नन्दनन्दनाष्टकम् Shri Nanda Nandanashtakam

सुचारुवक्त्रमण्डलं सुकर्णरत्नकुण्डलम् ।सुचर्चिताङ्गचन्दनं नमामि नन्दनन्दनम् ॥ १॥

sucāruvaktramaṇḍalaṃ sukarṇaratnakuṇḍalam |sucarcitāṅgacandanaṃ namāmi nandanandanam || 1||

सुदीर्घनेत्रपङ्कजं शिखीशिखण्डमूर्धजम् ।अनन्तकोटिमोहनं नमामि नन्दनन्दनम् ॥ २॥

sudīrghanetrapaṅkajaṃ śikhīśikhaṇḍamūrdhajam |anantakoṭimohanaṃ namāmi nandanandanam || 2||

सुनासिकाग्रमौक्तिकं स्वच्छदन्तपङ्क्तिकम् ।नवाम्बुदाङ्गचिक्कणं नमामि नन्दनन्दनम् ॥ ३॥

sunāsikāgramauktikaṃ svacchadantapaṅktikam |navāmbudāṅgacikkaṇaṃ namāmi nandanandanam || 3||

करेणवेणुरञ्जितं गतिः करीन्द्रगञ्जितम् ।दुकूलपीतशोभनं नमामि नन्दनन्दनम् ॥ ४॥

kareṇaveṇurañjitaṃ gatiḥ karīndragañjitam |dukūlapītaśobhanaṃ namāmi nandanandanam || 4||

त्रिभङ्गदेहसुन्दरं नखद्युतिः सुधाकरम् ।अमूल्यरत्नभूषणं नमामि नन्दनन्दनम् ॥ ५॥

tribhaṅgadehasundaraṃ nakhadyutiḥ sudhākaram |amūlyaratnabhūṣaṇaṃ namāmi nandanandanam || 5||

सुगन्ध अङ्गसौरभं उरो विराजि कौस्तुभम् ।स्फुरत् श्रीवत्सलाञ्छनं नमामि नन्दनन्दनम् ॥ ६॥

sugandha aṅgasaurabhaṃ uro virāji kaustubham |sphurat śrīvatsalāñchanaṃ namāmi nandanandanam || 6||

वृन्दावनसुनागरं विलासानुगवाससम् ।सुरेन्द्रगर्वमोचनं नमामि नन्दनन्दनम् ॥ ७॥

vṛndāvanasunāgaraṃ vilāsānugavāsasam |surendragarvamocanaṃ namāmi nandanandanam || 7||

व्रजाङ्गनासुनायकं सदा सुखप्रदायकम् ।जगन्मनःप्रलोभनं नमामि नन्दनन्दनम् ॥ ८॥

vrajāṅganāsunāyakaṃ sadā sukhapradāyakam |jaganmanaḥpralobhanaṃ namāmi nandanandanam || 8||

श्रीनन्दनन्दनाष्टकं पठेद्यः श्रद्धयान्वितः ।तरेद्भवाब्धिदुस्तरं लभेत्तदङ्घ्रियुक्तकम् ॥इति श्रीनन्दनन्दनाष्टकं सम्पूर्णम् ।

śrīnandanandanāṣṭakaṃ paṭhedyaḥ śraddhayānvitaḥ |taredbhavābdhidustaraṃ labhettadaṅghriyuktakam ||iti śrīnandanandanāṣṭakaṃ sampūrṇam |