ललिता चतुःषष्ट्युपचारसङ्ग्रहः Shri Lalita Chatuhshashti Upachara Sangraha

ख़ल्पसुत्रस्।

ख़lpasutras|

ष्रि छन्द्रमोउलिश्वर, ष्रि णरयन षस्त्रिगल् वस् हेल्द्'ख़शिवसि' णरयन षस्त्रिगल्। ःए वस् इन्स्त्रुमेन्तल् इन्

ṣri chandramouliśvara, ṣri ṇarayana ṣastrigal vas held'ख़śivasi' ṇarayana ṣastrigal| ḥe vas instrumental in

ॐ हृन्मध्यनिलये देवि ललिते परदेवते ।चतुष्षष्ट्युपचारांस्ते भक्त्या मातः समर्पये ॥ १॥

oṃ hṛnmadhyanilaye devi lalite paradevate |catuṣṣaṣṭyupacārāṃste bhaktyā mātaḥ samarpaye || 1||

कामेशोत्सङ्गनिलये पाद्यं गृह्णीष्व सादरम् ।भूषणानि समुत्तार्य गन्धतैलं च तेऽर्पये ॥ २॥

kāmeśotsaṅganilaye pādyaṃ gṛhṇīṣva sādaram |bhūṣaṇāni samuttārya gandhatailaṃ ca te'rpaye || 2||

स्नानशालां प्रविश्याऽथ तत्रस्थ मणिपीठके ।उपविश्य सुखेन त्वं देहोद्वर्तनमाचर ॥ ३॥

snānaśālāṃ praviśyā'tha tatrastha maṇipīṭhake |upaviśya sukhena tvaṃ dehodvartanamācara || 3||

उष्णोदकेन ललिते स्नापयाम्यथ भक्तितः ।अभिषिञ्चामि पश्चात्त्वां सौवर्णकलशोदकैः ॥ ४॥

uṣṇodakena lalite snāpayāmyatha bhaktitaḥ |abhiṣiñcāmi paścāttvāṃ sauvarṇakalaśodakaiḥ || 4||

धौतवस्त्रप्रोच्छनं चारक्तक्षौमाम्बरं तथा ।कुचोत्तरीयमरुणमर्पयामि महेश्वरि ॥ ५॥

dhautavastraprocchanaṃ cāraktakṣaumāmbaraṃ tathā |kucottarīyamaruṇamarpayāmi maheśvari || 5||

ततः प्रविश्य चालेपमण्टपं परमेश्वरि ।उपविश्य च सौवर्णपीठे गन्धान्विलेपय ॥ ६॥

tataḥ praviśya cālepamaṇṭapaṃ parameśvari |upaviśya ca sauvarṇapīṭhe gandhānvilepaya || 6||

कालगरुजधूपैश्च धूपये केशपाशकम् ।अर्पयामि च माल्यादि सर्वर्तुकुसुमस्रजः ॥ ७॥

kālagarujadhūpaiśca dhūpaye keśapāśakam |arpayāmi ca mālyādi sarvartukusumasrajaḥ || 7||

भूषामण्टपमाविश्य स्थित्वा सौवर्णपीठके ।माणिक्यमुकुटं मूर्ध्नि दयया स्थापयाम्बिके ॥ ८॥

bhūṣāmaṇṭapamāviśya sthitvā sauvarṇapīṭhake |māṇikyamukuṭaṃ mūrdhni dayayā sthāpayāmbike || 8||

शरत्पार्वणचन्द्रस्य शकलं तत्र शोभताम् ।सिन्दूरेण च सीमन्तमलङ्कुरु दयानिधे ॥ ९॥

śaratpārvaṇacandrasya śakalaṃ tatra śobhatām |sindūreṇa ca sīmantamalaṅkuru dayānidhe || 9||

भाले च तिलकं न्यस्य नेत्रयोरञ्जनं शिवे ।वालीयुगळमप्यम्ब भक्त्या ते विनिवेदये ॥ १०॥

bhāle ca tilakaṃ nyasya netrayorañjanaṃ śive |vālīyugaḷamapyamba bhaktyā te vinivedaye || 10||

मणिकुण्डलमप्यम्ब नासाभरणमेव च ।ताटङ्कयुगळं देवि यावकञ्चाधरेऽर्पये ॥ ११॥

maṇikuṇḍalamapyamba nāsābharaṇameva ca |tāṭaṅkayugaḷaṃ devi yāvakañcādhare'rpaye || 11||

आद्यभूषणसौवर्णचिन्ताकपदकानि च ।महापदकमुक्तावल्येकावल्यादिभूषणम् ॥ १२॥

ādyabhūṣaṇasauvarṇacintākapadakāni ca |mahāpadakamuktāvalyekāvalyādibhūṣaṇam || 12||

छन्नवीरं गृहाणाम्ब केयूरयुगलं तथा ।वलयावलिमङ्गुल्याभरणं ललिताम्बिके ॥ १३॥

channavīraṃ gṛhāṇāmba keyūrayugalaṃ tathā |valayāvalimaṅgulyābharaṇaṃ lalitāmbike || 13||

ओड्याणमथ कट्यन्ते कटिसूत्रञ्च सुन्दरि ।सौभाग्याभरणं पादकटकं नूपुरद्वयम् ॥ १४॥

oḍyāṇamatha kaṭyante kaṭisūtrañca sundari |saubhāgyābharaṇaṃ pādakaṭakaṃ nūpuradvayam || 14||

