोचनः ।सप्तमं हरिदश्वं च अष्टमं तु अहर्पतिः ॥नवमं दिनकरः प्रोक्तं दशमं द्वादशात्मकः ।एकादशं त्रिमूर्तिश्च द्वादशं सूर्य एव तु ॥॥ फलश्रुति ॥द्वादशादित्यनामानि प्रातःकाले पठेन्नरः ।दुःस्वप्नो नश्यते तस्य सर्वदुःखं च नश्यति ॥दद्रुकुष्टहरं चैव दारिद्र्यं हरते ध्रुवम् ।सर्वतीर्थकरं चैव सर्वकामफलप्रदम् ॥यः पठेत् प्रातरुत्थाय भक्त्या स्तोत्रमिदं नरः ।सौख्यमायुस्तथारोग्यं लभते मोक्षमेव च ॥

ādityaḥ prathamaṃ nāma dvitīyaṃ tu divākaraḥ |tṛtīyaṃ bhāskaraḥ proktaṃ caturthaṃ ca prabhākaraḥ ||pañcamaṃ ca sahasrāṃśu ṣaṣṭhaṃ caiva trilocanaḥ |saptamaṃ haridaśvaṃ ca aṣṭamaṃ tu aharpatiḥ ||navamaṃ dinakaraḥ proktaṃ daśamaṃ dvādaśātmakaḥ |ekādaśaṃ trimūrtiśca dvādaśaṃ sūrya eva tu |||| phalaśruti ||dvādaśādityanāmāni prātaḥkāle paṭhennaraḥ |duḥsvapno naśyate tasya sarvaduḥkhaṃ ca naśyati ||dadrukuṣṭaharaṃ caiva dāridryaṃ harate dhruvam |sarvatīrthakaraṃ caiva sarvakāmaphalapradam ||yaḥ paṭhet prātarutthāya bhaktyā stotramidaṃ naraḥ |saukhyamāyustathārogyaṃ labhate mokṣameva ca ||

॥ सूर्यस्य द्वादशनाम नमस्कारम् ॥ १\। ॐ आदित्याय नमः । २\। ॐ दिवाकराय नमः ।

|| sūryasya dvādaśanāma namaskāram || 1\| oṃ ādityāya namaḥ | 2\| oṃ divākarāya namaḥ |

३\। ॐ भास्कराय नमः । ४\। ॐ प्रभाकराय नमः ।

3\| oṃ bhāskarāya namaḥ | 4\| oṃ prabhākarāya namaḥ |

५\। ॐ सहस्रांशवे नमः । ६\। ॐ त्रिलोचनाय नमः ।

5\| oṃ sahasrāṃśave namaḥ | 6\| oṃ trilocanāya namaḥ |

७\। ॐ हरिदश्वाय नमः । ८\। ॐ विभावसवे नमः ।

7\| oṃ haridaśvāya namaḥ | 8\| oṃ vibhāvasave namaḥ |

९\। ॐ दिनकराय नमः । १०\। ॐ द्वादशात्मकाय नमः ।

9\| oṃ dinakarāya namaḥ | 10\| oṃ dvādaśātmakāya namaḥ |

११\। ॐ त्रिमूर्तये नमः । १२\। ॐ सूर्याय नमः ॥

11\| oṃ trimūrtaye namaḥ | 12\| oṃ sūryāya namaḥ ||

॥ विनियोगः ॥ॐ अस्य श्रीआदित्यहृदयस्तोत्रमन्त्रस्य श्रीकृष्ण ऋषिः\,अनुष्टुप्छन्दः\, श्रीसूर्यनारायणो देवता\, हरितहयरथं दिवाकरंघृणिरिति बीजं\, नमो भगवते जितवैश्वानर जातवेदसेनमः इति शक्तिः\, अंशुमानिति कीलकं\, अग्नि कर्म इति मन्त्रः\,मम सर्वरोगनिवारणाय श्रीसूर्यनारायणप्रीत्यर्थे जपे विनियोगः ।॥ स्तवः ॥अर्कं तु मूर्ध्नि विन्यस्य ललाटे तु रविं न्यसेत् ।विन्यसेत् करयोः सूर्यं कर्णयोश्च दिवाकरम् ॥नासिकायां न्यसेत् भानुं मुखे वै भास्करं न्यसेत् ।पर्जन्यमोष्ठयोश्चैव तीक्ष्णं जिह्वान्तरे न्यसेत् ॥सुवर्णरेतसं कण्ठे स्कन्धयोस्तिग्मतेजसम् ।बाह्वोस्तु पूषणं चैव मित्रं वै पृष्ठतो न्यसेत् ॥वरुणं दक्षिणे हस्ते त्वष्टारं वामतः करे ।हस्तावुष्णकरः पातु हृदयं पातु भानुमान् ॥स्तनभारं महातेजा आदित्यमुदरे न्यसेत् ।पृष्ठे त्वर्घमणं विद्यादादित्यं नाभिमण्डले ॥कट्यां तु विन्यसेद्धंसं रुद्रमूर्वो विन्यसेत् ।जान्होस्तु गोपतिं न्यस्य सवितारं तु जङ्घयोः ॥पादयोस्तु विवस्वन्तं गुल्फयोश्च प्रभाकरम् ।सर्वाङ्गेषु सहस्रांशु दिग्विदिक्षु भगं न्यसेत् ॥बाह्यतस्तु तमोघ्नंसं भगमभ्यन्तरे न्यसेत् ।एष आदित्यविन्यासो देवानामपि दुर्लभः ॥

