नन्दकुमाराष्टकम् Hymn to Krishna as Nandakumar

सुन्दरगोपालं उरवनमालं नयनविशालं दुःखहरंवृन्दावनचन्द्रमानन्दकन्दं परमानन्दं धरणिधरम् ।वल्लभघनश्यामं पूर्णकामं अत्यभिरामं प्रीतिकरंभज नन्दकुमारं सर्वसुखसारं तत्त्वविचारं ब्रह्मपरम् ॥ १॥

sundaragopālaṃ uravanamālaṃ nayanaviśālaṃ duḥkhaharaṃvṛndāvanacandramānandakandaṃ paramānandaṃ dharaṇidharam |vallabhaghanaśyāmaṃ pūrṇakāmaṃ atyabhirāmaṃ prītikaraṃbhaja nandakumāraṃ sarvasukhasāraṃ tattvavicāraṃ brahmaparam || 1||

सुन्दरवारिजवदनं निर्जितमदनं आनन्दसदनं मुकुटधरंगुञ्जाकृतिहारं विपिनविहारं परमोदारं चीरहरम् ।वल्लभपटपीतं कृतउपवीतं करनवनीतं विबुधवरंभज नन्दकुमारं सर्वसुखसारं तत्त्वविचारं ब्रह्मपरम् ॥ २॥

sundaravārijavadanaṃ nirjitamadanaṃ ānandasadanaṃ mukuṭadharaṃguñjākṛtihāraṃ vipinavihāraṃ paramodāraṃ cīraharam |vallabhapaṭapītaṃ kṛtaupavītaṃ karanavanītaṃ vibudhavaraṃbhaja nandakumāraṃ sarvasukhasāraṃ tattvavicāraṃ brahmaparam || 2||

शोभितमुखधूलं यमुनाकूलं निपटअतूलं सुखदतरंमुखमण्डितरेणुं चारितधेनुं वादितवेणुं मधुरसुरम् ।वल्लभमतिविमलं शुभपदकमलं नखरुचि अमलं तिमिरहरंभज नन्दकुमारं सर्वसुखसारं तत्त्वविचारं ब्रह्मपरम् ॥ ३॥

śobhitamukhadhūlaṃ yamunākūlaṃ nipaṭaatūlaṃ sukhadataraṃmukhamaṇḍitareṇuṃ cāritadhenuṃ vāditaveṇuṃ madhurasuram |vallabhamativimalaṃ śubhapadakamalaṃ nakharuci amalaṃ timiraharaṃbhaja nandakumāraṃ sarvasukhasāraṃ tattvavicāraṃ brahmaparam || 3||

शिरमुकुटसुदेशं कुञ्चितकेशं नटवरवेशं कामवरंमायाकृतमनुजं हलधरअनुजं प्रतिहतदनुजं भारहरम् ।वल्लभव्रजपालं सुभगसुचालं हितमनुकालं भाववरंभज नन्दकुमारं सर्वसुखसारं तत्त्वविचारं ब्रह्मपरम् ॥ ४॥

śiramukuṭasudeśaṃ kuñcitakeśaṃ naṭavaraveśaṃ kāmavaraṃmāyākṛtamanujaṃ haladharaanujaṃ pratihatadanujaṃ bhāraharam |vallabhavrajapālaṃ subhagasucālaṃ hitamanukālaṃ bhāvavaraṃbhaja nandakumāraṃ sarvasukhasāraṃ tattvavicāraṃ brahmaparam || 4||

इन्दीवरभासं प्रकटसुरासं कुसुमविकासं वंशिधरंहृत्मन्मथमानं रूपनिधानं कृतकलगानं चित्तहरम् ।वल्लभमृदुहासं कुञ्जनिवासं विविधविलासं केलिकरंभज नन्दकुमारं सर्वसुखसारं तत्त्वविचारं ब्रह्मपरम् ॥ ५॥

indīvarabhāsaṃ prakaṭasurāsaṃ kusumavikāsaṃ vaṃśidharaṃhṛtmanmathamānaṃ rūpanidhānaṃ kṛtakalagānaṃ cittaharam |vallabhamṛduhāsaṃ kuñjanivāsaṃ vividhavilāsaṃ kelikaraṃbhaja nandakumāraṃ sarvasukhasāraṃ tattvavicāraṃ brahmaparam || 5||

अतिपरमप्रवीणं पालितदीनं भक्ताधीनं कर्मकरंमोहनमतिधीरं फणिबलवीरं हतपरवीरं तरलतरम् ।वल्लभव्रजरमणं वारिजवदनं हलधरशमनं शैलधरंभज नन्दकुमारं सर्वसुखसारं तत्त्वविचारं ब्रह्मपरम् ॥ ६॥

atiparamapravīṇaṃ pālitadīnaṃ bhaktādhīnaṃ karmakaraṃmohanamatidhīraṃ phaṇibalavīraṃ hataparavīraṃ taralataram |vallabhavrajaramaṇaṃ vārijavadanaṃ haladharaśamanaṃ śailadharaṃbhaja nandakumāraṃ sarvasukhasāraṃ tattvavicāraṃ brahmaparam || 6||

जलधरद्युतिअङ्गं ललितत्रिभङ्गं बहुकृतरङ्गं रसिकवरंगोकुलपरिवारं मदनाकारं कुञ्जविहारं गूढतरम् ।वल्लभव्रजचन्द्रं सुभगसुछन्दं कृतआनन्दं भ्रान्तिहरंभज नन्दकुमारं सर्वसुखसारं तत्त्वविचारं ब्रह्मपरम् ॥ ७॥

jaladharadyutiaṅgaṃ lalitatribhaṅgaṃ bahukṛtaraṅgaṃ rasikavaraṃgokulaparivāraṃ madanākāraṃ kuñjavihāraṃ gūḍhataram |vallabhavrajacandraṃ subhagasuchandaṃ kṛtaānandaṃ bhrāntiharaṃbhaja nandakumāraṃ sarvasukhasāraṃ tattvavicāraṃ brahmaparam || 7||

वन्दितयुगचरणं पावनकरणं जगदुद्धरणं विमलधरंकालियशिरगमनं कृतफणिनमनं घातितयमनं मृदुलतरम् ।वल्लभदुःखहरणं निर्मलचरणं अशरणशरणं मुक्तिकरंभज नन्दकुमारं सर्वसुखसारं तत्त्वविचारं ब्रह्मपरम् ॥ ८॥

vanditayugacaraṇaṃ pāvanakaraṇaṃ jagaduddharaṇaṃ vimaladharaṃkāliyaśiragamanaṃ kṛtaphaṇinamanaṃ ghātitayamanaṃ mṛdulataram |vallabhaduḥkhaharaṇaṃ nirmalacaraṇaṃ aśaraṇaśaraṇaṃ muktikaraṃbhaja nandakumāraṃ sarvasukhasāraṃ tattvavicāraṃ brahmaparam || 8||

॥ इति श्रीमहाप्रभुवल्लभाचार्यविरचितं श्रीनन्दकुमाराष्टकं सम्पूर्णम् ॥

|| iti śrīmahāprabhuvallabhācāryaviracitaṃ śrīnandakumārāṣṭakaṃ sampūrṇam ||