लक्ष्मीसुप्रभातम् Shri Lakshmi Shuprabhatam

मातः प्रसन्नवदनाम्बुजनिर्जिताब्जेक्षीराब्धिजे सकललोकपवित्रमूर्ते ।आर्तप्रपन्नजनवन्दितपादपद्मेश्रीदेवि लक्ष्मि भवतात्तव सुप्रभातम् ॥ १॥

mātaḥ prasannavadanāmbujanirjitābjekṣīrābdhije sakalalokapavitramūrte |ārtaprapannajanavanditapādapadmeśrīdevi lakṣmi bhavatāttava suprabhātam || 1||

सद्योविकासि कुसुमेषु सुगन्धमत्ताःगायन्ति मातरमितं भ्रमरा यशस्ते ।तन्मञ्जुनादपरिबोधितदिव्यदेविश्रीदेवि लक्ष्मि भवतात्तव सुप्रभातम् ॥ २॥

sadyovikāsi kusumeṣu sugandhamattāḥgāyanti mātaramitaṃ bhramarā yaśaste |tanmañjunādaparibodhitadivyadeviśrīdevi lakṣmi bhavatāttava suprabhātam || 2||

स्नात्वामलः सुरगजः सुरदीर्घिकायांशुण्डोद्धृताब्जविलसद्वदनेन तूर्णम् ।सन्तिष्ठते गृहमुखे तव भक्तवर्यःश्रीदेवि लक्ष्मि भवतात्तव सुप्रभातम् ॥ ३॥

snātvāmalaḥ suragajaḥ suradīrghikāyāṃśuṇḍoddhṛtābjavilasadvadanena tūrṇam |santiṣṭhate gṛhamukhe tava bhaktavaryaḥśrīdevi lakṣmi bhavatāttava suprabhātam || 3||

शोभां तवैव वदनस्य सदा नवीनांसम्प्राप्य भानुरिह लोकतमःप्रहन्ता ।प्राचीं दिशं भजति सोऽपि तवैव भक्तःश्रीदेवि लक्ष्मि भवतात्तव सुप्रभातम् ॥ ४॥

śobhāṃ tavaiva vadanasya sadā navīnāṃsamprāpya bhānuriha lokatamaḥprahantā |prācīṃ diśaṃ bhajati so'pi tavaiva bhaktaḥśrīdevi lakṣmi bhavatāttava suprabhātam || 4||

पद्मानि सन्ति रुचिराणि मनोहराणिवायुस्तथा वहति मन्दगतिः प्रभाते ।चेतोहरीह सुषमा प्रकृतेस्तवेयंश्रीदेवि लक्ष्मि भवतात्तव सुप्रभातम् ॥ ५॥

padmāni santi rucirāṇi manoharāṇivāyustathā vahati mandagatiḥ prabhāte |cetoharīha suṣamā prakṛtestaveyaṃśrīdevi lakṣmi bhavatāttava suprabhātam || 5||

पूर्वाद्रिसानुशिखरात् समधिष्ठितोऽयंभानुः क्षणं लसति देवि महाप्रकाशः ।त्वन्मूर्तिराजितकिरीटमणिप्रकाशःश्रीदेवि लक्ष्मि भवतात्तव सुप्रभातम् ॥ ६॥

pūrvādrisānuśikharāt samadhiṣṭhito'yaṃbhānuḥ kṣaṇaṃ lasati devi mahāprakāśaḥ |tvanmūrtirājitakirīṭamaṇiprakāśaḥśrīdevi lakṣmi bhavatāttava suprabhātam || 6||

त्वद्दर्शनार्थमभियान्ति सुरेन्द्रमुख्याःदेवास्त्वदीयपदपङ्कजदत्तचित्ताः ।आयोज्य तान् लससि कर्मचये त्वमेवश्रीदेवि लक्ष्मि भवतात्तव सुप्रभातम् ॥ ७॥

tvaddarśanārthamabhiyānti surendramukhyāḥdevāstvadīyapadapaṅkajadattacittāḥ |āyojya tān lasasi karmacaye tvamevaśrīdevi lakṣmi bhavatāttava suprabhātam || 7||

