मुकुन्दवन्दनाष्टकम् Shri Mukundavandana Ashtakam

देवं प्रपन्नार्तिहरं शरण्यं सत्यं चिदानन्दमयस्वरूपम् ॥मुक्तोपसृप्यं नवनीरदाभं श्रीमन्मुकुन्दं प्रणमामि नित्यम् ॥ १॥

devaṃ prapannārtiharaṃ śaraṇyaṃ satyaṃ cidānandamayasvarūpam ||muktopasṛpyaṃ navanīradābhaṃ śrīmanmukundaṃ praṇamāmi nityam || 1||

सौशील्यवात्सल्यगुणाढ्यमीशं कुञ्जेश्वरं रासविहारशीलम् ॥सखीसमूहैः परिगीयमानं श्रीमन्मुकुन्दं प्रणमामि नित्यम् ॥ २॥

sauśīlyavātsalyaguṇāḍhyamīśaṃ kuñjeśvaraṃ rāsavihāraśīlam ||sakhīsamūhaiḥ parigīyamānaṃ śrīmanmukundaṃ praṇamāmi nityam || 2||

माधुर्यभावे मधुरस्वरूपमैश्वर्यभावे भगवत्स्वरूपम् ॥वात्सल्यभावे च सुबालरूपं श्रीमन्मुकुन्दं प्रणमामि नित्यम् ॥ ३॥

mādhuryabhāve madhurasvarūpamaiśvaryabhāve bhagavatsvarūpam ||vātsalyabhāve ca subālarūpaṃ śrīmanmukundaṃ praṇamāmi nityam || 3||

वृन्दावने नित्यनिकुञ्जमध्ये रसात्मकं रासविहारिरूपम् ।ब्रह्मेशवृन्दारकवृन्दवन्द्यं श्रीमन्मुकुन्दं प्रणमामि नित्यम् ॥ ४॥

vṛndāvane nityanikuñjamadhye rasātmakaṃ rāsavihārirūpam |brahmeśavṛndārakavṛndavandyaṃ śrīmanmukundaṃ praṇamāmi nityam || 4||

मोक्षप्रदानाद्धि मुकुन्दसंज्ञं ज्ञानक्रियाशक्तिबलादिपूर्णम् ॥सञ्चिन्तनीयं शरणं प्रपन्नैः श्रीमन्मुकुन्दं प्रणमामि नित्यम् ॥ ५॥

mokṣapradānāddhi mukundasaṃjñaṃ jñānakriyāśaktibalādipūrṇam ||sañcintanīyaṃ śaraṇaṃ prapannaiḥ śrīmanmukundaṃ praṇamāmi nityam || 5||

ध्येयं कुमारैः सुमनोभिराद्यं गेयं वचोभिर्मुनिनारदाद्यैः ॥आचार्यवर्यैश्च समर्चनीयं श्रीमन्मुकुन्दं प्रणमामि नित्यम् ॥ ६॥

dhyeyaṃ kumāraiḥ sumanobhirādyaṃ geyaṃ vacobhirmunināradādyaiḥ ||ācāryavaryaiśca samarcanīyaṃ śrīmanmukundaṃ praṇamāmi nityam || 6||

यत्पादपद्माश्रयणाद् विलीना भवन्ति जन्मादिविकारभावाः ।तं सर्वपूज्यं परमं वरेण्यं श्रीमन्मुकुन्दं प्रणमामि नित्यम् ॥ ७॥

yatpādapadmāśrayaṇād vilīnā bhavanti janmādivikārabhāvāḥ |taṃ sarvapūjyaṃ paramaṃ vareṇyaṃ śrīmanmukundaṃ praṇamāmi nityam || 7||

वाणी मुकुन्दस्य गुणान् गृणातु मनस्तु तस्याङ्घ्रियुगं वृणोतु ।करौ सदा पूजनतत्परौ स्तामन्यानि चाङ्गानि फलीभवन्तु ॥ ८॥

vāṇī mukundasya guṇān gṛṇātu manastu tasyāṅghriyugaṃ vṛṇotu |karau sadā pūjanatatparau stāmanyāni cāṅgāni phalībhavantu || 8||

वासुदेवशरण उपाध्याय, प्राचार्यश्रीसर्वेश्वर संस्कृत महाविद्यालयनिम्बार्कतीर्थसलेमाबाद, जि० अजमेर (राज०)इति वासुदेवशरण उपाध्यायविरचितं श्रीमुकुन्दवन्दनाष्टकम्

vāsudevaśaraṇa upādhyāya, prācāryaśrīsarveśvara saṃskṛta mahāvidyālayanimbārkatīrthasalemābāda, ji0 ajamera (rāja0)iti vāsudevaśaraṇa upādhyāyaviracitaṃ śrīmukundavandanāṣṭakam