लक्ष्मीनृसिंहाष्टोत्तरशतनामस्तोत्रम् ४ Lakshminrisimh Ashtottarashata Nama Stotram

श्रीगणेशाय नमः ।नारसिंहो महासिंहो दिव्यसिंहो महाबलः ।उग्रसिंहो महादेवः स्तम्भजश्वोग्रलोचनः ॥ १॥

śrīgaṇeśāya namaḥ |nārasiṃho mahāsiṃho divyasiṃho mahābalaḥ |ugrasiṃho mahādevaḥ stambhajaśvogralocanaḥ || 1||

रौद्रः सर्वाद्भुतः श्रीमान् योगानन्दस्त्रिविक्रमः ।हरिः कोलाहलश्चक्री विजयो जयवर्धनः ॥ २॥

raudraḥ sarvādbhutaḥ śrīmān yogānandastrivikramaḥ |hariḥ kolāhalaścakrī vijayo jayavardhanaḥ || 2||

पञ्चाननः परं ब्रह्म चाघोरो घोरविक्रमः ।ज्वलन्मुखो ज्वालमाली महाज्वालो महाप्रभुः ॥ ३॥

pañcānanaḥ paraṃ brahma cāghoro ghoravikramaḥ |jvalanmukho jvālamālī mahājvālo mahāprabhuḥ || 3||

निटिलाक्षः सहस्राक्षो दुर्निरीक्ष्यः प्रतापनः ।महादंष्ट्रायुधः प्राज्ञश्चण्डकोपी सदाशिवः ॥ ४॥

niṭilākṣaḥ sahasrākṣo durnirīkṣyaḥ pratāpanaḥ |mahādaṃṣṭrāyudhaḥ prājñaścaṇḍakopī sadāśivaḥ || 4||

हिरण्यकशिपुध्वंसी दैत्यदानवभञ्जनः ।गुणभद्रो महाभद्रो बलभद्रः सुभद्रकः ॥ ५॥

hiraṇyakaśipudhvaṃsī daityadānavabhañjanaḥ |guṇabhadro mahābhadro balabhadraḥ subhadrakaḥ || 5||

करालो विकरालश्च विकर्ता सर्वकर्तृकः ।शिंशुमारस्त्रिलोकात्मा ईशः सर्वेश्वरो विभुः ॥ ६॥

karālo vikarālaśca vikartā sarvakartṛkaḥ |śiṃśumārastrilokātmā īśaḥ sarveśvaro vibhuḥ || 6||

भैरवाडम्बरो दिव्यश्चाच्युतः कविमाधवः ।अधोक्षजोऽक्षरः शर्वो वनमाली वरप्रदः ॥ ७॥

bhairavāḍambaro divyaścācyutaḥ kavimādhavaḥ |adhokṣajo'kṣaraḥ śarvo vanamālī varapradaḥ || 7||

विश्वम्भरोऽद्भुतो भव्य श्रीविष्णुः पुरुषोत्तमः ।अमोघास्त्रो नखास्त्रश्च सूर्यज्योतिः सुरेश्वरः ॥ ८॥

viśvambharo'dbhuto bhavya śrīviṣṇuḥ puruṣottamaḥ |amoghāstro nakhāstraśca sūryajyotiḥ sureśvaraḥ || 8||

सहस्रबाहुः सर्वज्ञः सर्वसिद्धिप्रदायकः ।वज्रदंष्ट्रो वज्रनखो महानन्दः परन्तपः ॥ ९॥

sahasrabāhuḥ sarvajñaḥ sarvasiddhipradāyakaḥ |vajradaṃṣṭro vajranakho mahānandaḥ parantapaḥ || 9||

सर्वमन्त्रैकरूपश्च सर्वमन्त्रविदारणः ।सर्वतन्त्रात्मकोऽव्यक्तः सुव्यक्तो भक्तवत्सलः ॥ १०॥

sarvamantraikarūpaśca sarvamantravidāraṇaḥ |sarvatantrātmako'vyaktaḥ suvyakto bhaktavatsalaḥ || 10||

वैशाख शुक्लभूतोत्थशरणागतवत्सलः ।उदारकीर्तिः पुण्यात्मा महात्मा चण्डविक्रमः ॥ ११॥

vaiśākha śuklabhūtotthaśaraṇāgatavatsalaḥ |udārakīrtiḥ puṇyātmā mahātmā caṇḍavikramaḥ || 11||

वेदत्रयप्रपूज्यश्च भगवान्परमेश्वरः ।श्रीवत्साङ्कः श्रीनिवासो जगद्व्यापी जगन्मयः ॥ १२॥

vedatrayaprapūjyaśca bhagavānparameśvaraḥ |śrīvatsāṅkaḥ śrīnivāso jagadvyāpī jaganmayaḥ || 12||

जगत्पालो जगन्नाथो महाकायो द्विरूपभृत् ।परमात्मा परं ज्योतिर्निर्गुणश्च नृकेसरी ॥ १३॥

jagatpālo jagannātho mahākāyo dvirūpabhṛt |paramātmā paraṃ jyotirnirguṇaśca nṛkesarī || 13||

परमत्वं परं धाम सच्चिदानन्दविग्रहः ।लक्ष्मीनृसिंहः सर्वात्मा धीरः प्रह्लादपालकः ॥ १४॥

paramatvaṃ paraṃ dhāma saccidānandavigrahaḥ |lakṣmīnṛsiṃhaḥ sarvātmā dhīraḥ prahlādapālakaḥ || 14||

इदं लक्ष्मीनृसिंहस्य नाम्नामष्टोत्तरं शतम् ।त्रिसन्ध्यं यः पठेद्भक्त्या सर्वाभीष्टमवाप्नुयात् ॥ १५॥

idaṃ lakṣmīnṛsiṃhasya nāmnāmaṣṭottaraṃ śatam |trisandhyaṃ yaḥ paṭhedbhaktyā sarvābhīṣṭamavāpnuyāt || 15||

इति लक्ष्मीनृसिंहाष्टोत्तरशतनामस्तोत्रं सम्पूर्णम् ॥

iti lakṣmīnṛsiṃhāṣṭottaraśatanāmastotraṃ sampūrṇam ||