प्रत्यग्रपुष्पनिचयं स्वकरैर्गृहीत्वात्वत्पूजनाय मनुजा धृतशुभ्रवस्त्राः ।आयान्ति मन्दिरमितस्तव भक्तियुक्ताःश्रीदेवि लक्ष्मि भवतात्तव सुप्रभातम् ॥ ८॥

pratyagrapuṣpanicayaṃ svakarairgṛhītvātvatpūjanāya manujā dhṛtaśubhravastrāḥ |āyānti mandiramitastava bhaktiyuktāḥśrīdevi lakṣmi bhavatāttava suprabhātam || 8||

पद्मप्रिये रुचिरपद्ममुखि स्मितासिपद्मालये विजितपद्मविभेत्रि तन्वि ।त्वं पाहि नूनमनिशं जनतां भयार्तेःश्रीदेवि लक्ष्मि भवतात्तव सुप्रभातम् ॥ ९॥

padmapriye rucirapadmamukhi smitāsipadmālaye vijitapadmavibhetri tanvi |tvaṃ pāhi nūnamaniśaṃ janatāṃ bhayārteḥśrīdevi lakṣmi bhavatāttava suprabhātam || 9||

अम्ब त्वमेव जगतां प्रतिमा रिरिक्षुःनित्योऽर्पिता लससि शाश्वतधर्मगोप्त्री ।त्वामाश्रिता जहति दुःखचयं हि भक्ताःश्रीदेवि लक्ष्मि भवतात्तव सुप्रभातम् ॥ १०॥

amba tvameva jagatāṃ pratimā ririkṣuḥnityo'rpitā lasasi śāśvatadharmagoptrī |tvāmāśritā jahati duḥkhacayaṃ hi bhaktāḥśrīdevi lakṣmi bhavatāttava suprabhātam || 10||

मातर्मदीयहृदये सदयं वसानामज्जीवनं हि कुरु सार्थकमात्मदीप्त्या ।त्वामाश्रितो भवति नैव विपद्भयार्तःश्रीदेवि लक्ष्मि भवतात्तव सुप्रभातम् ॥ ११॥

mātarmadīyahṛdaye sadayaṃ vasānāmajjīvanaṃ hi kuru sārthakamātmadīptyā |tvāmāśrito bhavati naiva vipadbhayārtaḥśrīdevi lakṣmi bhavatāttava suprabhātam || 11||

त्वं श्रीहरेर्हृदयमेव सदाऽऽश्रितासिप्रीतिं ततो वहसि लोकशुभाय मातः ।तत्प्रेममूर्तिरभयं सदयं तनोषिश्रीदेवि लक्ष्मि भवतात्तव सुप्रभातम् ॥ १२॥

tvaṃ śrīharerhṛdayameva sadā''śritāsiprītiṃ tato vahasi lokaśubhāya mātaḥ |tatpremamūrtirabhayaṃ sadayaṃ tanoṣiśrīdevi lakṣmi bhavatāttava suprabhātam || 12||

प्रेमप्रफुल्लनयनान्तनिरीक्षणेनश्रीमन् तनोषि जगतां दयया दयाब्धे ।वात्सल्यमूर्तिरसि सन्ततलोकमाताश्रीदेवि लक्ष्मि भवतात्तव सुप्रभातम् ॥ १३॥

premapraphullanayanāntanirīkṣaṇenaśrīman tanoṣi jagatāṃ dayayā dayābdhe |vātsalyamūrtirasi santatalokamātāśrīdevi lakṣmi bhavatāttava suprabhātam || 13||

त्वन्नेत्रभानुसुविकासितपद्मतल्पोभानुश्चकास्ति गगने सततप्रकाशः ।नित्यं नभःस्थनलिनीजलमध्यभागेश्रीदेवि लक्ष्मि भवतात्तव सुप्रभातम् ॥ १४॥

tvannetrabhānusuvikāsitapadmatalpobhānuścakāsti gagane satataprakāśaḥ |nityaṃ nabhaḥsthanalinījalamadhyabhāgeśrīdevi lakṣmi bhavatāttava suprabhātam || 14||

मन्दस्मिताङ्कुरविभाकमनीयशोभःचन्द्रो विभाति रुचिरो नभसि प्रदीप्तः ।त्वन्मन्दहास इव भाति हि चन्द्रिकेयंश्रीदेवि लक्ष्मि भवतात्तव सुप्रभातम् ॥ १५॥

mandasmitāṅkuravibhākamanīyaśobhaḥcandro vibhāti ruciro nabhasi pradīptaḥ |tvanmandahāsa iva bhāti hi candrikeyaṃśrīdevi lakṣmi bhavatāttava suprabhātam || 15||

