पञ्चघाटीस्तोत्रम् धाटिपञ्चकम् च Shripanchadhatistotram

धाटिपञ्चकम्श्रीमद्वेङ्कटनाथार्यः कवितार्किक केसरी ।वेदान्ताचार्य वर्य्यो में सन्न्निधत्तांसदा हृदि ॥पाषण्डद्रुमषण्डदावदहनश्चार्वाकशैलाशनिर्बौद्धध्वान्तनिरासवासरपतिर्जैनेभकण्ठीरवः ।मायावादिभुजङ्गभङ्गगरुडस्त्रैविद्यचूडामणिःश्रीरङ्गेशजयध्वजो विजयते रामानुजोऽयं मुनिः ॥ १॥

dhāṭipañcakamśrīmadveṅkaṭanāthāryaḥ kavitārkika kesarī |vedāntācārya varyyo meṃ sannnidhattāṃsadā hṛdi ||pāṣaṇḍadrumaṣaṇḍadāvadahanaścārvākaśailāśanirbauddhadhvāntanirāsavāsarapatirjainebhakaṇṭhīravaḥ |māyāvādibhujaṅgabhaṅgagaruḍastraividyacūḍāmaṇiḥśrīraṅgeśajayadhvajo vijayate rāmānujo'yaṃ muniḥ || 1||

पाषण्डषण्डगिरिखण्डनवज्रदण्डाःप्रच्छन्नबौद्धमकरालयमन्थदण्डाः ।वेदान्तसारसुखदर्शनदीपदण्डाःरामानुजस्य विलसन्ति मुनेस्त्रिदण्डाः ॥ २॥

pāṣaṇḍaṣaṇḍagirikhaṇḍanavajradaṇḍāḥpracchannabauddhamakarālayamanthadaṇḍāḥ |vedāntasārasukhadarśanadīpadaṇḍāḥrāmānujasya vilasanti munestridaṇḍāḥ || 2||

चारित्रोद्धारदण्डं चतुर्नयपथालङ्क्रियाकेतुदण्डंसद्विद्यादीपदण्डं सकलकलिकथासंहृतेः कालदण्डम् ।त्रय्यन्तालम्बदण्डं त्रिभुवनविजयच्छत्रसौवर्णदण्डंधत्ते रामानुजार्यः प्रतिकथकशिरोवज्रदण्डं त्रिदण्डम् ॥ ३॥

cāritroddhāradaṇḍaṃ caturnayapathālaṅkriyāketudaṇḍaṃsadvidyādīpadaṇḍaṃ sakalakalikathāsaṃhṛteḥ kāladaṇḍam |trayyantālambadaṇḍaṃ tribhuvanavijayacchatrasauvarṇadaṇḍaṃdhatte rāmānujāryaḥ pratikathakaśirovajradaṇḍaṃ tridaṇḍam || 3||

त्रय्या माङ्गल्यसूत्रं त्रियुगयुगपथारोहणालम्बसूत्रंसद्विद्यादीपसूत्रं सगुणनयकथासम्पदां हारसूत्रम् ।प्रज्ञासूत्रं बुधानां प्रशमधनमनः पद्मिनीनालसूत्रंरक्षासूत्रं यतीनां जयति यतिपतेर्वक्षसि ब्रह्मसूत्रम् ॥ ४॥

trayyā māṅgalyasūtraṃ triyugayugapathārohaṇālambasūtraṃsadvidyādīpasūtraṃ saguṇanayakathāsampadāṃ hārasūtram |prajñāsūtraṃ budhānāṃ praśamadhanamanaḥ padminīnālasūtraṃrakṣāsūtraṃ yatīnāṃ jayati yatipatervakṣasi brahmasūtram || 4||

पाषण्डसागरमहावडवामुखाग्निः ।श्रीरङ्गराजचरणाम्बुजमूलदासः ।श्रीविष्णुलोकमणिमण्डपमार्गदायीश्रीरामानुजो विजयते यतिराजराजः ॥ ५॥

pāṣaṇḍasāgaramahāvaḍavāmukhāgniḥ |śrīraṅgarājacaraṇāmbujamūladāsaḥ |śrīviṣṇulokamaṇimaṇḍapamārgadāyīśrīrāmānujo vijayate yatirājarājaḥ || 5||

कवितार्किकसिंहाय कल्याणगुणशालिने ।श्रीमते वेङ्कटेशाय वेदान्तगुरवे नमः ॥इति श्रीपञ्चधाटी स्तोत्रं सम्पूर्णम् ॥श्री श्रीवत्सचिह्नमिश्रादिभिरनुगृहीतमिति प्रथितं

kavitārkikasiṃhāya kalyāṇaguṇaśāline |śrīmate veṅkaṭeśāya vedāntagurave namaḥ ||iti śrīpañcadhāṭī stotraṃ sampūrṇam ||śrī śrīvatsacihnamiśrādibhiranugṛhītamiti prathitaṃ