नरोत्तमाष्टकम् Shri Narottamashtakam
narottamāṣṭakam
Shri Narottamashtakam (नरोत्तमाष्टकम्): an eight-verse hymn (aṣṭaka) to Kṛṣṇa, by Vishwanatha Chakravarti. 10 verses in Sanskrit with Devanagari and IAST.
- Stotra
- Aṣṭakam
- Kṛṣṇa
- Ashtaka
नरोत्तमाष्टकम्
1 / 10
श्रीकृष्णनामामृतवर्षिवक्त्रचन्द्रप्रभाध्वस्ततमोभराय ।गौराङ्गदेवानुचराय तस्मैनमो नमः श्रीलनरोत्तमाय ॥ १॥
śrīkṛṣṇanāmāmṛtavarṣivaktracandraprabhādhvastatamobharāya |gaurāṅgadevānucarāya tasmainamo namaḥ śrīlanarottamāya || 1||
सङ्कीर्तनानन्दजमन्दहास्यदन्तद्युतिद्योतितदिङ्मुखाय ।स्वेदाश्रुधारास्नपिताय तस्मैनमो नमः श्रीलनरोत्तमाय ॥ २॥
saṅkīrtanānandajamandahāsyadantadyutidyotitadiṅmukhāya |svedāśrudhārāsnapitāya tasmainamo namaḥ śrīlanarottamāya || 2||
मृदङ्गनादश्रुतिमात्रचञ्चत्पदाम्बुजामन्दमनोहराय ।सद्यः समुद्यत्पुलकाय तस्मैनमो नमः श्रीलनरोत्तमाय ॥ ३॥
mṛdaṅganādaśrutimātracañcatpadāmbujāmandamanoharāya |sadyaḥ samudyatpulakāya tasmainamo namaḥ śrīlanarottamāya || 3||
गन्धर्वगर्वक्षपणस्वलास्यविस्मापिताशेषकृतिव्रजाय ।स्वसृष्टगानप्रथिताय तस्मैनमो नमः श्रीलनरोत्तमाय ॥ ४॥
gandharvagarvakṣapaṇasvalāsyavismāpitāśeṣakṛtivrajāya |svasṛṣṭagānaprathitāya tasmainamo namaḥ śrīlanarottamāya || 4||
आनन्दमूर्च्छावनिपातभातधूलीभरालङ्कृतविग्रहाय ।यद्दर्शनं भाग्यभरेण तस्मैनमो नमः श्रीलनरोत्तमाय ॥ ५॥
ānandamūrcchāvanipātabhātadhūlībharālaṅkṛtavigrahāya |yaddarśanaṃ bhāgyabhareṇa tasmainamo namaḥ śrīlanarottamāya || 5||
स्थले स्थले यस्य कृपाप्रपाभिःकृष्णान्यतृष्णा जनसंहतीनाम् ।निर्मूलिता एव भवन्ति तस्मैनमो नमः श्रीलनरोत्तमाय ॥ ६॥
sthale sthale yasya kṛpāprapābhiḥkṛṣṇānyatṛṣṇā janasaṃhatīnām |nirmūlitā eva bhavanti tasmainamo namaḥ śrīlanarottamāya || 6||
यद्भक्तिनिष्ठा पलरेखिकेवस्पर्शः पुनः स्पर्शमणीव यस्य ।प्रामाण्यमेवं श्रुतिवद्यदीयंतस्मै नमः श्रीलनरोत्तमाय ॥ ७॥
yadbhaktiniṣṭhā palarekhikevasparśaḥ punaḥ sparśamaṇīva yasya |prāmāṇyamevaṃ śrutivadyadīyaṃtasmai namaḥ śrīlanarottamāya || 7||
मूर्तैव भक्तिः किमयं किमेषवैराग्यसारस्तनुमान् नृलोके ।सम्भाव्यते यः कृतिभिः सदैवतस्मै नमः श्रीलनरोत्तमाय ॥ ८॥
mūrtaiva bhaktiḥ kimayaṃ kimeṣavairāgyasārastanumān nṛloke |sambhāvyate yaḥ kṛtibhiḥ sadaivatasmai namaḥ śrīlanarottamāya || 8||
राजन्मृदङ्गकरतालकलाभिरामंगौराङ्गगानमधुपानभराभिरामम् ।श्रीमन्नरोत्तमपदाम्बुजमञ्जुनृत्यंभृत्यं कृतार्थयतु मां फलितेष्टकृत्यम् ॥ ९॥
rājanmṛdaṅgakaratālakalābhirāmaṃgaurāṅgagānamadhupānabharābhirāmam |śrīmannarottamapadāmbujamañjunṛtyaṃbhṛtyaṃ kṛtārthayatu māṃ phaliteṣṭakṛtyam || 9||
इति श्रीमद्विश्वनाथचक्रवर्तिविरचितं श्रीनरोत्तमाष्टकं सम्पूर्णम् ।
iti śrīmadviśvanāthacakravartiviracitaṃ śrīnarottamāṣṭakaṃ sampūrṇam |
॥ इति नरोत्तमाष्टकम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Shri Narottamashtakam?
Shri Narottamashtakam has 10 verses on this page, each shown with its number, Devanagari text and transliteration, and meaning where available.
Can I read Shri Narottamashtakam in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Shri Narottamashtakam?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
Who composed Shri Narottamashtakam?
Vishwanatha Chakravarti.