त्वन्निर्मलेषु हृदयेषु सदैव रूढातत्संपदं च सततं द्विगुणां करोषि ।सम्पन्नता त्वमसि मङ्गलदेवि मातःश्रीदेवि लक्ष्मि भवतात्तव सुप्रभातम् ॥ १६॥

tvannirmaleṣu hṛdayeṣu sadaiva rūḍhātatsaṃpadaṃ ca satataṃ dviguṇāṃ karoṣi |sampannatā tvamasi maṅgaladevi mātaḥśrīdevi lakṣmi bhavatāttava suprabhātam || 16||

आजन्मनः सकललोकविशिष्टवाञ्छाःसम्पूर्य मोक्षमपि देवि त्वमेव दत्से ।त्वामाश्रितोऽस्मि वरदायिनि लोकमातःश्रीदेवि लक्ष्मि भवतात्तव सुप्रभातम् ॥ १७॥

ājanmanaḥ sakalalokaviśiṣṭavāñchāḥsampūrya mokṣamapi devi tvameva datse |tvāmāśrito'smi varadāyini lokamātaḥśrīdevi lakṣmi bhavatāttava suprabhātam || 17||

नारायणस्य परिपूर्णमहत्स्वरूपेनारायणि प्रियतरे कुरु मां कृतार्थम् ।त्वं श्रीहरिप्रियतमासि तदीयचित्ताश्रीदेवि लक्ष्मि भवतात्तव सुप्रभातम् ॥ १८॥

nārāyaṇasya paripūrṇamahatsvarūpenārāyaṇi priyatare kuru māṃ kṛtārtham |tvaṃ śrīharipriyatamāsi tadīyacittāśrīdevi lakṣmi bhavatāttava suprabhātam || 18||

नेत्राञ्चलप्रणयवर्षणमत्तचित्तोनारायणस्तव सदा रमते हृदब्जे ।तत्प्रेममूर्तिरसि देवि सदैव मातःश्रीदेवि लक्ष्मि भवतात्तव सुप्रभातम् ॥ १९॥

netrāñcalapraṇayavarṣaṇamattacittonārāyaṇastava sadā ramate hṛdabje |tatpremamūrtirasi devi sadaiva mātaḥśrīdevi lakṣmi bhavatāttava suprabhātam || 19||

पश्यात्र देवि मुनिलोकमपि प्रपन्नंश्रीसूक्तमन्त्रजपकोटिपवित्रचित्तम् ।पायास्तमुग्रतपसं तव भक्तिपूतंश्रीदेवि लक्ष्मि भवतात्तव सुप्रभातम् ॥ २०॥

paśyātra devi munilokamapi prapannaṃśrīsūktamantrajapakoṭipavitracittam |pāyāstamugratapasaṃ tava bhaktipūtaṃśrīdevi lakṣmi bhavatāttava suprabhātam || 20||

पृथ्वीजलंतपनवायुनभांसि चापित्वामाश्रितानि खलु कर्मसु शक्तिकानि ।सर्वं तवैव महिमेति श्रुतिः समिन्धेश्रीदेवि लक्ष्मि सततं भवतात् प्रभातम् ॥ २१॥

pṛthvījalaṃtapanavāyunabhāṃsi cāpitvāmāśritāni khalu karmasu śaktikāni |sarvaṃ tavaiva mahimeti śrutiḥ samindheśrīdevi lakṣmi satataṃ bhavatāt prabhātam || 21||

श्रुत्यन्तमूर्ध्नि नतमानसपद्मपूगेफुल्लारविन्दनिचये च शिशोश्च हासे ।त्वं निर्मले वससि देवि सदैव चित्तेश्रीदेवि लक्ष्मि भवतात्तव सुप्रभातम् ॥ २२॥

śrutyantamūrdhni natamānasapadmapūgephullāravindanicaye ca śiśośca hāse |tvaṃ nirmale vasasi devi sadaiva citteśrīdevi lakṣmi bhavatāttava suprabhātam || 22||

लक्ष्मि स्वयं वससि शुद्धधनेऽत्र लोकेधान्ये तथैव विजये स्वपराक्रमाप्ते ।ज्ञाने च शान्तिसहिते परिपूर्णरूपेश्रीदेवि लक्ष्मि भवतात्तव सुप्रभातम् ॥ २३॥

lakṣmi svayaṃ vasasi śuddhadhane'tra lokedhānye tathaiva vijaye svaparākramāpte |jñāne ca śāntisahite paripūrṇarūpeśrīdevi lakṣmi bhavatāttava suprabhātam || 23||