|| viniyogaḥ ||oṃ asya śrīādityahṛdayastotramantrasya śrīkṛṣṇa ṛṣiḥ\,anuṣṭupchandaḥ\, śrīsūryanārāyaṇo devatā\, haritahayarathaṃ divākaraṃghṛṇiriti bījaṃ\, namo bhagavate jitavaiśvānara jātavedasenamaḥ iti śaktiḥ\, aṃśumāniti kīlakaṃ\, agni karma iti mantraḥ\,mama sarvaroganivāraṇāya śrīsūryanārāyaṇaprītyarthe jape viniyogaḥ ||| stavaḥ ||arkaṃ tu mūrdhni vinyasya lalāṭe tu raviṃ nyaset |vinyaset karayoḥ sūryaṃ karṇayośca divākaram ||nāsikāyāṃ nyaset bhānuṃ mukhe vai bhāskaraṃ nyaset |parjanyamoṣṭhayoścaiva tīkṣṇaṃ jihvāntare nyaset ||suvarṇaretasaṃ kaṇṭhe skandhayostigmatejasam |bāhvostu pūṣaṇaṃ caiva mitraṃ vai pṛṣṭhato nyaset ||varuṇaṃ dakṣiṇe haste tvaṣṭāraṃ vāmataḥ kare |hastāvuṣṇakaraḥ pātu hṛdayaṃ pātu bhānumān ||stanabhāraṃ mahātejā ādityamudare nyaset |pṛṣṭhe tvarghamaṇaṃ vidyādādityaṃ nābhimaṇḍale ||kaṭyāṃ tu vinyaseddhaṃsaṃ rudramūrvo vinyaset |jānhostu gopatiṃ nyasya savitāraṃ tu jaṅghayoḥ ||pādayostu vivasvantaṃ gulphayośca prabhākaram |sarvāṅgeṣu sahasrāṃśu digvidikṣu bhagaṃ nyaset ||bāhyatastu tamoghnaṃsaṃ bhagamabhyantare nyaset |eṣa ādityavinyāso devānāmapi durlabhaḥ ||

