श्रीकृष्णमङ्गलाष्टकम् २ Shrikrishna Mangalashtakam

श्रीनारीवदनाम्बुजस्य तरणिः श्रीवत्सधारी हरिःश्रीवैकुण्ठविलासलोलुपमतिः श्रीकौस्तुभालङ्कृतः ।श्रीमद्ब्रह्मपिनाकिपूजितपदः श्रीशङ्खचक्राङ्कितःश्रीव्यासार्यमनोऽम्बुजस्थिररतिः कुर्यात्सदा मङ्गलम् ॥ १॥

śrīnārīvadanāmbujasya taraṇiḥ śrīvatsadhārī hariḥśrīvaikuṇṭhavilāsalolupamatiḥ śrīkaustubhālaṅkṛtaḥ |śrīmadbrahmapinākipūjitapadaḥ śrīśaṅkhacakrāṅkitaḥśrīvyāsāryamano'mbujasthiraratiḥ kuryātsadā maṅgalam || 1||

कस्तूरीयुतगन्धलेपुततनुः कुन्दाब्जमालाधरःकेयूरादिसमस्तभूषणयुतः कञ्जादिचिह्नाङ्कितः ।मीनाङ्काद्भुतकोटिसुन्दरतनुर्मायातिगो माधवःश्रीव्यासार्यमनोऽम्बुजस्थिररतिः कुर्यात्सदा मङ्गलम् ॥ २॥

kastūrīyutagandhaleputatanuḥ kundābjamālādharaḥkeyūrādisamastabhūṣaṇayutaḥ kañjādicihnāṅkitaḥ |mīnāṅkādbhutakoṭisundaratanurmāyātigo mādhavaḥśrīvyāsāryamano'mbujasthiraratiḥ kuryātsadā maṅgalam || 2||

देवानामधिपः पिनाकिसुसखो देवारिदर्पापहःकौण्डिन्यादितपस्विसङ्घविनुतः कौन्तेयसंरक्षकः ।वेद्याद्यर्थपदक्रमादिसमितो विश्वाधिनाथो हरिःश्रीव्यासार्यमनोऽम्बुजस्थिररतिः कुर्यात्सदा मङ्गलम् ॥ ३॥

devānāmadhipaḥ pinākisusakho devāridarpāpahaḥkauṇḍinyāditapasvisaṅghavinutaḥ kaunteyasaṃrakṣakaḥ |vedyādyarthapadakramādisamito viśvādhinātho hariḥśrīvyāsāryamano'mbujasthiraratiḥ kuryātsadā maṅgalam || 3||

पृथ्वीभारनिवारणी सुनिरतः पृथ्वीपतिः पार्थिवैःमान्धातृप्रमुखैः समर्चितपदो मीनान्ततातो गुरुः ।नक्षत्राधिपचण्डभानुनयनो नागेन्द्रशायी हरिःश्रीव्यासार्यमनोऽम्बुजस्थिररतिः कुर्यात्सदा मङ्गलम् ॥ ४॥

pṛthvībhāranivāraṇī sunirataḥ pṛthvīpatiḥ pārthivaiḥmāndhātṛpramukhaiḥ samarcitapado mīnāntatāto guruḥ |nakṣatrādhipacaṇḍabhānunayano nāgendraśāyī hariḥśrīvyāsāryamano'mbujasthiraratiḥ kuryātsadā maṅgalam || 4||

सर्वज्ञः सनकादिभिः परिवृतः सर्वेषु कृत्येष्वपिध्येयो धामनिवासबिम्बवसतिः सर्वज्ञचूडामणिः ।सत्यज्ञानशुभस्वरूपसुखदः सर्वेष्टदाता हरिःश्रीव्यासार्यमनोऽम्बुजस्थिररतिः कुर्यात्सदा मङ्गलम् ॥ ५॥

sarvajñaḥ sanakādibhiḥ parivṛtaḥ sarveṣu kṛtyeṣvapidhyeyo dhāmanivāsabimbavasatiḥ sarvajñacūḍāmaṇiḥ |satyajñānaśubhasvarūpasukhadaḥ sarveṣṭadātā hariḥśrīvyāsāryamano'mbujasthiraratiḥ kuryātsadā maṅgalam || 5||

गोविन्दो गरुडध्वजो गुरुतमो गाङ्गेयसंरक्षकःगाङ्गेयाम्बरचुम्बितो गगनसद्गङ्गापतिर्गोगतिः ।गन्धर्वादिसुगीतहृष्टहृदयो गोपालबालान्वितःश्रीव्यासार्यमनोऽम्बुजस्थिररतिः कुर्यात्सदा मङ्गलम् ॥ ६॥

govindo garuḍadhvajo gurutamo gāṅgeyasaṃrakṣakaḥgāṅgeyāmbaracumbito gaganasadgaṅgāpatirgogatiḥ |gandharvādisugītahṛṣṭahṛdayo gopālabālānvitaḥśrīvyāsāryamano'mbujasthiraratiḥ kuryātsadā maṅgalam || 6||

यज्ञेशो यदुनन्दनो यदुपतिर्यज्ञेश्वरो यज्ञभुक्यज्ञघ्नेशतनूजभावभरितो यज्ञाऽभिधेयो हरिः ।यज्ञोद्भासविभूतयज्ञफलदो यज्ञप्रियः श्रीकरःश्रीव्यासार्यमनोऽम्बुजस्थिररतिः कुर्यात्सदा मङ्गलम् ॥ ७॥

yajñeśo yadunandano yadupatiryajñeśvaro yajñabhukyajñaghneśatanūjabhāvabharito yajñā'bhidheyo hariḥ |yajñodbhāsavibhūtayajñaphalado yajñapriyaḥ śrīkaraḥśrīvyāsāryamano'mbujasthiraratiḥ kuryātsadā maṅgalam || 7||

पूर्णप्रज्ञमतस्थितार्यसुखदः पूर्णेन्दुबिम्बस्थितःपुण्यानेकफलप्रदानचतुरः श्रीपुण्डरीकप्रियः ।विज्ञानाद्यमलाकृतिर्विजयते श्रीविट्ठलः श्रीकरःश्रीव्यासार्यमनोऽम्बुजस्थिररतिः कुर्यात्सदा मङ्गलम् ॥ ८॥

pūrṇaprajñamatasthitāryasukhadaḥ pūrṇendubimbasthitaḥpuṇyānekaphalapradānacaturaḥ śrīpuṇḍarīkapriyaḥ |vijñānādyamalākṛtirvijayate śrīviṭṭhalaḥ śrīkaraḥśrīvyāsāryamano'mbujasthiraratiḥ kuryātsadā maṅgalam || 8||

॥ इति श्रीव्यासराजविरचितं श्रीकृष्णमङ्गलाष्टकम् ॥

|| iti śrīvyāsarājaviracitaṃ śrīkṛṣṇamaṅgalāṣṭakam ||