सायन्तने वससि निर्मलगोसमूहेवत्सप्रिये शिशुषु दोहनकर्मसक्ते ।दुग्धेऽपि गोरिह सतां परिपोषरूपाश्रीदेवि लक्ष्मि भवतात्तव सुप्रभातम् ॥ २४॥

sāyantane vasasi nirmalagosamūhevatsapriye śiśuṣu dohanakarmasakte |dugdhe'pi goriha satāṃ paripoṣarūpāśrīdevi lakṣmi bhavatāttava suprabhātam || 24||

त्वं पर्वतेषु परिरम्यशिखिस्थलेषुपुष्पादिकेषु निबिडेषु वनस्थलेषु ।मन्दाकिनीषु तटिनीषु जलस्थलेषुश्रीदेवि लक्ष्मि भवतात्तव सुप्रभातम् ॥ २५॥

tvaṃ parvateṣu pariramyaśikhisthaleṣupuṣpādikeṣu nibiḍeṣu vanasthaleṣu |mandākinīṣu taṭinīṣu jalasthaleṣuśrīdevi lakṣmi bhavatāttava suprabhātam || 25||

प्राणादिसंयमपरेषु सदा हृदन्तेनारायणस्मृतिपरेषु च मानवेषु ।मातः सदा लससि बोधमहत्स्वरूपाश्रीदेवि लक्ष्मि भवतात्तव सुप्रभातम् ॥ २६॥

prāṇādisaṃyamapareṣu sadā hṛdantenārāyaṇasmṛtipareṣu ca mānaveṣu |mātaḥ sadā lasasi bodhamahatsvarūpāśrīdevi lakṣmi bhavatāttava suprabhātam || 26||

त्वामाश्रितो जगति पुण्यफलं समस्तंसम्प्राप्नुते तदनु मोक्षपदं तथान्ते ।त्वामाश्रितश्च मधुसूदनमाश्रितः सन्श्रीदेवि लक्ष्मि भवतात्तव सुप्रभातम् ॥ २७॥

tvāmāśrito jagati puṇyaphalaṃ samastaṃsamprāpnute tadanu mokṣapadaṃ tathānte |tvāmāśritaśca madhusūdanamāśritaḥ sanśrīdevi lakṣmi bhavatāttava suprabhātam || 27||

सम्प्रत्यहो मनुजबुद्धिरतीव दुष्टासम्पत्फलाय कुरुते खलु दुष्टयत्ना ।संस्कार्य ताञ्च जननीव समुद्धरेस्त्वंश्रीदेवि लक्ष्मि भवतात्तव सुप्रभातम् ॥ २८॥

sampratyaho manujabuddhiratīva duṣṭāsampatphalāya kurute khalu duṣṭayatnā |saṃskārya tāñca jananīva samuddharestvaṃśrīdevi lakṣmi bhavatāttava suprabhātam || 28||

न त्वां विना मनुजजन्मफलं जगत्यांसंप्राप्नुयां हि सकलं विकलं स्वशक्त्या । (संप्राप्नुयां हि सकलानि सदा)तस्मात्त्वमेव परिपाहि दयां कुरुष्वश्रीदेवि लक्ष्मि भवतात्तव सुप्रभातम् ॥ २९॥

na tvāṃ vinā manujajanmaphalaṃ jagatyāṃsaṃprāpnuyāṃ hi sakalaṃ vikalaṃ svaśaktyā | (saṃprāpnuyāṃ hi sakalāni sadā)tasmāttvameva paripāhi dayāṃ kuruṣvaśrīdevi lakṣmi bhavatāttava suprabhātam || 29||

मधुमथनकटाक्षप्रेमभाण्डाररूपासकलविमलसम्पद्वृद्धिरूपा च लक्ष्मीः ।लसतु मम हृदब्जे पूर्णबोधात्मना सादिशतु च भुवि सर्वं योग्यमात्यन्तिकं च ॥ ३०॥

madhumathanakaṭākṣapremabhāṇḍārarūpāsakalavimalasampadvṛddhirūpā ca lakṣmīḥ |lasatu mama hṛdabje pūrṇabodhātmanā sādiśatu ca bhuvi sarvaṃ yogyamātyantikaṃ ca || 30||

ॐ शान्तिः शान्तिः शान्तिः ।

oṃ śāntiḥ śāntiḥ śāntiḥ |