सचिनन्दनाष्टकम् Sachinandana Ashtakam

गोपीनां कुचकुङ्कुमेन निचितं वासः किमस्यारुणंनिन्दत्काञ्चनकान्तिरासरसिकाश्लेषेण गौरं वपुः ।तासां गाढकराभिबन्धनवशाल्लोमोद्गमो दृश्यतेआश्चर्यं सखि पश्य लम्पटगुरोः सन्न्यासवेषं क्षितौ ॥ १॥

gopīnāṃ kucakuṅkumena nicitaṃ vāsaḥ kimasyāruṇaṃnindatkāñcanakāntirāsarasikāśleṣeṇa gauraṃ vapuḥ |tāsāṃ gāḍhakarābhibandhanavaśāllomodgamo dṛśyateāścaryaṃ sakhi paśya lampaṭaguroḥ sannyāsaveṣaṃ kṣitau || 1||

यः पूर्वं व्रजसुन्दरीरतिरसैरुत्थापितः प्रत्यहंकालिन्दीपुलिने ननर्त रभसात् श्रीरासगोष्ठ्यां विभुः ।सोऽयं सम्प्रति सर्वलोकनिहितप्रेमानुरागः कलौप्रेम्णा नृत्यति नर्तयत्यपि जगद्भूदेवचूडामणिः ॥ २॥

yaḥ pūrvaṃ vrajasundarīratirasairutthāpitaḥ pratyahaṃkālindīpuline nanarta rabhasāt śrīrāsagoṣṭhyāṃ vibhuḥ |so'yaṃ samprati sarvalokanihitapremānurāgaḥ kalaupremṇā nṛtyati nartayatyapi jagadbhūdevacūḍāmaṇiḥ || 2||

वेदान्तागमवेदशास्त्रपटलीदुर्गम्यपादाम्बुजःश्रीश्रीनन्दकिशोरलास्यलहरीविद्योतकानुग्रहः ।तत्कालस्मृतिमात्रतत्क्षणवलत्प्रेमप्रवाहाम्बुधिर्भूदेवाङ्गणामङ्गलो विजयते श्रीश्रीशचीनन्दनः ॥ ३॥

vedāntāgamavedaśāstrapaṭalīdurgamyapādāmbujaḥśrīśrīnandakiśoralāsyalaharīvidyotakānugrahaḥ |tatkālasmṛtimātratatkṣaṇavalatpremapravāhāmbudhirbhūdevāṅgaṇāmaṅgalo vijayate śrīśrīśacīnandanaḥ || 3||

मोहोन्मादरसेन गोपवनितासिक्तेन वृन्दावनंयः पूर्वं जगदेकमङ्गलमलं चक्रे घनश्यामलः ।सोऽयं गौरहरिः समस्तजगतीं प्रेम्णा समुल्लासयन्कारुण्यैकनिकेतनं विजयते गौडावनीमण्डले ॥ ४॥

mohonmādarasena gopavanitāsiktena vṛndāvanaṃyaḥ pūrvaṃ jagadekamaṅgalamalaṃ cakre ghanaśyāmalaḥ |so'yaṃ gaurahariḥ samastajagatīṃ premṇā samullāsayankāruṇyaikaniketanaṃ vijayate gauḍāvanīmaṇḍale || 4||

नृत्यावेशमहोल्लसत्सुमधुरप्रत्यङ्गवेशोज्ज्वलंश्रीखण्डागुरुकुङ्कुमादिसहितं श्रीमद्बृहद्वक्षसा ।कर्पूरोद्भटपूगपुञ्जविलसत्प्रारक्तबिम्बाधरंश्रीचैतन्यमहाप्रभोर्विजयते लावण्यसारं वपुः ॥ ५॥

nṛtyāveśamahollasatsumadhurapratyaṅgaveśojjvalaṃśrīkhaṇḍāgurukuṅkumādisahitaṃ śrīmadbṛhadvakṣasā |karpūrodbhaṭapūgapuñjavilasatprāraktabimbādharaṃśrīcaitanyamahāprabhorvijayate lāvaṇyasāraṃ vapuḥ || 5||

प्रतप्तकनकप्रभं विमलपूर्णचन्द्राननंगलन्नयनवारिभिः सपदि सिक्तभूमीतलम् ।सगद्गदगिरं मुदा सकलदेवचूडामणिंशचीसुतमहं भजे करुणसागरमीश्वरम् ॥ ६॥

prataptakanakaprabhaṃ vimalapūrṇacandrānanaṃgalannayanavāribhiḥ sapadi siktabhūmītalam |sagadgadagiraṃ mudā sakaladevacūḍāmaṇiṃśacīsutamahaṃ bhaje karuṇasāgaramīśvaram || 6||

कदम्बकुसुमोल्लसत्पुलकपुञ्जपुञ्जोज्ज्वलंझलत्झलदिति स्खलन्नयनवारिभिर्निर्झरम् ।वयं दमदमायिते हृदि दरस्फुरन्माधुरीमधून्मदमहानटं किमपि धाम वन्दामहे ॥ ७॥

kadambakusumollasatpulakapuñjapuñjojjvalaṃjhalatjhaladiti skhalannayanavāribhirnirjharam |vayaṃ damadamāyite hṛdi darasphuranmādhurīmadhūnmadamahānaṭaṃ kimapi dhāma vandāmahe || 7||

उच्चैर्लोलभुजद्वयेन परितः स्वर्लोकमाह्लादयन्प्रेम्णा पूरितकण्ठगद्गदहरिध्वानैर्भुवं मोहयन् ।चञ्चत्पादविहारिनूपुररवैर्नागान् मुदा मीलयन्नित्यानन्दमहाप्रभुर्विजयते श्रीमल्लवेशोज्ज्वलः ॥ ८॥

uccairlolabhujadvayena paritaḥ svarlokamāhlādayanpremṇā pūritakaṇṭhagadgadaharidhvānairbhuvaṃ mohayan |cañcatpādavihārinūpuraravairnāgān mudā mīlayannityānandamahāprabhurvijayate śrīmallaveśojjvalaḥ || 8||

कृष्णो देवः कलियुगभवं लोकमालोक्य सर्वंपापासक्तं समजनि कृपासिन्धुचैतन्यमूर्तिः ।तस्मिन् येषां न भवति सदा कृष्णबुद्धिर्नराणांधिक्तान् धिक्तान् धिगिति धिगिति व्याहरेत् किं मृदङ्गः ॥ ९॥

kṛṣṇo devaḥ kaliyugabhavaṃ lokamālokya sarvaṃpāpāsaktaṃ samajani kṛpāsindhucaitanyamūrtiḥ |tasmin yeṣāṃ na bhavati sadā kṛṣṇabuddhirnarāṇāṃdhiktān dhiktān dhigiti dhigiti vyāharet kiṃ mṛdaṅgaḥ || 9||

इति श्रीनरहरीसरकारविरछितं सचिनन्दनाष्टकं सम्पूर्णम् ।

iti śrīnaraharīsarakāravirachitaṃ sacinandanāṣṭakaṃ sampūrṇam |