॥ न्यासम् ॥मूर्ध्नि अर्काय नमः । ललाटे रवये नमः ।

|| nyāsam ||mūrdhni arkāya namaḥ | lalāṭe ravaye namaḥ |

करयोः सूर्याय नमः । कर्णयोः दिवाकराय नमः ।

karayoḥ sūryāya namaḥ |karṇayoḥ divākarāya namaḥ |

नासिकायां भानवे नमः । मुखे भास्कराय नमः ।

nāsikāyāṃ bhānave namaḥ |mukhe bhāskarāya namaḥ |

ओष्ठयोः पर्जन्याय नमः ।जिह्वायां तीक्ष्णाय नमः ।

oṣṭhayoḥ parjanyāya namaḥ |jihvāyāṃ tīkṣṇāya namaḥ |

कण्ठे सुवर्णरेतसे नमः ।स्कन्धयोः तिग्मतेजसे नमः ।

kaṇṭhe suvarṇaretase namaḥ |skandhayoḥ tigmatejase namaḥ |

बाह्वोः पूषणाय नमः । पृष्ठे मित्राय नमः ।

bāhvoḥ pūṣaṇāya namaḥ | pṛṣṭhe mitrāya namaḥ |

दक्षहस्ते वरुणाय नमः । वामहस्ते त्वष्टारं नमः ।

dakṣahaste varuṇāya namaḥ |vāmahaste tvaṣṭāraṃ namaḥ |

हस्तौ उष्णकराय नमः । हृदये भानुमते नमः ।

hastau uṣṇakarāya namaḥ |hṛdaye bhānumate namaḥ |

स्तनयोः महातेजसे नमः । उदरे आदित्याय नमः ।

stanayoḥ mahātejase namaḥ |udare ādityāya namaḥ |

पृष्ठे अर्घमणाय नमः । नाभौ विद्यादादित्याय नमः ।

pṛṣṭhe arghamaṇāya namaḥ |nābhau vidyādādityāya namaḥ |

कट्यां हंसाय नमः । ऊर्वोः रुद्राय नमः ।

kaṭyāṃ haṃsāya namaḥ | ūrvoḥ rudrāya namaḥ |

जान्होः गोपतये नमः । जङ्घयोः सवित्रे नमः ।

jānhoḥ gopataye namaḥ |jaṅghayoḥ savitre namaḥ |

पादयोः विवस्वते नमः । गुल्फयोः प्रभाकराय नमः ।

pādayoḥ vivasvate namaḥ |gulphayoḥ prabhākarāya namaḥ |

सर्वाङ्गे सहस्रांशवे नमः ।दिग्विदिक्षु भगाय नमः ।

sarvāṅge sahasrāṃśave namaḥ |digvidikṣu bhagāya namaḥ |

बाह्ये तमोघ्नंसाय नमः । अभ्यन्तरे भगाय नमः ।

bāhye tamoghnaṃsāya namaḥ |abhyantare bhagāya namaḥ |

॥ ध्यानम् ॥भास्वद्रत्नाढ्यमौलिः स्फुरदधररुचारञ्जितश्चारुकेशोभास्वान् यो दिव्यतेजाः करकमलयुतः स्वर्णवर्णः प्रभाभिः ।विश्वाकाशावकाशो ग्रहग्रहण सहितो भाति यश्चोदयाद्रौसर्वानन्दप्रदाता हरिहरनमितः पातु मां विश्वचक्षुः ॥

|| dhyānam ||bhāsvadratnāḍhyamauliḥ sphuradadhararucārañjitaścārukeśobhāsvān yo divyatejāḥ karakamalayutaḥ svarṇavarṇaḥ prabhābhiḥ |viśvākāśāvakāśo grahagrahaṇa sahito bhāti yaścodayādrausarvānandapradātā hariharanamitaḥ pātu māṃ viśvacakṣuḥ ||

॥ अर्घ्यम् ॥एहि सूर्य सहस्रांशो तेजोराशिः जगत्पते ।अनुकम्पय मां भक्त्या गृहाणार्घ्यं दिवाकर ॥

|| arghyam ||ehi sūrya sahasrāṃśo tejorāśiḥ jagatpate |anukampaya māṃ bhaktyā gṛhāṇārghyaṃ divākara ||

॥ मन्त्रम् ॥ॐ घृणिः सूर्य आदित्य ।

|| mantram ||oṃ ghṛṇiḥ sūrya āditya |

॥ सूर्यस्तुतिः ॥अग्निमीळे नमस्तुभ्यमीषत्तूर्यस्वरूपिणे ।अग्न्यायाहि वीतये त्वं नमस्ते ज्योतिषां पते ॥शन्नो देवो नमस्तुभ्यं जगच्चक्षुर्नमोऽस्तु ते ।धवलाम्भोरुहणं डाकिनीं श्यामलप्रभाम् ॥विश्वदीप नमस्तुभ्यं नमस्ते जगदात्मने ।पद्मासनः पद्मकरः पद्मगर्भसमद्युतिः ॥सप्ताश्वरथसंयुक्तो द्विभुजो भास्करो रविः ।आदित्यस्य नमस्कारं ये कुर्वन्ति दिने दिने ॥जन्मान्तरसहस्रेषु दारिद्र्यं नोपजायते ।नमो धर्मविपाकाय नमः सुकृतसाक्षिणे ॥नमः प्रत्यक्षदेवाय भास्कराय नमो नमः ।

|| sūryastutiḥ ||agnimīḷe namastubhyamīṣattūryasvarūpiṇe |agnyāyāhi vītaye tvaṃ namaste jyotiṣāṃ pate ||śanno devo namastubhyaṃ jagaccakṣurnamo'stu te |dhavalāmbhoruhaṇaṃ ḍākinīṃ śyāmalaprabhām ||viśvadīpa namastubhyaṃ namaste jagadātmane |padmāsanaḥ padmakaraḥ padmagarbhasamadyutiḥ ||saptāśvarathasaṃyukto dvibhujo bhāskaro raviḥ |ādityasya namaskāraṃ ye kurvanti dine dine ||janmāntarasahasreṣu dāridryaṃ nopajāyate |namo dharmavipākāya namaḥ sukṛtasākṣiṇe ||namaḥ pratyakṣadevāya bhāskarāya namo namaḥ |

उदयगिरिमुपेतं भास्करं पद्महस्तम् ।सकलभुवनरत्नं रत्नरत्नाभिधेयम् ॥तिमिरकरिमृगेन्द्रं बोधकं पद्मिनीनाम् ।सुरवरमभिवन्दे सुन्दरं विश्वरूपम् ॥अन्यथा शरणं नास्ति त्वमेव शरणं मम ।तस्मात् कारुण्यभावेन रक्षस्व परमेश्वर ॥॥ इति श्रीपद्मपुराणे श्रीकृष्णार्जुनेसंवादे आदित्यहृदयस्तोत्रम् ॥

udayagirimupetaṃ bhāskaraṃ padmahastam |sakalabhuvanaratnaṃ ratnaratnābhidheyam ||timirakarimṛgendraṃ bodhakaṃ padminīnām |suravaramabhivande sundaraṃ viśvarūpam ||anyathā śaraṇaṃ nāsti tvameva śaraṇaṃ mama |tasmāt kāruṇyabhāvena rakṣasva parameśvara |||| iti śrīpadmapurāṇe śrīkṛṣṇārjunesaṃvāde ādityahṛdayastotram ||