अर्पयामि जगन्मातः पादयोश्चाङ्गुलीयकम् ।पाशं वामोर्ध्वहस्ते ते दक्षहस्ते तथाङ्कुशम् ॥ १५॥

arpayāmi jaganmātaḥ pādayoścāṅgulīyakam |pāśaṃ vāmordhvahaste te dakṣahaste tathāṅkuśam || 15||

अन्यस्मिन्वामहस्ते च तथा पुण्ड्रेक्षुचापकम् ।पुष्पबाणांश्च दक्षाधः पाणौ धारय सुन्दरि ॥ १६॥

anyasminvāmahaste ca tathā puṇḍrekṣucāpakam |puṣpabāṇāṃśca dakṣādhaḥ pāṇau dhāraya sundari || 16||

अर्पयामि च माणिक्यपादुके पादयोः शिवे ।आरोहावृतिदेवीभिः चक्रं परशिवे मुदा ॥ १७॥

arpayāmi ca māṇikyapāduke pādayoḥ śive |ārohāvṛtidevībhiḥ cakraṃ paraśive mudā || 17||

समानवेषभूषाभिः साकं त्रिपुरसुन्दरि ।तत्र कामेशवामाङ्कपर्यङ्कोपनिवेशिनीम् ॥ १८॥

samānaveṣabhūṣābhiḥ sākaṃ tripurasundari |tatra kāmeśavāmāṅkaparyaṅkopaniveśinīm || 18||

अमृतासवपानेन मुदितां त्वां सदा भजे ।शुद्धेन गाङ्गतोयेन पुनराचमनं कुरु ॥ १९॥

amṛtāsavapānena muditāṃ tvāṃ sadā bhaje |śuddhena gāṅgatoyena punarācamanaṃ kuru || 19||

कर्पूरवीटिकामास्ये ततोऽम्ब विनिवेशय ।आनन्दोल्लासहासेन विलसन्मुखपङ्कजाम् ॥ २०॥

karpūravīṭikāmāsye tato'mba viniveśaya |ānandollāsahāsena vilasanmukhapaṅkajām || 20||

भक्तिमत्कल्पलितिकां कृतीस्यां त्वां स्मरन् कदा ।मङ्गलारार्तिकं छत्रं चामरं दर्पणं तथा ।ताळवृन्तं गन्धपुष्पधूपदीपांश्च तेऽर्पये ॥ २१॥

bhaktimatkalpalitikāṃ kṛtīsyāṃ tvāṃ smaran kadā |maṅgalārārtikaṃ chatraṃ cāmaraṃ darpaṇaṃ tathā |tāḷavṛntaṃ gandhapuṣpadhūpadīpāṃśca te'rpaye || 21||

श्रीकामेश्वरि तप्तहाटककृतैः स्थालीसहस्रैर्भृतम्दिव्यान्नं घृतसूपशाकभरितं चित्रान्नभेदैर्युतम् ।दुग्धान्नं मधुशर्करादधियुतं माणिक्यपात्रार्पितम्माषापूपकपूरिकादिसहितं नैवेद्यमम्बाऽर्पये ॥ २२॥

śrīkāmeśvari taptahāṭakakṛtaiḥ sthālīsahasrairbhṛtamdivyānnaṃ ghṛtasūpaśākabharitaṃ citrānnabhedairyutam |dugdhānnaṃ madhuśarkarādadhiyutaṃ māṇikyapātrārpitammāṣāpūpakapūrikādisahitaṃ naivedyamambā'rpaye || 22||

साग्रविंशतिपद्योक्तचतुष्षष्ट्युपचारतः ।हृन्मध्यनिलया माता ललिता परितुष्यतु ॥ २३॥

sāgraviṃśatipadyoktacatuṣṣaṣṭyupacārataḥ |hṛnmadhyanilayā mātā lalitā parituṣyatu || 23||

श्रीमुखाख्यस्य वर्षस्य तुलायां शुक्लपक्षके ।चतुर्थ्यामपराह्णे च ललितार्पितमानसः ॥ २४॥

śrīmukhākhyasya varṣasya tulāyāṃ śuklapakṣake |caturthyāmaparāhṇe ca lalitārpitamānasaḥ || 24||

साग्रविंशतिपद्यैस्तु चतुष्षष्ट्युपचारकान् ।समग्रहीत्पराम्बायाः प्रीत्यै नारायणो मुदा ॥ २५॥

sāgraviṃśatipadyaistu catuṣṣaṣṭyupacārakān |samagrahītparāmbāyāḥ prītyai nārāyaṇo mudā || 25||

नारायणः श्रीपुरुषोत्तमात्मजोऽलिखन्महीषूरपुरे वसन्कृती ।देवीसपर्यामखिलाभिलाषदां कामेशवामाङ्कगता प्रसीदतु ॥इति श्रीललिता चतुःषष्ट्युपचारसङ्ग्रहः ।॥ इति शिवम् ॥

nārāyaṇaḥ śrīpuruṣottamātmajo'likhanmahīṣūrapure vasankṛtī |devīsaparyāmakhilābhilāṣadāṃ kāmeśavāmāṅkagatā prasīdatu ||iti śrīlalitā catuḥṣaṣṭyupacārasaṅgrahaḥ ||| iti śivam ||